Сулустар кэпсииллэр: Тохсунньу 18 күнэ, баскыһыанньа

Бараан

Кэпсэтиигэ аһаҕас буол, долгутар боппуруостары дьонтон куттаммакка ыйыталас. Күн саҥа дьыаланы саҕалыырга, үөскүүр кыһалҕалары ситиһиилээхтик туоратарга сөптөөх. Үчүгэй настарыанньаны илдьэ сылдьар туһугар бэйэҕин туох эмэ минньигэс аһынан маанылаа эбэтэр доҕотторгун кытта көрүс.

Оҕусчаан

Саҥа иэйиилэри, чаҕылхай өйдөбүллэри баҕарыаҥ. Онуоха экстремальнай спорт көрүҥнэринэн дьарыктанар наадата суох, интэриэһинэй киһилиин көрсүөххүн эбэтэр урут умсугуйбут дьыалаҕынан дьарыктаныаххын сөп. Урукку чуҥкук дьыалалары бүтэрэриҥ ордук, сүгэһэр гынан сылдьыбат курдук.

Игирэлэр

Бүгүн, төһө да баҕарбытыҥ иһин, хас да боппуруоһунан тэҥҥэ дьарыктанар табыллыбат. Биир эбэтэр икки саамай суолталаах дьыаланы талан ылан болҕомтоҕун онно уур. Кэпсэтиигэ, дьону кытта алтыһыыга сэрэхтээх буол, саҥа билсэр дьоҥҥор итэҕэйимэ, сонуннаргын үллэстимэ.

Араак

Сулустар бу күн саамай ыарахан дьыаланы талан ылан, төрдүттэн хамсата сатыыргар сүбэлииллэр. Бытархай боппуруостар уонна кыра суолталаах дьүүллэһиилэр үлэҕиттэн аралдьытыахтара, онон сибээһи хааччахтыыр ордук. Ыарахаттартан куттаныма: кинилэри туорааһын саҥа туһалаах уопуту бэлэхтиэҕэ.

Хахай

Былаанныырга үчүгэй күн: баҕалаах түмүгү хараххар оҥорон көр, үчүгэйгэ эрэ санан, оччоҕуна туруоруммут сыалгын ситиһиэххин сөп. Кыыһырбыт эбэтэр агрессивнай дьону кытта кэпсэтэртэн куотун, настарыанньаҕын буортулаабат туһугар. Диетаҕын уонна спордунан дьарыктанаргын умнума.

Кыыс Куо

Сыалыҥ-соругуҥ, былааннарыҥ көннөрүүнү эрэйэллэр. Билигин уларыйыы буола турар, ол уруккугар сыһыана суох. Саҥа чуолкай былаан үлэҕин ордук таһаарыылаах оҥорорго көмөлөһүөҕэ. Иммунитеккар кыһалын, битэмииннэри ис, элбэхтэ дьаарбай,  күүлэйдээ.

Ыйааһыннар

Бүгүн бастыҥ быһаарыынан кэтээн көрөр позицияны ылын, актыыбынай дьайыыны оҥорума. Сабыытыйалар эн кыттыыта суох бараллар, онон бэйэҕин саҥа быһыыга-майгыга үөрэт. Бу күн туох да саҥаны саҕалаама, ол оннугар урут хаалларбыт дьыалаҕынан дьарыктанарыҥ ордук.

Ооҕуй

Санаабыккын барытын толорорго чопчу былаанна оҥор, сынньалаҥҥа бириэмэтэ анаа. Аһара баран доруобуйаҥ мөлтүөн сөп, түмүгэр сыыһа-халты да туттунууга тириэрдиэ. Тирээн турар суолталаах кыһалҕалар тустарынан аһаҕастык кэпсэт, долгутар боппуруостаргын дьүүллэс.

Охчут

Эйигин көҕүлүүр эбэтэр саҥаны үөрэтэр кыахтаах дьону кытта алтыс. Бүгүн ураты санаалар үөскүөхтэрэ: олору олоххо киллэрии сотору кэминэн үчүгэй дохуоту аҕалыа. Настарыанньаҥ  үлэҕэр дьайар, онон үчүгэйи саныы сатаа.

Чубуку

Туох баар дьыаланы барытын ситэрэн-хоторон биэрэр гына күҥҥүн былаанныырыҥ ордук. Оннук гымматаххына, кэлин ону бүтэрэргэ быдан элбэх сыраны ууруоххун наада буолуо. Ону тэҥэ урукку эргэрбит маллартан уонна сибээстэртэн босхолон, үчүгэй уларыйыыларга миэстэни босхолуур туһалаах.

Күрүлгэн

Күүскэ үлэлииргэ уонна уустук боппуруостары быһаарарга ситиһиилээх күн. Ол эрээри, бэйэҕин харыстаа, аһара күүркэтимэ. Чугас дьоҥҥуттан ким эрэ көмө көрдөһүө: кинилэргэ бириэмэҕин анаа, ыарахан балаһыанньаларыгар өйөбүл буол.

Балыктар

Күҥҥүн көхтөөхтүк атаар, ыҥырыылары ылын, саҥа дьону кытта көрүс, көҕүлээччи буол. Дьоһуннаах, соһуччу сонуннары истиэххин сөп. Үөскээбит кыһалҕалартан санааҕын  түһэримэ. Тус сыһыан барыта бэрт.