Сулустар кэпсииллэр: Олунньу 6 күнэ, бээтинсэ

Бараан

Аҕыйахтык кэпсэт, солуута суохха аралдьыйыма. Онон бириэмэҕин кэмчилиэҥ уонна соччото суох дьыалаттан куотуоҥ. Үлэҕэр аа-дьуо сырыт, тугу оҥорбуккун бэрэбиэркэлээ. Күн чөл олоҕу саҕалыырга, спордунан дьарыктанарга, саҥа диетаны таларга сөптөөх.

Оҕусчаан

Кыһалҕалар сарсыардаттан саҕаланыахтарын сөп, онон уустук, уһун күҥҥэ бэлэмнэн. Күн ортотугар эниэргийэҥ таһыма улаханнык намтыан сөп, онон саҕаламмыт суолталаах дьыалалары бүтэрэргэ күүс-уох наада буолуо. Ол эрээри, киэһэ балаһыанньа тупсан, үчүгэй сынньалаҥы тэрийиэххин сөп.

Игирэлэр

Дьоһуннаах уонна суолталаах дьыалалардаах күн. Игирэлэр элбэх кыһалҕалары быһаарсалларыгар тиийиэхтэрэ эрээри, үлэҕэр эппиэтинэстээх сыһыан бары ыарахаттары ситиһиилээхтик туоруурга көмөлөһүөҕэ. Ис санааҥ эрэллээх сүбэлэри биэрэр, онон быһаарыыны ылынарга кинини иһит.

Араак

Утарсыы тыына эйиэхэ бүгүн олус күүстээх. Хайа баҕарар төрүөтүнэн мөккүһэр уонна хайаан да сөптөөҕү туруулаһар баҕалааххын. Бу сыһыаны буортулуон эбэтэр үлэ миэстэтигэр кыһалҕаны үөскэтиэн сөп. Күн алҕастары туоратарга, урут оҥоруллубут сыыһалары көннөрүүгэ сөп түбэһэр.

Хахай

Соҕотоҕун эбэтэр ыраахтан үлэ бүгүн ордук көдьүүстээх буолуоҕа. Солуута суох кэпсэтиилэргэ бириэмэҕин бараама. Үбү-харчыны харыстаан туттар кэм кэлбит, онон кумааһынньыккын өссө төгүл арыйбат ордук. Бу күн туора киһи сүбэтин истимэ.

Кыыс Куо

Кэлиҥҥи кэмҥэ үлэлээбит бырайыагыҥ түмүктэниэ, кыра сыраны оҥорор хаалбыт. Сөптөөх түмүктэри түргэнник ситиһэргэ былааҥҥын бытархай гына үллэр, кыралаан хардыылаа, сабыытыйаны тиэтэтимэ. Барытын ааҕан-суоттаан оҥор, оччоҕуна сыыһаны-халтыны куоттарыаҥ.

Ыйааһыннар

Сулустар быһаарыылаах, ордук актыыбынай буоларгар сүбэлииллэр. Оччоҕо эн иннигэр урут сабыллыбыт ааннар аһыллыахтара. Ол эрээри бу күн наһаа ыксаама, үлэҕин хаттаан оҥорбот, уларыппат туһуттан. Салайааччыгыттан тэйэ сырыт, иирсээни саҕалаама, сыһыаны буорту оҥорбот гынарга кыһан.

Ооҕуй

Таптыыр киһигин кытта тыҥааһыннаах сыһыан буолуон сөп. Барытын көннөрө сатаа, сымнаҕас, кыһамньылаах буол, оннук гымматаххына иирсээн тэнийиэн сөп. Үлэҕэр кэллиэгэлэргиттэн эбэтэр партнердаргыттан көмө көрдөһөртөн кыбыстыма. Онон баҕараргын, санаабыккын түргэнник ситиһиэҥ.

Охчут

Бүгүн билсиэхтээх дьонуҥ эйиэхэ эрэллээх союзниктарыҥ, ону тэҥэ үчүгэй доҕотторуҥ буолуохтара. Онон элбэхтэ кэпсэт, хампаанньаҕа эбэтэр тэрээһиннэргэ ыҥырыыттан аккаастаныма. Тус сыһыаҥҥа көхтөөх буол, соһуччу үөрүүнү оҥор эбэтэр романтическай көрсүһүүтэ тэрий.

Чубуку

Үтүө санааны тутуһарга кыһалын, эйэҕэс, киэҥ майгылаах буол. Оннук гымматаххына, былааннарыҥ алдьаныахтара, дуогабардарыҥ көтүллүөхтэрэ. Олоххор тугу эмэни уларытыаххын баҕардаххына, бу күн онуоха барсар кэм. Бу уларыйыыларга ордук үчүгэйи эрэ көрө сатаа.

Күрүлгэн

Күн бастакы аҥаарыгар олох-дьаһах бытархай кыһалҕаларынан дьарыктаныаҥ. Эбиэт кэнниттэн үлэ уустук боппуруостарын быһаарыаҥ уонна партнердары кытта кэпсэтиилэри ыытыаҥ. Харчы өттүнэн барыстаах дуогабардарга болҕомтоҕун уур, балар сотору дохуоту киллэриэхтэрэ.

Балыктар

Сэрэххин сүтэримэ, куһаҕан быһыыга түбэһэр кыах баар. Балыктар урукку олохторуттан кимниин эрэ көрсүһүөхтэрэ, сулустар кинилэри кытта алтыһыыга сыыһаларын хатылаабаттарыгар сүбэлииллэр. Тус сыһыаҥҥа биир тылы буларга дьулус, чугас дьоҥҥун баттаама. Сымнаҕаскын көрдөрөн, ордук элбэҕи ситиһиэҥ.