Сулустар кэпсииллэр: Тохсунньу 20 күнэ, оптуорунньук

Бараан

Билиҥҥи эбээһинэстэргэр уонна толорорго эрэннэрбит дьыалаларгар болҕомтоҕун уур. Бу чуҥкук курдук көстүөҕэ гынан баран, тугу эрэ саҥаны саҕалыаҥ иннинэ онно миэстэ таһаарыаххын наада. Чугас дьоҥҥуттан ким эрэ эн көмөҕөр наадыйыа. Киэһэни сөбүлүүр дьарыккар анаа.

Оҕусчаан

Доҕотторгун кытта үөрүүлээх хампаанньаҕа атаарарга табыгастаах күн. Бүгүн ханна да барар санааҥ суох буоллаҕына, туох эрэ үчүгэйи, үөрүүнү аҕалар, угуйар дьыаланы оҥор. Төбөҕөр киирэр санаалар сотору кэминэн туһаныллыахтарын сөп.

Игирэлэр

Күҥҥүн сынньалаҥҥа уонна сөбүлүүр дьарыктаргар анаа. Дьыалабыай боппуруостары быһаарыма, үлэ туһунан толкуйдаама. Туохтан эрэ аралдьыйыаххын уонна сынньаныаххын наада. Дьиэ кэргэниҥ уонна чугас дьонуҥ эн кыһамньыгар наадыйаллар, онон кинилэри кытта элбэх бириэмэни атаарарга кыһалын.

Араак

Сулустар түөрт истиэнэҕэ хаайтаран олорбоккор сүбэлииллэр, уулуссаҕа таҕыс, доҕотторгун кытта көрүс, саҥа билсиһиилэри уонна ыҥырыылары ылын. Дьиэ кэргэҥҥин кытта сибээстэһэр, былааннаргын уонна санааҕын үллэстэр эмиэ туһалаах. Маннык кэпсэтиилэр салгыы ханна бараргын уонна баҕа санааҕын хайдах түргэнник олоххо киллэриэххин сөбүн быһаарарга көмөлөһүөхтэрэ.

Хахай

Күн бастакы аҥаарын үлэ боппуруостарын быһаарыыга, кэлэр өттүгэр былаан оҥорууга ыытыахха сөп. Эбиэт кэнниттэн, наадаларгар уонна баҕа санааларгар бириэмэтэ анаа. Өр көрсүбэтэх аймахтаргар ыалдьыттыаххын, эбэтэр урукку доҕотторгор сылдьыаххын сөп.

Кыыс Куо

Сулустар бүгүҥҥү күнү дьиэҕэр бэрээдэги оҥорорго сүбэлииллэр. Чугас дьоҥҥун үлэҕэ сыһыаран, эппиэтинэһи үллэстэн, бииргэ толорорго табыгастаах күн. Доруобуйаҕын харыстаа, битэмииннэрдэ ис, уугун хана утуй уонна сибиэһэй салгыҥҥа элбэхтэ сырыт.

Ыйааһыннар

Үлэ туһунан толкуйдуургун тохтотон, күүскүн чөлүгэр түһэриэххин наада. Кэлиҥҥи кэмҥэ элбэхтэ үлэлээтиҥ, онон сынньан, сөбүлүүр дьарыккар күҥҥүн анаа. Эргэ суруктары эбэтэр кумааҕылары бырах, остуолгун ыраастыырга табыгастаах күн.

Ооҕуй

Үрдүк эмоциялаах күн. Чугас дьоҥҥун кытта сыһыаны кытаанах этиилэр эбэтэр төрүөтэ суох кириитикэлэр алдьатыахтарын сөп. Онон кинилэри кытта алтыһыыгын аҕыйатарыҥ уонна холку, үчүгэй дьарыктарга болҕомтоҕун уурарыҥ наада. Билигин саҥа бырайыактары саҕалыыр наадата суох.

Охчут

Бу күн дьиэ үлэтин уонна өр кэмҥэ күүттэрбит үлэҥ дьыалаларын былааннаа. Доҕотторгун кытта киинэҕэ эбэтэр кэнсиэргэ сылдьыы настарыанньаҕын үрдэтиэҕэ уонна үлэттэн сынньанар кыаҕы биэриэҕэ. Пааркаҕа дьарыктаныы эбэтэр сүүрүү төбөҕүн хомолтолоох санаалартан ыраастыаҕа.

Чубуку

Боппуруостаргын барытын кэлиҥҥигэ уур: бүгүн толору сынньалаҥ уонна тус дьарыктар күннэрэ. Наадаларгын толорорго, киэһэтин саунаҕа барарга, массааска сылдьарга бириэмэтэ бул. Былааннаргын уонна санааларгын атыттары кытта үллэстимэ; кинилэр ортолоругар куһаҕаны баҕарааччылар баар буолуохтарын сөп.

Күрүлгэн

Сулустар бу күнү доҕотторгун уонна дьиэ кэргэҥҥин кытта атаарарга, ол быыһыгар эбээһинэстэргин умнубаккар сүбэлииллэр. Туох эрэ үлэни оҥороруҥ наада буоллаҕына, уратыны уонна интэриэһинэйи көрдөө. Оччоҕо барытын түргэнник уонна сөптөөхтүк толорор кыахтаныаҥ.

Балыктар

Бүгүн былааҥҥын өссө төгүл көр, бытархайдарга болҕомтоҕун уур. Бу дьыалаҕын олоххо киллэрэргэр кыһалҕалары суох оҥорорго кыһалын. Тус сыһыаҥҥар болҕомтолоох буол уонна партнер наадатын учуоттаа. Кинилэргэ бэлэх биэр эбэтэр соһуччу үөрүүнү оҥор.