Сулустар кэпсииллэр: Тохсунньу 22 күнэ, чэппиэр

Бараан

Кыһалҕаттан туораама, бэйэҕэр чиэһинэй буол; атыннык эттэххэ, куһаҕан быһыыга түбэһиэххин сөп. Күн бастакы аҥаарыгар уустук дьыалалары оҥорор үчүгэй. Ол эрээри бэрэбиэркэни, тургутууну ааспыт ньымалары туһанарыҥ ордук, тугу да саҥаны оҥоро сатаама.

Оҕусчаан

Бу күн тиэтэйии сыыһаны-халтыны аҕалыан сөп. Бэйэҥ дьаалыгынан үлэлээ, биир дьыаланан дьарыктан, болҕомтоҕун атын соруктарга көһөрүмэ. Чугас дьонуҥ дьайыылара өйдөммөт буоллаҕына, аһаҕастык кэпсэт, санааҕын эт.

Игирэлэр

Баҕар, чугас эргимтэҕиттэн ким эрэ кутталлаах, саарбах дьайыыларга үтүрүйүөҕэ. Сулустар маннык тэрээһиннэртэн аккаастанаргар уонна атыҥҥа кыһаммакка үлэлииргэр эрэ сүбэлииллэр. Сарсыарда саамай уустук дьыалалары былааннаа: ону ситиһиилээхтик кыайар, салгыы барар кыах баар.

Араак

Бэйэҥ күүскэр, көхтөөх дьайыыгар эрэнииҥ бары дьоһуннаах дьыалалары түргэнник уонна ситиһиилээхтик быһаарарга көмөлөһүө. Таһаарыылаах күн күүтэр, туох да суолталааҕы көтүппэт туһугар сорудахтары былааннаа. Идиэйэлэргин кэллиэгэлэргин кытта үллэстэр буоллаххына, наадалаах көмөнү, көдьүүстээх сүбэни ылыаҥ.

Хахай

Күн бүгүн саҕаламмыт дьыалаларгар бириэмэҕин ордук уур, урукку бырайыактаргын бүтэр. Сулустар туох эмэ саҥаны саҕалыыры сүбэлээбэттэр. Киирбит иһитиннэриилэри сиидэлээ, үлэҕэр быһаччы сыһыаннааҕы эбэтэр чахчы суолталааҕы эрэ болҕомтоҕо ыл.

Кыыс Куо

Ис санааҕын иһит, ис куолаһыҥ эппитин курдук дьаһан: оччоҕуна улахан сыыһалартан куотуоххун сөп. Билбэт дьон эйигин бэйэлэрин сыалларыгар туһана сатыахтарын сөп, онон барыларын кытта аһаҕастык кэпсэтимэ, көрсүһүүлэргэ сэрэхтээх буол, саҥарбакка истэриҥ ордук.

Ыйааһыннар

Эниэргийэҥ мөлтөөбүт, онон күүскэ үлэлиир, уустук боппуруостары быһаарар кыаҕыҥ суох. Күннээҕи бүппэт үлэҕэ болҕомтоҕун уур, урукку дьыалалары бүтэр, докумуоннары ырыт. Ол гынан баран ураты интэриэһинэй идиэйэлэр кэлиэхтэрэ, ону сурунан ылан, кэлин барыстаахтык туһаныаххын сөп.

Ооҕуй

Бүгүн элбэх иһитиннэриини ылыаҥ, ол быыһыгар чахчы наадалаахтары көтүппэтиҥ улахан суолталаах. Эн эргимтэҕэр куһаҕан санаалаахтар баар буолуохтарын сөп: кэпсэтиигэ туттуна сырыт, кинилэр угаайыларыгар бэринимэ.

Охчут

Сулустар бу күн бэйэҥ күүскэр эрэ суоттанаҕын диэн бигэргэтэллэр. Быһыы-майгы түргэнник уларыйыа, оттон партнердарыҥ эрэннэриилэрин толорботтор. Кириитикэҕэ киирэн биэрбэт инниттэн, идиэйэлэргин, былааннаргын бэйэҕэр тута сырыт. Биирдиилээн үлэ ордук таһаарыылаах буолуо.

Чубуку

Төһө кыалларынан эбии эппиэтинэстэн куот уонна толорорго уустук эбээһинэстэри бэйэҕэр ылыныма. Тулалыыр дьон сүбэлэрэ бүгүн туһалаах буолуо, кинилэри истиэххэ наада. Бу күн бэйэҥ күүскэр эрэ эрэн, соҕотоҕун үлэлээ: ол курдук быдан элбэҕи оҥоруоҥ.

Күрүлгэн

Күн эйэлэһэргэ, быыс-хайаҕас көрдүүргэ уонна араас мөккүөрү быһаарарга бэртээхэй. Ити дьыалабыай сибээскэ да, тус сыһыаҥҥа да сыһыаннаах. Чугас дьоҥҥор ордук бириэмэни уур, кинилэри кытта истиҥ киэһэни атаар. Ис санааҥ олоххо тугу уларытыахтааххын ыйыаҕа.

Балыктар

Сулустар дьоллоох күнү эрэннэрэллэр, бүгүн саҥа интэриэһинэй кыахтар арыллыахтарын сөп. Бүгүҥҥү быһаарыылары киирэр сонуннары истэн, иһиллээн ылыныаххын наада. Саҥа улахан бырайыактары саҕалааһын үчүгэйгэ тиэрдиэ суоҕа, кэлиҥҥигэ уурар ордук.