Сулустар кэпсииллэр: Тохсунньу 28 күнэ, сэрэдэ

Бараан

Бүгүн истибит сонуннарыҥ олоххун үчүгэй өттүгэр уларытыахтара. Билбэт дьоҥҥун кытта кэпсэтэртэн куотунума: маннык кэпсэтиилэр интэриэһинэй санаалары үөскэтиэхтэрэ, эйиэхэ үөрүүнү аҕалыахтара. Хайа суолунан бараргын билбэт буоллаххына, ис санаааҕын иһит, билигин кини эрэ сөптөөх сүбэни биэриэ.

Оҕусчаан

Наадата суох атыылаһыыларга аһара ороскуоттанар куттал баар, онон маҕаһыыннарынан сылдьыыны тохтотон, дьиэ кэргэн боппуруостарын быһаарыыга болҕомтоҕун уурарыҥ ордук. Уруккуга хаһааммыт ыарахан уонна сөбүлээбэт дьыалаларгын быһаарарга табыгастаах күн. Ону таһынан саҥа бырайыактары саҕалыырга эмиэ ситиһиилээх күн.

Игирэлэр

Бу күн дьиэ-уот боппуруостарын быһаарарга, киэргэтэргэ, кыра өрөмүөннэри оҥорорго табыгастаах. Билбэт дьоҥҥун кытта кэпсэтэртэн, ыйытыы биэрэртэн, чэпчэки, үчүгэй кэпсэтиилэргэ кыттыһартан куттаныма: ким эрэ интэриэһинэй этиини оҥоруон эбэтэр эрэллээх санааны этиэн сөп.

Араак

Бүгүн эн элбэҕи оҥорор уонна эбэһээтэлистибэлэргин толорор күнүҥ, ол гынан баран ыксаама, үлэҕэр болҕомтолоох буол. Бары быһаарыыны ыйааһыннаа, толкуйдуурга, эбии сүбэ ыларга бириэмэтэ бул. Атын дьон этиитин сыыһаны оҥорбот туһугар курдук ылын, өһүргэнимэ, хомойума.

Хахай

Бүгүн киирэр бары иһитиннэриилэри бэрэбиэркэлиэ, улахан сыыһалары оҥорбот туһугар түргэн быһаарыыны ылыныма. Туохтан эрэ ньиэрбинэйдиигин, ол иһин бэйэҕин хонтуруоллан уонна балаһыанньаҕа сымнаҕастык сыһыаннас. Чугас дьоҥҥун кытта кэпсэтии дууһаҕын чэпчэтиэ.

Кыыс Куо

Сүбэ эбэтэр аптарытыаттаах киһи санаата наада буоллаҕына, идэтийбит көмөнү көрдөө. Чугас киһигин кытта өйдөспөт быһыы тахсыан сөп. Кырдьыккын аһаҕастык эт, бэйэҕин сиэртибэ курдук сананыма. Киирэр этиини толкуйдаан ылын, кинилэр эйиэхэ барыһы аҕалыахтара.

Ыйааһыннар

Бириэмэҕин, күҥҥүн-дьылгын мээнэ барыы сатаама, бүгүн атыыласпыт малларыҥ эйиэхэ дуоһуйууну аҕалыахтара суоҕа, сотору кэмсиниэҥ. Бүгүн истибиккин барытын итэҕэйимэ. Иһитиннэриини туһаныаҥ иннинэ үчүгэйдик бэрэбиэркэлээ. Аһылыктан сүһүрэр куттал баар, онон атын сиргэ аһаама, сэрэхтээх буол.

Ооҕуй

Сулустар санааҕын искэр тута сылдьаргар сүбэлииллэр. Тугу эрэ аһаҕастык этээригин чугас киһигин хомотуоххун эбэтэр сыһыаҥҥытын алдьатыаххын сөп. Ыарахан быһаарыыны ылыныаҥ иннинэ толкуйдаа уонна хоруйу тута биэримэ. Ис куолаһыҥ тугу гынаргын этиэҕэ.

Охчут

Бүгүн улахан суолталаах быһаарыылары ылыммат ордук, кэпсэтиилэри, ырытыылары барытын атын күҥҥэ көһөр. Урут көһөрүллүбүт сорудахтары толорорго табыгастаах кэм. Уларыйыы туох эрэ кыһамньыны эрэйиэҕэ, онон билиҥҥитэ тохтотор ордук.

Чубуку

Эн ураты майгыҥ наадалаах дьону сөхтөрөргө уонна итэҕэтэргэ көмөлөһүөҕэ, баҕараргын чэпчэкитик ситиһиэҥ. Уһун болдьохтоох былааннааһыҥҥа кыттыс уонна сүрүн сыалгын-соруккун толкуйдаа. Тас көрүҥҥүн эбэтэр таҥаскын уларытыы бэйэҕэр эрэллээх буолуугун үрдэтиэҕэ уонна настарыанньаҕын көтөҕүөҕэ.

Күрүлгэн

Бүгүн ситиһиилээх уонна интэриэһинэй күн күүтэр. Элбэхтик көрсүһүөҥ, үгүс дьону кытта алтыһыаҥ. Өр көрсүбэтэх урукку доҕотторгун ахтан-санаан ааһар эмиэ үчүгэй, сотору кинилэр көмөлөрүгэр наадыйыаҥ. Күнү көхтөөхтүк атаар, дьиэҕэ хаайтаран олорума, бүгүн эйигин ситиһии күүтэр.

Балыктар

Балыктар бүгүҥҥү күҥҥэ истиҥ сыһыаҥҥа ураты болҕомтону уураргыт ордук. Сорох кыһалҕалар мунньуллубут буолуохтарын сөп, олор аһаҕас ырытыыны уонна быһаарыыны ирдииллэр. Чугас киһигин кытта санааҕын, кыһалҕаҕын үллэһин, кинилэр тугу этэллэрин иһит. Атын дьон тус эйгэтин убаастаа.