Сулустар кэпсииллэр: Тохсунньу 23 күнэ, бээтинсэ

Бараан

Өскөтүн өрүү биир кыһалҕаны көрсөр буоллаххына, ньымаҕын уларытан, атыттары тутун. Түмүгү сөптөөхтүк көрүү сыалгын түргэнник ситиһэргэ, сыыһалары быһаарарга эбэтэр кинилэри ситиһэр чэпчэки суоллары буларга көмөлөһүөҕэ. Бүгүн сүрэҕэлдьээбэтиҥ ордук: көхтөөх, дьаныардаах буолуоххун наада.

Оҕусчаан

Бүгүн табыгастаах күн, үгүс быһаарыылар эн тускар улахан кыһамньыгын уурбатаххына да быһаарыллыахтара. Сыалгар-соруккар баран, баҕа санааҕын олоххо киллэр. Болҕомтоҕун сыһыаҥҥа уур: хомолтолор уонна өһүргэниилэр мунньуллубуттар, онон аһаҕастык кэпсэтии куһаҕана суох буолуоҕа.

Игирэлэр

Сытыы боппуруостары толкуйдуурга, саҥа сыаллары инники күөҥҥэ туруорарга табыгастаах күн. Олоххор уларыйыылар тахсаллар, онон үгүс дьыала суолтата суох буолан, бириэмэҕин уонна күүскүн эрэ ылар курдук. Балаһыанньа хатыланар түгэнигэр, сыалгын ситиһэргэ быһыыгын-майгыгын уларыт уонна атыннык дьаһан.

Араак

Бүгүн эн хомойуоххун уонна настарыанньаҥ түһүөн сөп. Онон күүскүн мунньунан көхтөөх үлэҕэ бэлэмнэнэргэ кыһаныаххын наада. Туох эрэ минньигэстэ атыылас, үөрүнньэҥ дьону кытта алтыс. Кыһалҕалары айымньылаахтык быһаарыы көмөлөһүөҕэ, ол эрээри аһара туттума.

Хахай

Буола турар быһыыны-майгыны туораттан көрүөххүн наада. Бу эйиэхэ сыыһаларгын көрөргө уонна үгэс буолбут ньымаҕын уларытаргар чэпчэки буолуоҕа. Кэпсэтиигэ ыарахаттары көрсүөххүн сөп: дьоҥҥо итэҕэйбэккин уонна албынныахтара дии саныыгын. Бүгүн инникини торумнуур улахан суолталаах.

Кыыс Куо

Бүгүн дьону абылыыр күүһүҥ саамай үрдүк таһымҥа турар, онон кими баҕарар сөхтөрөр кыахтааххын. Сыалгын ситиһэргэ, кэпсэтиилэргэ булугас өйгүн, дьоҕургун туһан. Ол гынан баран билбэт дьону кытта алтыһаргар сэрэхтээх буол. Билэр эрэ тиэмэлэргэр болҕомтоҕун уур.

Ыйааһыннар

Бу сарсыарданы ыксаабакка атаар, үлэҕэр өйгүн-санааҕын уур. Бу эйиэхэ күнү быһа күүһү-уоҕу биэриэҕэ уонна ханнык баҕарар үөскүүр ыарахаттары эрэллээхтик туоруургар көмөлөһүөҕэ. Сулустар күүтүллүбэтэх кыһалҕаҕа түбэһиэххин сөп диэн сэрэтэллэр, ол гынан баран барыта үчүгэйдик түмүктэниэҕэ.

Ооҕуй

Бүгүн кэпсэтиилэргэ сымнаҕас уонна холку буол. Кытаанах эбэтэр үөҕэр тылынан сыһыаны чэпчэкитик алдьатыаххын сөп. Атын дьоҥҥо сүбэ-ама биэрэртэн, бэйэҥ санааҕын кинилэргэ соҥнууртан туттун. Дьайыыларгар көхтөөх буол, туруоруммут сыалларгын ситис.

Охчут

Сарсыарданы хайдах көрсөргүттэн, настарыанньаҕыттан бүгүҥҥү таһаарыылаах үлэҥ тутулуктаах. Холкутук сырыт, сыалгын-соруккун өйгөр-санааҕар оҥостон, кыра-кыралаан үлэлиир тэтимҥэ киир. Бүгүн көрсүбүт дьонуҥ эн эрэлгин толорбот буолуохтарын сөп. Тус сыһыан барыта этэҥҥэ.

Чубуку

Тулалыыр дьоҥҥун баттааһын эбэтэр кинилэргэ бэйэҥ көрүүгүн күһэйии баҕалаах түмүктэри ситиһэргэ көмөлөспөт. Ол оннугар сымнаҕастык сыһыаннаһар, махтал тыллары этэр, сиэрдээх буолар ордук. Санааларгын уонна былааннаргын идэтийбит дьону кытта үллэһин; кинилэр эйигин өйүөхтэрин сөп.

Күрүлгэн

Күн ыраастанарга, бэрээдэги олохтуурга табыгастаах. Ыра уонна баҕа санааларгын быһаарар эмиэ туһалаах: сорохтор наадата суох буоланнар, бириэмэҕин уонна күүскүн эрэ барыыллар. Үлэҕэр көхтөөх буолуу карьераҕар үчүгэй уларыйыылары аҕалыа. Чугас киһигин кытта элбэх бириэмэҕин атаар.

Балыктар

Күн бастакы аҥаара сынньанарга уонна кыралаан үлэҕэр төннөргө ордук табыгастаах. Балыктар күүстэрэ эбиэт кэннэ биллэ үрдүөҕэ, оччоҕо кинилэр уустук уонна улахан суолталаах боппуруостары быһаарар кыахтаныахтара. Интэриэһинэй санааларгын атыттары кытта үллэстэн, наадалаах өйөбүлү ыл.