Сулустар кэпсииллэр: Тохсунньу 24 күнэ, субуота

Бараан

Билигин үлэҕин кыратык намтатыаххын уонна санааҕын өрө көтөҕөр дьыалаларга элбэх бириэмэни аныаххын наада. Дьиэҕин-уоккун ыраастаа, бэрээдэктээ. Урукку сыһыаннар дьиксинии төрүөтэ буолуохтарын сөп: арахсар кэм кэлбит.

Оҕусчаан

Быһаарыы ылынаргар ыарахаттары көрсүөххүн сөп. Бэйэҕэр чуолкайыҥ уонна эрэлиҥ суох, онон буола турар сабыытыйалары көрбөккүн. Чугас дьоҥҥун кытта кэпсэт, элбэх иһитиннэриитэ ыл. Туора киһилиин сибээс карьераны сайыннараргар көмөлөһүөҕэ.

Игирэлэр

Сыалгын ситис, хамсааһыны бэйэҥ илиигэр ыл уонна дьаныардаах буол. Ис санааҥ сөптөөх сүбэни биэриэҕэ, онон бэйэҕин элбэхтик иһит. Туох эрэ сөп түбэспэт дии санаатаххына, былааннаргын уларытартан куттаныма. Бүгүн сулустар эн диэкилэр.

Араак

Барытын күүркэтэн көрөҕүн уонна туохтан эрэ ньиэрбинэйдиигин. Чугас дьоҥҥун кытта айдаарсыаххын баҕарбат буоллаххына, бэйэҕин хонтуруоллан. Сулустар сибээһи аҕыйатарга уонна соҕотоҕун элбэх бириэмэни атаараргар сүбэлииллэр. Кэскиллээх идиэйэлэр көтөн кэлиэхтэрин сөп.

Хахай

Барытын биирдэ оҥоро сатаама: бүгүн ыксааһын сыыһаны-халтыны, кыһалҕаны үөскэтиэҕэ. Бэйэҕэр сөп түбэһэр тэтиминэн сырыт, ол быыһыгар үлэҕэ киирэр саҥа этиилэртэн аккаастаныма. Дьону кытта сымнаҕас буол, туох эмэ табыллыбатаҕына, кыыһырыма, утарылаһааччыгын өйдүү сатаа.

Кыыс Куо

Бу күнү холкутук, элбэхтик сынньанан, мээнэ дьыалаларга долгуйбакка атаарарыҥ ордук. Аһара үлэлээһин доруобуйаҕар куһаҕан дьайыыны оҥоруоҕа уонна харгыс буолуоҕа. Иммунитеккын бөҕөргөт, сөпкө аһаа, элбэх ууну ис, ыраас салгыҥҥа сынньан.

Ыйааһыннар

Саҥа уонна интэриэһинэй идиэйэлэр олоххо киириэхтэрин иннинэ быһаарыыны уонна ырытыыны ирдииллэр. Күүтүллүбэтэх ыарахаттары туоруоҥ, ордук бырайыак саҕаланыытыгар. Туруулас, түмүгэ түргэнник кэлиэҕэ. Кимиэхэ эрэ көмөлөһүөм диэн эрэннэрбит буоллаххына, эппит тылгар тур.

Ооҕуй

Эйигин дьылҕа көрсүһүүтэ күүтэр. Бүгүн көрсүбүт киһиҥ олоххун күүтүллүбэтэх хайысхаҕа уларытыаҕа. Ханнык баҕарар этиини ылын, бу үчүгэй уларыйыылары аҕалыаҕа. Куһаҕан санаалаах дьонтон тэй, үчүгэй сыһыаны тутус.

Охчут

Бу күн билбэт дьону кытта саҥа көрсүһүүлэр уонна алтыһыылар сыаналаах сибээһи олохтуурга уонна барыстаах этиилэри ылыыга көмөлөһүөхтэрэ. Баҕа санааларгын, ыра санааларгын былаанныырга, толкуйдуурга табыгастаах күн. Сыһыаҥҥа тугу баҕараргын уонна инникитин тугу сиэртибэлииргэ бэлэмҥин бу күнүҥ үчүгэйдик өйдүүргэ көмөлөһүөҕэ.

Чубуку

Күн уустук уонна ыарахан. Элбэх кыһалҕаны быһаарыаххын, ыарахаттары туоруоххун наада. Сулустар бытархайга да болҕомтоҕун уураргар сүбэлииллэр. Бүгүн үлэҕин барытын толоро сатаа уонна киэһэни дьиэ кэргэҥҥин кытта атаар. Бу эйиэхэ араас кыһлҕаттан сынньанаргар көмөлөһүөҕэ.

Күрүлгэн

Элбэх дьыаланы биир кэмҥэ оҥоруоххун наада, дьарыктаах уонна көхтөөх күҥҥэ бэлэмнэн. Элбэх дьыала мунньуллан соччото суох санаалары үөскэтиэн сөп. Кэпсэтиигэ бэйэҕин туттунар ордук, ханна эрэ күүлэйдээн кыыһырбыт уоххун таһаар.

Балыктар

Үрдүк эмоциялаах күн. Куһаҕан майгыгын чугас дьоҥҥор таһаарыма, ол оннугар салгыҥҥа сырыт, күүлэйдээ. Үчүгэйгэ болҕомтоҕун уур уонна күнү быһа үчүгэй настарыанньалаах сырыт. Чугас дьоҥҥун кытта алтыһыы сынньанаргар көмөлөһүөҕэ.