Сулустар кэпсииллэр: От ыйын 20 – 26 күннэрэ

Бараан

Нэдиэлэ бастакы аҥаара соһуччу айымньылаах буолуоҕа. Өр баҕарбыт сөбүлүүр дьарыккытын таба тайаныаххытын сөп. Ырыа-хоһоон да айбатар, тугу эмэ мунньан саҕалыахха эмиэ сөп. Дьахталлар сэбэрэлэригэр тугу эмэ уларытарга быһаарыныахтарын сөп. Нэдиэлэ иккис аҥаарыгар дьиэ-уот боппуруостарын быһаарарга кыһаллыҥ. Санаарҕыыр, саараҥныыр түгэннэри чугас дьоҥҥутун, доҕотторгутун кытта үллэстэн, туһалаах сүбэлэри ылыаххыт.

Оҕусчаан

Күн тура-тура бүппэт үлэ, ыксал-тиэтэл сылатан эрэр, эт-сиин, өй-санаа чуумпуга, уоскулаҥҥа талаһар. Онон, уоппуска ылар кыаллыбат буоллаҕына, саатар аҕыйах хонукка тыаҕа, айылҕаҕа тахсары толкуйдуургут уолдьаспыт. Тапталлаахтар доҕоргутуттан соһуччу бэлэҕи эбэтэр киинэҕэ, кэнсиэркэ ыҥырыы тутуоххут. Чөл олоҕу тутуһуҥ, эти-сиини чэбдигирдиигэ кыһаллыҥ.

Игирэлэр

Нэдиэлэ саҕаланыытыгар урукку доҕотторгутун кытта көрсөр, айылҕаҕа, даачаҕа, дьиэҕитигэр ыҥырар санаалар киириэхтэрэ. Ол саҥа идеялар, былааннар үөскүүллэригэр тирэх буолуоҕа. Массыына, атын даҕаны тырааныспары атыылаһарга табыгастаах, саҥа дьыалалары, бырайыактары олоххо киллэрэргэ бэртээхэй нэдиэлэ. Дьиэ кэргэн кыһалҕаларын быһаарыы эһигиттэн быһаччы тулулуктаах, халлааны таһыйа сылдьыбакка, дьыаланан дьарыктанар кэм кэлбит.

Араак

Араак курдук хаһаайыстыбаннай уонна сиргэ чиҥник үктэнэн турар киһи суох диэн санааны өссө төгүл чиҥэтэр нэдиэлэ. Атыы-тутуу, харчы боппуруостарын барыстаахтык быһаарар кэмҥит кэлбит. Хамнаскыт үрдүүр, атын дохуот да аахсар кыах баар. Уопсайынан, үлэҕэ, үөрэххэ, карьераҕа барытыгар барыстаах эрэ өттүн тосхойор нэдиэлэ. Ханнык эрэ улахан дьыаланы былааннаабыт буоллаххытына, бу нэдиэлэни ааспакка саҕалааҥ, онуоха доҕотторгут көмөтүн көрдөөҥ.

Хахай

Нэдиэлэ маҥнайгы аҥаара билиини ыларга, сайдарга табыгастаах. Аахпыт кинигэҕит арыйыылары оҥорорго көмөлөһүөҕэ, маастар-кылааска, фитнескэ сырыттаххытына, туһаттан атыны ылыаххыт суоҕа. Эбэтэр ыраах айаҥҥа аттанан, саҕахтаргытын кэҥэтиҥ. Нэдиэлэ иккис аҥаара уоскулаҥҥа туһаайыллыаҕа. Айар-тутар дьоҕурдаах дьон урукку сакаастаргытын оҥоро охсорго табыгастаах кэм. Хомолто, тыл-тылга киирсибэт буолуу диэн бу нэдиэлэҕэ суох. Өрөбүллэри аймахтаргытын кытта атаарыҥ диэн сулустар сүбэлииллэр.

