Сулустар кэпсииллэр: Олунньу 9 күнэ, бэнидиэнньик

Бараан

Күнүҥ тыҥааһыннаах уонна күүрүүлээх. Былыттарынан көтө сылдьыма, дьыалаларгын болдьоҕор бүтэримиэххин сөп. Бүгүн элбэхтик кэпсэтиэҥ, билсиһиэҥ, араас сирдэргэ сылдьыаҥ. Кылгастык да дьаарбайдаххына бэйэҕин сэргэх, эрчимнээх курдук сананыаҥ.

Оҕусчаан

Сулустар бары улахан суолталаах дьыалалары, көрсүһүүлэри күн бастакы аҥаарыгар, эниэргийэҥ таһыма үрдүк буолар кэмигэр аныырга сүбэлииллэр. Туох эмэ табыллыбатаҕына, атын кэмҥэ ууран кэбис, туох да диэбит иһин бүтэрэргэ кыһаллыма. Аһара дьаныардаах буолууҥ туруккар куһаҕаннык дьайыан сөп.

Игирэлэр

Бүгүн урукку, эргэрэн хаалбыттан, саҥаҕа, интэриэһинэйгэ миэстэни босхолуурга сөптөөх кэм. Туох эрэ дьыаланы саҕалаабыт буоллаххына, онно ордук болҕомтону ууран, наадалаах түмүккэ тиэрдэриҥ ордук. Улаханнык билбэт дьоҥҥун кытта сэрэхтээхтик алтыс, аһаҕастык кэпсэтимэ.

Араак

Бүгүҥҥү күҥҥэ улахан суолталаах дьыалалары, көрсүһүүлэри былааннаама. Быһыы-майгы түргэнник уларыйыаҕа, кыһалҕалар саамай соһуччу сирдэргэ үөскүөхтэрэ, онон түргэн эппиэти буларга кыһаллыаҥ. Чугас эргимтэҕиттэн ким эрэ кистэлэҥин билиэххин сөп, ону искэр тута сылдьыаххын наада.

Хахай

Эрдэ туран, сарсыардаттан дьыалаҕын саҕалыырыҥ ордук. Эн эниэргийэҥ таһыма үрдүк, онон күн таһаарыылаах, үлэнэн-хамнаһынан толору буолуо. Сөбүлэһии, кэпсэтии күн бастакы аҥаарыгар ордук табыллыаҕа. Киэһээҥҥэ диэри кыайан толорбот дьыалаларгын саҕалаама, сарсыҥҥыга хаһаан.

Кыыс Куо

Тыҥааһыныҥ үрдүүр күнэ. Бэйэҕин хонтуруоллан, холкутук  сылдьа сатаа,  тиэтэйэр үчүгэйгэ тиэрдиэ суоҕа. Ити үлэ боппуруостарыгар да, тус сыһыаҥҥа да сыһыаннаах. Саҥа билсиһиилэри, көрсүһүүлэри кэлэр күннэргэ көһөрөр ордук диэн сулустар сүбэлииллэр.

Ыйааһыннар

Сарсыардаттан үлэҕэр болҕомтону уураргар уустуктары көрсүөҥ, төлөпүөҥҥэ эбэтэр тус кыһалҕаҕар наһаа аралдьыйыма. Эбии эппиэтинэһи ылыныма, үлэҕин кэллиэгэлэргин кытта бииргэ толорор ордук. Дьыаланы уталытыма, бүгүн бүтэриэхтээҕи ситэрэргэ кыһалын.

Ооҕуй

Күн эйиэхэ үчүгэйдик билэр күннээҕи үлэҕэр сөп түбэһэр. Уустук дьыалалар сыыһалардаах уонна олус бытааннык толоруллуохтара, онон бүгүн саҕалаабатыҥ ордук. Кимниин эрэ иирсээҥҥэ сылдьар буоллаххына, аһаҕастык кэпсэт, бырастыы гын, мөккүөрдээх түгэннэри барытын быһаарыс, сыыһаны-халтыны көннөр.

Охчут

Бүгүн уһуннук илдьэ сылдьыбыт былааннарыҥ олоххо киириэхтэрин сөп. Кыра кыһалҕалар эйигин тохтоппоттор, сыралаһан оҥордоххуна, сыал-сорук ситиһиллиэ. Инники үлэҕэр туһалыахтарын сөптөөх суолталаах билсиһиилэр баар буолуохтарын сөп.

Чубуку

Биир идэлээхтэриҥ төһө да куһаҕаннык сыһыаннастыннар, былааннаргыттан, идиэйэлэргиттэн аккаастаныма. Идэтийбит дьону кытта санааларгын үллэһин, баҕар, көдьүүстээх сүбэ эбэтэр бииргэ үлэлииргэ этии ылыаҥ. Үлэ мөккүөрэ эбэтэр санаа атастаһыыта туһалаах буолуо.

Күрүлгэн

Алтыһыы бүгүн көхтөөх, тулалыыр дьон эйигин өйдүүллэр, идиэйэҕин өйүүллэр. Контактары хааччахтаа, үлэҕэр болҕомтоҕун ууран, туһата суох кэпсэтиигэ аралдьыйыма. Киэһэни доҕотторгун кытта ыытар ордук. Киинэҕэ сылдьыҥ, аралдьыйыҥ, сөбүлүүр дьыаланан дьарыктаныҥ.

Балыктар

Толкуйдааһын уонна бэйэни анаарыы сыыһаларгын өйдүүргэ, хайа диэки хайысхаланаргын быһаарарга, сыһыаны олохтуурга көмөлөһүө. Дьоһуннаах кэпсэтиилэр табыллыахтара, бэйэҥ көрүүгүн дакаастаан саҥа биир санаалаах дьону булуоххун сөп. Тиэтэйимэ, табыгастаах тэтиминэн сырыт.