Сулустар кэпсииллэр: Тохсунньу 31 күнэ, субуота

Бараан

Бүгүн чугас дьонуҥ өйөбүлүгэр наадыйыаҥ.Кинилэртэн сүбэ-ама, үтүө тыл көрдөө, оччотугар кыһалҕаны бииргэ быһаараргытыгар чэпчэки буолуо. Саамай суолталаах соруктары эрэ бастакы күөҥҥэ туруор уонна онно сүрүн болҕомтоҕун уур. Бу эн күүппүккүнээҕэр уһун бириэмэни ылыаҕа.

Оҕусчаан

Сынньалаҥ диэбэккэ араас үлэнэн дьарыктаныаҥ. Онтон дэлби сылайыаҥ, үксүн соҕотох оҥоруоҥ. Күүс-уох тиийбэт буоллаҕына, биир-икки саамай уустук сорудаҕы толор, эбэтэр чугас дьоҥҥуттан көмө көрдөө — кинилэр үөрэ-көтө көмөлөһүөхтэрэ.

Игирэлэр

Бүгүн сынньан, улахан үлэни бэйэҥ кыайан толоруоҥ суоҕа. Чугас дьоҥҥор эбээһинэскин итэҕэйэртэн куттаныма, көмөлөһүөхтэрэ. Туох эрэ үчүгэй сонуну истиэххин сөп, улахан кыһалҕалары туоратарга бу иһитиннэриини туһан.

Араак

Күнү таһаарыылаахтык атаарар туһугар, чуолкай дьаһал былаанын оҥор уонна бастакы миэстэҕэ сүрүн соруктары туруор. Кыра сорудахтары кэлин хаалларан баран, саамай суолталаахтарын сарсыарда оҥорор ордук. Кэпсэтиигэ кэрэҕин туһан уонна элбэхтик мичээрдээ. Сынньанар массаас күннээҕи ыарахаттары туоратыа.

Хахай

Эн көхтөөх сыһыаныҥ бүгүҥҥү күҥҥэ бэйэҥ тула дьону мунньуо. Туугу сатыыргын көрдөр, болҕомто киинигэр буол, элбэхтик кэпсэт, үөр-көт. Дьыалабыай дьоҕургун бэлиэтиэхтэрэ. Бииргэ үлэлиир дьонуҥ сорох санааларгын кириитикэлиир түгэннэригэр тулуурдаах буол. Сынньанаргын умнума, киинэҕэ сырыт, маҕаһыыннарынан күүлэйдээ.

Кыыс Куо

Ханнык эрэ интэриэһинэй сорудах эбэтэр сорук болҕомтоҕун толору ылыаҕа, атын дьыалаларга бириэмэҥ да хаалыа суоҕа. Онон туох да улахан суолталааҕы былааннаама. Атын дьон дьайыыларын кириитикэлээбэт буола сатаа, ол үчүгэй сыһыаны алдьатыан сөп. Минньигэстик астан, чугас дьоҥҥор болҕомтоҕун уур.

Ыйааһыннар

Төһөнөн элбэхтик кэпсэтэҕин уонна саҥа дьону кытта билсэҕин да, соччонон улахан суолталаах киһини көрсөн, дьиҥнээх сыһыаны саҕалыыр кыахтааххын. Этиилэртэн уонна ыҥырыылартан аккаастаныма, олоххун үчүгэй өттүгэр уларытыахтарын сөп. Ыксаама, сынньалаҥҥын дьүөрэлээ, түргэн быһаарыылары ылыныма.

Ооҕуй

Сарсыардаттан үчүгэй настарыанньаҥ элбэх үлэни түргэнник уонна табыгастаахтык толорорго көмөлөһүө. Ыарахан сорудахтары толорортон куттаныма, ситиһии бүгүн эн диэки. Чугас дьоҥҥун кытары дьаарбай, өрөбүлгүн туһалаахтык атаара сатаа. Эт-хаан дьарыктара сылааҕын таһаарарга көмөлөһүө.

Охчут

Сулустар түгэннэргэ сымнаҕастык сыһыаннаһарга, ис туруккун хонтуруоллуурга, мөккүөртэн туттунарга сүбэлииллэр. Бүгүн болҕомто киинигэр сылдьыаҕыҥ, күннээҕи былааннарыҥ туолуохтара, бу сабыдыаллаах дьон болҕомтотун тардыаҕа уонна инники бырайыактарга наадалаах спонсордары булуоҕа.

Чубуку

Билигин түргэнник уонна быһаччы дьаһаннаххына, уустук сорудаҕы толорууга улаханы ситиһиэххин сөп. Бүгүн элбэҕи кыайар күнүҥ. Кыра дьыалаларга болҕомтоҕун ууран, үгэс буолбут үлэҕэр саҥа кыахтары көрдөө. Киэһэни соҕотох атаарар, сынньанар туһалаах.

Күрүлгэн

Бүгүн эбии эбэһээтэлистибэлэри ылыныыттан туттун. Сорох былааннаммыт дьарыктары атын кэмҥэ көһөрүөххэ эбэтэр тохтотуохха сөп. Кэлэр нэдиэлэҕэ үлэҥ таһаарыылаах буоларын туһугар элбэхтик сынньан.

Балыктар

Бу күн дьиэҕин-уоккун бэрээдэктээ, тупсар, чэпчэки үлэнэн дьарыктан. Эниэргийэҥ таһыма намыһах, этиҥ-сииниҥ сынньалаҥы көрдүүр. Сулустар чөлгөр түһэриҥ туһугар дьону кытта алтыһаргын, элбэхтик кэпсэтэргин сүбэлииллэр. Чугас дьоҥҥор бириэмэ булан кинилэри өйөө.