Сулустар кэпсииллэр: От ыйын 27 - атырдьах ыйын 2 күннэрэ

Бараан

Билсиһии, алтыһыы, саҥа билиини ылыы нэдиэлэтэ. Ол эрээри сулустар барытын ситиһэ сатыыртан тутунарга сүбэлииллэр. Оннук гымматаххытына, эстэн хаалыаххыт. Нэдиэлэ саҥата урукку дьыалалары түмүктүүргэ, докумуоннары оннуларын булларарга табыгастаах. Сэрэдэҕэ уонна чэппиэргэ кимиэхэ даҕаны настарыанньаҕытын буортулатымаҥ. Бэйэҕитигэр эрэниҥ, туора дьон кыһалҕатын киэр кыйдааҥ. Өрөбүллэри айылҕаҕа атаарарга кыһаллыҥ.

Оҕусчаан

Икки өрүттээх нэдиэлэ үүннэ. Күүһү-уоҕу, сэниэни эрэйэр хамсаныылар кыаллан быстыбаттар, ол оннугар өй үлэтэ күүтүллүбэтэх ситиһиилэри аҕалыаҕа. Эһиги ураты көрүүлэргит кыахтаах, үптээх-харчылаах дьон болҕомтотугар киириэхтэрэ. Чэппиэр доруобуйаны көрүнэргэ табыгастаах. Нэдиэлэ бүтүүтэ соһуччу көрсүһүүлэр, ыалдьыттар, былааннары уларытыы буолуохтарын сөп. Туруккутун сааһыланан, уларыйа турар түгэннэргэ бэлэм буолуҥ.

Игирэлэр

Бэйэ кырдьыгын дакаастыы сатыыр, дьону кытта иирсэр хаачыстыбаҕыт «бэргиир» кутталлаах. Үлэҕэ соһуччу харгыстар үөскүөхтэрэ, сөбүлэҥнэри көтүрсүүгэ, былааннары уларытарга тиийиэххитин сөп. Маны барытын төһө кыалларынан холкутук ылынарга кыһаллыҥ. Ол кэриэтэ дьиэнэн-уотунан дьарыктаныҥ. Энергияҕытын дьиэҕэ наадалаах малы атыылаһарга, миэбэли сыҕарытарга барааҥ. Өрөбүллэр сынньалаҥҥа, кинигэ ааҕыытыгар, ис туругу сааһыланыыга табыгастаахтар.

Араак

Нэдиэлэ саҥата судургута суох буолуоҕа — туора дьон оҥорбут алҕастарын содулун көннөрөргө күһэллэн, бэйэҕитигэр эбии эбээһинэстэри сүгүөххүт. Салалтаны кытта аахсымаҥ. Нэдиэлэ иккис аҥаарыгар тус олоххутугар үчүгэй түгэннэр буолуохтара. Соҕотох Араактар биир санаалаах киһилэрин кытта билсиэхтэрин сөп. Өрөбүллэргэ сыаналаах малы-салы атыылаһартан туттунуҥ, ороскуоккутун былааннааҥ.

Хахай

Хахайдарга быйылгы сайын биир саамай ситиһиилээх нэдиэлэтэ үүннэ. Үгүс кыһалҕалар санаабыккыт хоту быһаарыллыахтара. Айар идэлээхтэргэ ордук табыгастаах, таһаарыылаах нэдиэлэ. Сэрэдэҕэ тус олоххо үтүө сонуннар күүтэллэр. Бииргэ дьаарбайыы, истиҥ кэпсэтиилэр тапталлааҕы кытта сыһыаны тупсарыахтара. Бэээтинсэҕэ саҥа таҥас атыылаһан, сэбэрэ тупсарынан, бэйэҕитин үөрдүҥ. Өрөбүллэри сынньалаҥҥа анааҥ.

Кыыс Куо

Нэдиэлэни доруобуйаны, бэйэ туругун көрүнэргэ анааҥ. Олус сылайар гына хамсанымаҥ, барытыгар сэрэхтээхтик сыһыаннаһыҥ. Нэдиэлэ саҥата доруобуйаны чинчийтэриигэ, эмтэниигэ табыгастаах. Сэрэдэҕэ уйулҕаҕытын сааһыланыҥ, чэппиэргэ дьону кытта кыыһырсыыттан туттунуҥ. Урукку доҕотторгутуттан өрөбүллэри бииргэ атаарарга ыҥырыы кэллэҕинэ, аккаастанымаҥ.

