Сулустар кэпсииллэр: Тохсунньу 27 күнэ, оптуорунньук

Бараан

Ыарахан балаһыанньаҕа чугас дьоҥҥуттан сүбэ-ама, өйөбүл көрдөө. Бүгүн эн түргэнник хомойоҕун эбэтэр санааҥ түһэр, онон хампаанньаҕа үчүгэйдик билэр үтүө санаалаах, бэһиэлэй дьону талыаххын сөп. Кыра уларыйыылар туһаны аҕалыахтара: саҥа уонна интэриэһинэй бырайыактарга сөбүлэс.

Оҕусчаан

Кыаллар буоллаҕына, көрсүһүүлэртэн, айаннартан туттун, дьыаланы төлөпүөнүнэн эбэтэр ыраахтан быһаарарыҥ ордук. Бу күн дьиэттэн тахсыбаккар, элбэх киһилээх сирдэргэ сылдьыбаккар сүбэлииллэр, мөкү балаһыанньаҕа түбэспэт туһугар. Доруобуйаҕар болҕомтоҕун уур, битэмииннэри ис, туһалаах аһылыгы аһаа.

Игирэлэр

Үлэҥ таһаарыыта үрдүк, онон уустук боппуруостары эбэтэр биисинэс партнердары кытта ыарахан кэпсэтиилэри чэпчэкитик быһаарыаҥ. Ол гынан баран бэйэҕин аһара ноҕуруускалаама: сынньана түс уонна үчүгэй дьарыктарга болҕомтоҕун уур. Кэпсэтиигэ туттуна сырыт, дьону кириитикэлээмэ.

Араак

Күн бастакы аҥаарыгар актыыбынай эрэсиимҥэ киирэриҥ ыарахан буолуо. Сарсыарданы сынньалаҥнык саҕалаа, чэпчэки уонна билэр сорудахтаргын ыл. Эниэргийэҥ таһыма үрдүк кэмигэр, улахан суолталаах дьыалалары уонна көрсүһүүлэри күнүс былааннаа.

Хахай

Биир эрэ дьыалаҕа болҕомтоҕун уурбакка, хас да былааннаммыт сорудаҕы толорор туһугар күүскүн уонна бириэмэҕин анаа. Бүгүн элбэх дьыаланы толорор кыахтааххын уонна үчүгэй түмүктэри ситиһиэххин сөп. Чуолкай былаан тугу да умнубаккар уонна болҕомтолоох буоларгар көмөлөһүөҕэ.

Кыыс Куо

Балаһыанньа түргэнник уларыйыаҕа, элбэх күүтүллүбэтэх кыһалҕалары кытта охсуһуоҥ. Дьиэ кэргэҥҥэр бириэмэ булан болҕомтоҕун уур. Бүгүн үлэҥ, дьыалаҥ таһаарыылаах, ситиһиилээх буолара күүтүллэр. Киэһэни ханна эрэ интэриэһинэй сиргэ атаар, сөбүлүүр сиргэр сынньан.

Ыйааһыннар

Тустаах үлэҥ таһынан дьиэ үлэтин эмиэ бүтэриэххин наада. Онон сорох үлэҕин атыттар толороллорун курдук үллэртээ. Бүгүн ону-маны атыылаһыма: харчыгын ороскуоттаабакка, кэлин туттарга мунньуммут ордук. Санааҕын көтөҕөргө туох эрэ минньигэһи атыылаһан сиэ.

Ооҕуй

Бүгүҥҥү күн уустук буолуоҕа, элбэх ыарахаттары туоруоҕуҥ. Онон сөптөөхтүк сынньанар, күүс-уох ылар ордук. Кэпсэтии туһалаах уонна үчүгэй буолуоҕа, ол гынан баран тылгар-өскөр сымнаҕас буол.

Охчут

Дьиэ кэргэҥҥин уонна чугас дьоҥҥун кытта элбэх бириэмэни атаар, сытыы боппуруостары ырыт, уопсай дьарыктары оҥор. Тугу эмэ атыылаһар былааннаах буоллаххына, маҕаһыыннарынан сырыт. Ол эрээри сулустар билигин харчыгын мунньун диэн сүбэлииллэр: сотору улахан суума наада буолуо.

Чубуку

Чугас дьоҥҥун кытта сыһыаҥҥын алдьаппат туһугар, мөккүөртэн туттун, кыра аайыттан этиһиини саҕалаама. Бүгүн тугу эмэ уларытарга эбэтэр саҥа дьыаланы саҕалыырга табыгастаах кэм буолбатах: саҥа бырайыактар табыллымыахтарын сөп. Үлэ туһунан наһаа санаама, ол оннугар сынньан, эниэргийэҕин харыстаа.

Күрүлгэн

Бүгүн көдьүүстээхтик үлэлииргэ уонна уустук боппуруостары быһаарарга дьулуһуоҥ. Доруобуйаҥ мөлтөөн барыан сөп, онтон сылтаан үгүс былааннаргын көһөрөргө күһэллиэҥ. Онон кэмигэр сынньанарыҥ ордук.

Балыктар

Элбэхтик толкуйдуоххун, киирэр иһитиннэриилэри учуоттуоххун, араас сонуннары ылыаххын наада. Аһара үлэлээбэт туһугар, дьону кытта алтыһаргын аҕыйатар ордук. Мөккүөрдэргэ кыттыһыаххын уонна бэйэҥ бириинсиптэргин көмүскүөххүн сөп. Дьоҥҥо эйэҕэс сыһыаннаах буол, тылга-өскө киирэн биэримэ.