Кыыс Куо

Урут ситэн өйдөөбөт түгэннэргитин дьэ тутан олорон ырытар, быһаарар кэм кэлбит. Соҕотох Кыыс Куолары романтическай билсиһии күүтэр. Йоганы, цигун гимнастиканы кытта билсиһиэххитин баҕарбыккыт ырааппыт буоллаҕына, ол кэм дьэ үүннэ. Саҥа былааннарга, бырайыактарга табыгастаах кэм. 

Ыйааһыннар

Нэдиэлэ саҕаланыыта кэргэннээх ыйааһыннарга сыһыаны уларытар санаалар киириэхтэрэ, эһиги аттыгытыгар олус үчүгэй киһи сылдьарын сыаналаабаккытын өйдүөххүт. Нэдиэлэ икки аҥаарыгар улахан сабыдыаллаах киһини кытта билсиэххит, эбии харчы аахсар суолу тобулуоххут. Салайааччыгыт хараҕын далыгар киирэн, карьераҕыт да үрдүөн сөп.  

Ооҕуй

Бу нэдиэлэ талааҥҥытын, сатабылгытын, үтүө өрүттэргитин көрдөрөн, атын таһымҥа тахсар олук буолуоҕа. Саҥа күүс, саҥа кыах киирэн, баҕарбыт түмүктэргитин улаханнык илистибэккэ ылыаххыт. Үтүө түмүктэрдээх, ситиһии кынаттаах нэдиэлэни мүччү тутумаҥ. Бэйэҕит тула төһөнөн элбэх биир санаалаахтаргытын түмэҕит даҕаны, былааннаргыт соччонон ситиһиилээхтик олоххо киириэхтэрэ.

Охчут

Тус олоххо тупсуу, табыллыы нэдиэлэтэ. Кэргэнниилэр сыһыаннарыгар күүстээх таптал уота хаттаан күөдьүйэр. Тапталлааххыт уруккуттан баҕарар малгытын бэлэхтээн соһутуо. Үлэҕитин, олорор сиргитин уларытар туһунан санаалар киирбит буоллахтарына, билигин саамай тоҕоостоох кэм.

Чубуку

Нэдиэлэ саҕаланыыта дьиэҕэ олорортон, соҕотох буолартан дуоһуйууну ылыаххыт. Эбэтэр дьиэни-уоту тупсарыыны, өрөмүөнү саҕалыаххыт. Дьиэ кыылын атыылаһыаххытын сөп. Өрөбүллэргэ тыаҕа, айаҥҥа барыаххытын сөп. Доҕоттору кытта көрсүһүүттэн аккаастанымаҥ, умнуллубат сынньалаҥ, үтүө сонуннар күүтэллэр.

Күрүлгэн

Элбэх дьонноох, кэлиилээх-барыылаах олоххо талаһаҕыт. Айаҥҥа туруммут буоллаххытына, эрдэттэн былаанныыргыт наада. Этиспит, кыыһырсыбыт дьоҥҥутун кытта сыһыаҥҥытын тупсарыҥ, ол бастатан туран эһиэхэ наада. Чугас дьоҥҥутугар кыһамньыгытын ууруҥ. Өрөбүллэри бииргэ атаарарга этиитэ киллэриҥ.

Балыктар

Дьыалабыай хаачыстыбаларгытын инники күөҥҥэ тутуҥ. Аһары үлэнэн үлүһүйбэтэххэ, дьиэҕэ-уокка, баайга-дуолга, харчыга сыһыаннаах кыһалҕалары түргэнник быһаарар кыахтааххыт. Көрү-нары кэнникигэ хаалларыҥ. Уоппускаҕа сылдьар буоллаххытына, өрөмүөн оҥосторго тоҕоостоох кэм. Нэдиэлэ иккис аҥаара тус олоҕу, сыһыаны тупсарарга табыгастаах. Өрөбүлү таптыыр дьоҥҥутун кытта атаара сатааҥ.