Ыйааһыннар

Соторутааҥҥы алҕастары көннөрөгө кыаҕы биэрэр нэдиэлэ. Нэдиэлэ саҥатыгар уустук балаһыанньаттан быыһыыр, өйөбүл буолар киһини кытта билсиэххит. Саҥа бырайыактардаах, хорсун былааннардаах буоллаххытына, оптуорунньукка олоххо киллэрэргэ кыһаллыҥ. Сэрэдэҕэ ол аптаах аан номнуо сабыллан, нэдиэлэ бүтүөр диэри үлэни да, харчыны да быһаарар кыаллыа суоҕа. Өрөбүллэргэ былааннамматаҕы атыылаһартан, дьонтон харчы иэстииртэн туттнуҥ.

Ооҕуй

Былааннар күн аайы уларыйан иһиэхтэрин сөп. Онон уталыппакка быһаарыллыахтаах соруктарынан дьарыктаныҥ. Нэдиэлэ иккис аҥаарыгар куһаҕан санаалаах дьону кытта аахсарга көмөлөһөр киһини кытта билсиһиэххитин сөп. Ол эрээри саҥа билсибит киһигитигэр дууһаҕытын арыйа охсорго тиэтэйимэҥ, бу үтүөҕэ тиэрдиэ суоҕа. Сөпкө утуйуу, сынньаныы, олус илистибэккэ үлэлээһин — үүммүт нэдиэлэ сүрүн быраабылалара.

 Охчут

Охчуттар баҕа санааларын, былааннарын толорорго кыратык тиритэ түһүөхтэрин наада. Сорох соруктар санаабыттааҕар бытааннык ситиһиллиэхтэрэ, ону дьулуургутунан эрэ кыайыаххыт. Оптуорунньугу үөрэххэ, идэни үрдэтэргэ, саҥа билиини ыларга анааҥ. Тапталларын көрсө иликтэр саҥа билсиһиилэртэн, быһымах быһаарыныылартан туттунуҥ. Нэдиэлэ бүтүүтэ нэмин көрөн хамсаныҥ, фастфудтан сэрэниҥ.

Чубуку

Чубукуларга үүммүт нэдиэлэҕэ үлэ, харчы боппуруостара сытыытык туруохтара. Уруккуттан мунньуллубут кыһалҕалары нэдиэлэ саҥатыгар быһаара сатааҥ. Оптуорунньукка салалтаҕа бэйэҕит этиилэргитин киллэриэххитин сөп. Чэппиэртэн инники былааннары торумнаан саҕалааҥ. Тус олоҕу кыратык дьаалытынан ыыта түһүөххэ сөп, чуумпурууну, соҕотохсуйууну талыҥ. Өрөбүллэри доруобуйаҕа туһалаахтык атаарыҥ, куһаҕан дьаллыктартан аккаастанарга холонуҥ.

Күрүлгэн

Тэтимнээх, элбэх хамсаныыны эрэйэр нэдиэлэ. Саҥа билсиһиилэр, дьыалабыай кэпсэтиилэр, айан уонна элбэх дьону кытта алтыһыы күүтэллэр. Манна барытыгар бэлэм буолуоххутун наада. Атын үлэҕэ ыҥырыыга тутатына сөбүлэһимэҥ, өрөбүлгэ диэри толкуйдааҥ, чугас дьоҥҥутун кытта сүбэлэһиҥ. Сэрэдэҕэ докумуон толоруутугар болҕомтолоох буолуҥ. Нэдиэлэ бүтүүтэ харчыга сэрэхтээх буолуҥ. Ыксаллаах быһаарыныылартан туттунуҥ.

Балыктар

Балыктарга олус суолталаах нэдиэлэ үүннэ. Номнуо бэнидиэнньиктэн олоххутугар уларыйыылары киллэрэр, былааннары уларытар кэриҥнээх түгэннэр саҕаланыахтара. Нэдиэлэни ис туругу сааһыланыыга, олохсуйбут быраабылалары уларытыыга анааҥ. Субуотаҕа тус интэриэскитин көмүскүүр түгэн үөскүөҕэ. Ону холкутук, айдаана суох оҥоруҥ — оччотугар улахан иирсээни төлө көтүөххүт. Өрөбүлгэ сыһыаны тупсарарга кыһаллыҥ.