Сулустар кэпсииллэр: Тохсунньу 19 күнэ, бэнидиэнньик

Бараан

Күн бастакы аҥаарыгар актыыбынаһыҥ сыыйа улаатан, киэһэ саамай уустук, эппиэттээх боппуруостары да чэпчэкитик быһаарсыаҥ. Сыыйа үлэ тэтимигэр киир, чэпчэки соруктартан саҕалаа. Бүгүн кими баҕарар итэҕэтиэххин сөп: түгэни туһан, дьоһуннаах кэпсэтиилэри анаа.

Оҕусчаан

Лиидэр хаачыстыбаҕын чугас дьонуҥ, кэллиэгэлэриҥ сыаналыахтара. Соһуччу, үчүгэй сабыытыйалар күүтэллэр. Бүгүн киирэр этиилэргэ сөбүлэс, бырайыактарга кытын, үп-харчы сөбүлэһиилэрин түһэрис.

Игирэлэр

Күнүҥ тэтимнээх, таһаарыылаах. Игирэлэр болҕомто киинигэр сылдьыахтара: үгүстэргэ кинилэр идэтийбит сүбэлэрэ, көмөлөрө наада. Бу ирдэбил бэйэ кыаҕар итэҕэли лаппа бөҕөргөтөн, билиниигин үрдэтиэҕэ. Ол эрээри, сулустар, аһара аһаҕастык кэпсэтимэ диэн сүбэлииллэр.

Араак

Сүрэҕэ суох буолуу, күүс-уох мөлтөөһүнэ бу күн биллиэ. Оронтон туруоххун, күннээҕи боппуруостарынан дьарыктаныаххын баҕарбаккын. Кэллиэгэлэри кытта кэпсэтии уонна былааннары дьүүллэһии үлэ тэтимигэр киирэн, санааҕын көтөҕөргө көмөлөһүө. Тус сыһыаҥҥар иэйиилэргин туттунарга кыһалын.

Хахай

Күн бастакы аҥаара ордук табыллыа. Көхтөөх, кэпсэтинньэҥ буолууҥ былааннар инники күөҥҥэ тахсалларыгар көмөлөһүөн сөп. Толорорго уустук, олус ыарахан, эппиэтинэстээх үлэни ылыныма уонна эрэннэриилэри биэримэ диэн сулустар сүбэлииллэр.

Кыыс Куо

Бүгүн ордук улахан болҕомтону суһал боппуруостарга, күннээҕи үлэҕэ ууруохха наада. Саҥа билсиһиилэри эбэтэр ханнык эрэ улахан бырайыак саҕаланыытын тохтотор ордук. Сулустар этэллэринэн, олохторугар улахан уларыйыылары көрдөрөр түүллэри көрүөхтэрин сөп.

Ыйааһыннар

Суолталаах боппуруостары быһаарыыны хойутатыма, билигин быһаар уонна куһаҕаны барытын уруккуга хааллар. Эйигин кытта алтыһар дьон иирсээннээх балаһыанньаҕа чэпчэкитик тардыахтарын сөп, онон улаханнык мөккүһэ сатаама уонна куһаҕан санаалаах кэпсэтээччилэртэн халты сырыт.

Ооҕуй

Киирэр этиилэри сэрэхтээхтик ылын, сыһыаннары хааччахтаа, мөкү быһыыга түбэспэт инниттэн. Бүгүҥҥү сабыытыйалар санаа хоту буолбаттар: саппаас былаанна оҥоһун уонна сэргэххин сүтэримэ. Тугу саныырыҥ тус сыһыаҥҥар дьайыа; онон үтүөнэн эрэ салайтар.

Охчут

Бутуллан, быһыыны-майгыны кыайан чуолкайдык сыаналаабаппын диэн санаа үөскүөҕэ. Чугас дьоҥҥун эбэтэр кэллиэгэлэргин кытта аһаҕастык кэпсэт, мөккүөрдээх боппуруостары дьүүллэс, кинилэр көрүүлэрин чопчулаа. Ити буола турар хартыынаны барытын көрөргө уонна сөптөөх хоруйдары буларгар көмөлөһүө.

Чубуку

Ороскуоттан сэрэхтээх буол, саарбах уурууларга эбэтэр дуогабардарга сөбүлэһимэ. Харчыны эбэтэр сыаналаах кумааҕылары сүтэриэххин сөп. Чугас киһигиттэн хомойуоҥ, ол гынан баран бүтэһиктээх түмүктэри оҥоруох иннинэ, аһаҕастык кэпсэтэриҥ ордук.

Күрүлгэн

Дьыала-куолу, сорудах арааһа сарсыардаттан оргуйан олоруоҕа. Тулалыыр дьонтон көмө көрдөһөртөн кыбыстыма. Мөккүһэр, кырдьыгы дакаастыыр бүгүн үчүгэй идиэйэ буолбатах: күүскүн-уоххун, бириэмэҕин таах ыытаҕын эрэ. Тус сыһыаҥҥа нус-хас, холку майгылаах буол.

Балыктар

Санааҕар бутуллан, тугу баҕараргын өйдөөбөт буоллаххына, партнергун кытта аһаҕастык кэпсэт, санааларгын, саарбахтаабыккын үллэһин. Бу сыһыан хайа диэки салалларын, инникитин туох күүтэрин өйдүүргэ көмөлөһүө. Дьиэҕин-уоккун хомуйуу, бэрээдэги олохтооһун уоскутууну, чуолкайдааһыны киллэриэ.