Сулустар кэпсииллэр: ыам ыйын 25 – 31 күннэрэ

Бараан

Эниэргийэҥ уонна күүһүҥ толору буолуо, онон былааннаабыккын олоххо киллэрэргэ тоҕоостоох кэм. Ураты идиэйэ элбэх эрээри, ону толоро охсорго бириэмэ тиийбэт. Онон доҕотторгуттан уонна аймахтаргыттан көмө киирдэҕинэ, аккаастаныма. Дьону кириитикэлии сылдьыбатаххына, элбэх кыһалҕа сүтүөҕэ, дьыалаҥ ситиһиилээхтик барыа. Саҥа билсиһиилэр уонна үлэҕэ сибээстэр туһалыахтара.

Оҕусчаан

Барыта санаа хоту табыллыа суоҕа, ол эрээри инниҥ диэки күүскэ дьулуһума, кыратык тохтуу түһүөххүн наада. Былааннаргын уонна санааларгын элбэхтик кэпсээмэ, оччоҕо түргэнник туолуохтара. Сэрэдэҕэ элбэҕи ситиһиэххин сөп, бу күн сулустар күүскүн-уоххун, санааҥ көтөҕүллүүтүн үрдэтиэхтэрэ. Бээтинсэҕэ үлэҕэр табыллыы, докумуоннарга илии баттааһын ситиһиилээх буолуо. Өрөбүлгэ чугас дьоҥҥун кытта дууһалыын сынньан.

Игирэлэр

Үлэҕэр уонна тус олоххор кыһалҕалары быһаарарга табыгастаах кэм. Улахан сырата суох барытын кыайар кыахтааххын. Дьыала барыта эн тускар табыллар, ситиһии бэйэтинэн кэлиэ. Ис санааҕар итэҕэй, сүрэҕиҥ тугу этэрин иһит.

Араак

Айар дьоҕуруҥ үрдүк, ол эрээри барытын биирдэ ситиһэ сатаама, күүскүн-кыаххын ааҕан-суоттаан көр. Дьыалабыай партнердарыҥ төһө эрэллээхтэрин бэрэбиэркэлээн көрүөххүн сөп. Этиҥ-хааныҥ чөл, күүс-уох баар, онон хамсанар-имсэнэр олоҕу тутус, ол туһаны эрэ аҕалыа. Бу нэдиэлэҕэ сыалгын ситиһэргэ улахан хардыыны оҥоруоххун сөп.

Хахай

Бу нэдиэлэҕэ үлэҕэр хаачыстыбалаахтык инники хардыылыаххын сөп, ону тэҥэ дьиэҕэр эбэтэр даачаҕар бөх-сыыс хомуйуутун кыайыаҥ. Бэйэ доруобуйатыгар болҕомто ууруохха наада, куорат таһыгар сынньаныахха эбэтэр былааннаммыт айаҥҥа барыахха сөп. Барытынан дьарыктанарыҥ көҥүл, тугу гыммытыҥ барыта табыллыа.

Кыыс Куо

Нэдиэлэ устата кэллиэгэлэргэр, партнердаргар уонна салалтаҕар бэйэҥ кырдьыккын көрдөр. Сөбүлэспэт түгэннэригэр, сирэйдэригэр тута эт, кэлин кэмсиммэт гына. Бэнидиэнньиккэ саҥа идиэйэлэр көтөн түһүөхтэрэ, олору олоххо киллэрии сыралаах буолуо эрээри, үтүө түмүгүнэн астыннарыа. Сыалгын ситиһиэххин баҕарар буоллаххына, «чарапаахы хаамыытын» тутус, онтуҥ ордук көдьүүстээх буолуо.

Ыйааһыннар

Нэдиэлэ устата иһитиннэриилэри сэрэнэн тутус, куһаҕаны саҥарыма — эн тылгын-өскүн токурутуохтарын сөп. Дьыала тэрийэр буоллаххына, эрэллээх эрэ дьону кытта үлэлэс. Билбэт дьоҥҥор итэҕэйбэтиҥ ордук. Тус олоххор уларыйыылар тахсыахтарын сөп, ол эн кыһамньыгыттан тутулуктаах.

Ооҕуй

Нэдиэлэ устата бэйэни хомунан сырыттахха, карьера өттүгэр улахан хардыыны оҥоруохха сөп. Нэдиэлэ саҕаланыыта эппиэтинэстээх кэпсэтиилэр уонна саҥа дьыалабыай партнердар баар буолуохтара. Барытын бэйэҥ эрэ күүскүнэн ситиһэбин диэн сөпкө саныыгын. Сорудах элбэх, былааннаабыккын барытын толорор ыарахан буолуо, ол эрэн эрэлинэн уонна дьулуурунан кыаллыан сөп.

Охчут

Ис санааҕар бэйэҕин албыннана сылдьар курдуккун. Дьыалабыай партнердаргын уонна кэллиэгэлэргин болҕойон көр: кинилэр кистэлэҥ санаалаахтар. Ыарахаттар баалларын да иһин, инниҥ диэки баран ис, мэһэйдэри сэрэйэн тумна сырыт. Ыксаама, санааҕын түһэримэ. Субуота, өрөбүл диэки барыта орун-оннугар түһүө.

Чубуку

Үлэттэн куотунар кыах суох курдук, онон сэрэнэ сырыт — бэйэҕин таһынан, атын киһи үлэтин сүктэриэхтэрин сөп. Ол эйиэхэ наада дуо? Нэдиэлэ иккис аҥаарыгар дьиэҕэр уонна даачаҕар мунньуллубут үлэни үмүрүтэн бүтэрэн кэбиһиэҥ. Чугас дьоҥҥун төһөнөн хайҕыыгын да, соччонон бэйэҥ дьоллонуоҥ.

Күрүлгэн

Бу нэдиэлэҕэ бэйэҥ күүскэр-уоххар уонна кыаххар эрэ эрэн. Үчүгэй түмүгү ылар туһугар барытын соҕотоҕун оҥор. Бэнидиэнньиккэ ыраах айан эбэтэр үлэҕэр уларыйыылар күүтэллэр. Өрөбүллэргэ чугас дьонуҥ эн этиилэргэр сөбүлэһимиэхтэрин сөп, онон мөккүөргэ киирбэт туһуттан биир тылы була сатаа.

Балыктар

Бу нэдиэлэтээҕи сабыытыйалары айаннаан иһэн түннүгүнэн элэс көрөн ааһар курдук буолуоҥ, хараххын эрэ быһа симпит курдук сананыаҥ, онтуҥ эн дьылҕаҕар туох да охсууну аҕалыа суоҕа. Ол гынан баран билигин эрэ тус олоххор уларытыылары киллэрэр кыахтааххын. Сулустар этэллэринэн, дьиҥнээх таптал аттыгар сылдьар — ону мүччү тутума.