Сулустар кэпсииллэр: ыам ыйын 18 – 24 күннэрэ

Бараан

Бу нэдиэлэҕэ эрчимнээх, көхтөөх буолуоҥ. Тус бэйэҕэр, аттыгар баар дьоҥҥо ирдэбилиҥ уонна баҕа санааҥ улаатыа. Чугас дьоҥҥун кытта сыһыаны буортулууртан туттуна сатаа. Бээтинсэҕэ улахан суолталаах былааннары оҥорума, толкуйдаабытыҥ барыта санаа хоту табыллыа суоҕа. Өрөбүллэргэ аймахтарыҥ өттүлэриттэн өйөбүлү, кыһамньыны күүт.

Оҕусчаан

Бу нэдиэлэҕэ олоххор саҥаттан-саҥа сыаллар, соруктар үөскүөхтэрэ. Кыра, бытархай түгэннэргэ иҥнэн хаалыма, эйигин улуу дьыалалар күүтэллэр. Ситиһии бэйэҕэр эрэллээххиттэн уонна балаһыанньаны сөптөөхтүк сыаналыыргыттан тутулуктаах. Дьулуурдаах буолууҥ үчүгэй түмүктэри аҕалыа. Ол эрээри билигин көрүүлэргин, сыһыаҥҥын уонна сыаннастаргын хаттаан көрөр кэм кэлбит курдук.

Игирэлэр

Кыһалҕалары быһаарарга үгэс буолбут ньымалар куруук табыллыбаттар, онон сорох көрүүлэргин уларытарыҥ ордук буолуо, оччоҕо үтүө түмүк кэлэн үөрдүө. Кэрэ эбэтэр күүстээх аҥааргар ситиһиинэн туһанаҕын. Эйигин хайҕыахтара, эн тускар кыһаныахтара, көрсүһүүгэ ыҥырыахтара уонна үөрдүөхтэрэ.

Араак

Нэдиэлэ бастакы аҥаарыгар көрсүһүүлэр, айаннар уонна түбүктэр баар буолуохтара. Ону тэҥэ дьону итэҕэтэр, тылгар киллэрэр дьоҕуру баһылаан, баҕарбыккын чэпчэкитик ситиһиэҥ. Нэдиэлэ иккис аҥаарыгар уларыйыыга тоҕоостоох кэм тосхойуон сөп. Уоппускаҥ кэмэ да буолбатар, саатар өрөбүллэргэ сынньана, айанныы сатаа.

Хахай

Билигин улахан суолталаах дьыалалары ылсыбат ордук, үлэ кээмэйин кыччатарга кыһан. Тылгын-өскүн, быһыыгын-майгыгын толкуйдаа, иэйиигэ бэринимэ. Настарыанньаҥ уларыйыан сөп, ол үлэҕэр мэлдьи үчүгэй өттүнэн дьайыа суоҕа. Үлэҕэр хопко-сипкэ киирэн биэриэххин сөп. Ол эрээри нэдиэлэ бүтүүтэ сабыдыаллаах дьон өйөбүллэрин ылыаҥ.

Кыыс Куо

Элбэх түбүктээх уонна балайда күүрээннээх нэдиэлэ күүтэр. Ситиһии төрдө — уопуккар олоҕуруу, мындыр өй уонна үрдүккэ тардыһыыны ситимнээһин. Саамай сүрүнүгэр болҕомтоҕун ууруоххун наада, бытархай түгэннэргэ аралдьыйбатыҥ ордук. Эйигин атын ол-бу бытархай уонна араас дьон аралдьытыахтара. Бээтинсэҕэ үлэ ноҕуруускатын аҕыйатарга кыһан. Өрөбүллэргэ чугас дьонуҥ солуута суох үөрэтэллэрин, сүбэлииллэрин ылыныма.

Ыйааһыннар

Нэдиэлэни хайдах былаанныыргыттан сарсыҥҥы күнүҥ тутулуктаах. Соруктары быһаарарга мындыр өйү-санааны туттуоххун наада, иэйиигиттэн тэйэн, туох сыыһа баарын ырытан көр. Билигин саамай сытыытык турар кыһалҕаҕа туох баар кыаххын, эниэргийэҕин туһаай. Уонна, арааһа, бу кыһалҕа эн тус олоххун кытта сибээстээх курдук.

Ооҕуй

Ситиһии эйигин дьыалаларга, биисинэскэ, айар үлэҕэ күүтэр. Бу нэдиэлэҕэ элбэхтик үлэлиэҥ, ол оннугар бары үчүгэй хаачыстыбаларгын көрдөрөр уонна дохуот ылар кыах үөскүө. Улахан тэрээһиҥҥэ тэрийэр дьоҕуруҥ туһалыа. Чугас дьонуҥ ситиһиилэринэн үөрдүөхтэрэ.

Охчут

Бу нэдиэлэҕэ араас эйгэҕэ үчүгэй өттүнэн дьайар уларыйыылар күүтэллэр, саҥа үлэ эбээһинэстэриттэн саҕалаан, саҥа олорор сиргэ көһүүгэ тиийэ. Өрөбүллэргэ наадата суох маллары ырытан, сөбүлээбэт бөҕү-сыыһы быраҕан саҕалыыр ордук. Тута чэпчээбиккин билиниэҥ. Туохха да наадата суохтан, эргэрбиттэн ыраастанарга үчүгэй кэм.

Чубуку

Бу нэдиэлэҕэ болҕомтолоох буол уонна алҕастары таһаарбат туһугар кыһалын. Өйүҥ-санааҥ хаһааҥҥытааҕар да уратытык, чуолкайдык үлэлиэ, элбэх санаа үөскүө, олортон дьиҥнээхтэрин уонна туолбаттарын араарар ордук. Нэдиэлэ бүтүүтэ айаннар, сырыылар табыллыахтара. Ханнык баҕарар быһыыга-майгыга эрэллээх буолуу уонна утарылаһааччылары кытта ситиһиилээхтик утары киирсэр дьоҕур наада. Өрөбүл күн үчүгэй түгэннэринэн үөрдүөн сөп.

Күрүлгэн

Чугастааҕы күннэргэ бэйэни сыаналааһыны үрдэтэр үчүгэй кыах үөскүө, оннооҕор утары турар дьон эн дьыалабыай хаачыстыбаҕын бэлиэтии көрүөхтэрэ. Оптуорунньукка ис санааҕар итэҕэй, кини кистэлэҥ баҕа санааларгын олоххо киллэрэргэ көмөлөһүө. Сыалгын ситиһэр туһугар сорох бириинсиптэргин толук ууруоххун наада буолуо. Онон, саҕалыаҥ иннинэ маныаха бэлэммин дуо диэн толкуйдаа.

Балыктар

Бу нэдиэлэҕэ тус былаанынан үлэлиир табыгастаах. Тэпсиллибит суоллар эйиэхэ барсыбаттар. Бэйэмсэх быһыыны көрдөрүмүөххүн наада, таптыыр киһигэр болҕомтолоох буол. Субуотаҕа чуумпу эйгэҕэ өр кэм устата уура сылдьыбыт дьиэтээҕи кыһалҕаларгын быһаарыаххын сөп. Өрөбүллэргин чугас дьоҥҥун кытары атаар, айылҕаҕа сырыт, дуоһуйа сынньан.