Сулустар кэпсииллэр: Олунньу 5 күнэ, чэппиэр

Бараан

Күн саҥа бырайыагы саҕалыырга, ханнык эрэ уустук былааннары олоххо киллэрэргэ сөп түбэһэр. Сулустар быһаарыылаах хамсаныылары оҥорорго, эксперименнииртэн куттаммаккар, үлэҕэр саҥаны арыйыылары туттаргар сүбэлииллэр. Көхтөөх алтыһыы наадалаах сибээһи олохтуурга, интэриэһинэй дьону кытта билсэргэ көмөлөһүө.

Оҕусчаан

Үтүө санааҕынан, үчүгэй настарыанньаҕынан бүгүн туһалаах дьону кытта билсиэххин, биир санаалаахтары, үлэҕэ көмөлөһөөччүлэри булуоххун сөп. Кэскиллээх дьыалалары, бырайыактары былаанныырга, дьүүллэһэргэ үчүгэй кэм. Социальнай ситимнэргэ кэпсэтиигэ элбэх бириэмэни ууруоххун сөп.

Игирэлэр

Кэпсэтиилэр эбэтэр дьыалабыай көрсүһүүлэр бэркэ ааһыахтара. Барыта үрдүк таһымҥа ыытыллыаҕа, туруоруммут сыалларгын ситиһэргэ көмөлөһүөҕэ. Өрдөөҕүттэн кэтэһэр идиэйэлэриҥ бүгүн ситиһиилээхтик олоххо киириэхтэрин сөп. Үлэҕэр санаабыккын оҥорортон куттаныма.

Араак

Бүгүн эйиэхэ биир санаалаах дьон хамаандата наада. Биирдиилээн үлэ кэлэктиибинэн дьүүллэһии, былааннары олоххо киллэрии курдук ситиһиилээх буолуо суоҕа. Кэллиэгэлэргин кириитикэлээмэ, атын дьон көрүүтүн ытыктаа. Киэһэтин дьиэҕэр дьарыктанар дьыалаларыҥ сылайыыттан аралдьытыахтара.

Хахай

Интэриэһинэй санааларгын идэтийбит эбэтэр сабыдыаллаах дьону кытта үллэһин. Бүгүн өйөбүлү эбэтэр бииргэ үлэлээһин туһунан этиини ылар кыах баар. Иллэҥ кэмҥэр спортсаалаҕа эбэтэр бассейнҥа сырыт, эт-хаан өттүнэн көхтөөх буолуу эниэргийэҕин чөлүгэр түһэрэргэ көмөлөһүө.

Кыыс Куо

Үчүгэйдик билэр күннээҕи дьыалалар ордук табыллыахтара. Бүгүн саҥа эбэтэр билбэт дьыалалары саҕалаама, сыыһа оҥорон кэбиһиэххин сөп. Кыһалҕалар, атын да боппуруос бэйэтинэн быһаарыллар кыахтаахтар, онон ханна да ыксаама, туох барыта бэйэтинэн барарыгар көҥүллэ биэр.

Ыйааһыннар

Эниэргийэҥ да, үлэлиир дьоҕуруҥ таһыма да үрдүк, онон бүгүҥҥү күҥҥэ уустук дьыалалары, дьоһуннаах кэпсэтиилэри хорсуннук туруорун, барыта табыллыа. Түмүк күүтүө суоҕа. Сотору үп-харчы дохуота эбэтэр барыс киириэн сөп диэн сулустар эрэннэрэллэр.

Ооҕуй

Бэйэҕэр улахан эппиэтинэһи, эбии эбээһинэһи ылынымыаххын наада. Бастакы уочараттаах соруктаргынан дьарыктан, барытын тута саба оҥоро сатаама. Уустук түгэннэргэ аймахтаргыттан өйөбүлү көрдөс, кинилэр эйиэхэ олус туһалаах сүбэ-ама биэриэхтэрин сөп.

Охчут

Төһө да бүгүн эниэргийэҥ күүрүүтэ, үлэлиир баҕаҥ үрдүк буоллар, элбэх дьарыкка түһүнэн кэбиһимэ. Туохха эмэ, бэйэтин кэмин кэтэһэрин талан, бу дьыалаҕа болҕомтоҕун уур. Кэллиэгэлэргэр ордук итэҕэй, кинилэр үлэлэрин түмүгэ эйигин үөрдүөҕэ. Ыарахаттары көрүстэххинэ, кинилэртэн көмө көрдөс.

Чубуку

Тугу эрэ уларытар баҕа эйигин таарыйыа. Үлэҕэр саҥа ньыма эбэтэр тус сыһыаҥҥа туох эрэ саҥаны боруобалыаххын сөп. Кэрэҕэ, сырдыкка элбэх бириэмэни, күүһү-уоҕу барыыртан куттаныма, түмүк хомотуо суоҕа. Бүгүн буолар тэрээһиннэр үп-харчы өттүнэн барыһы киллэриэхтэрэ.

Күрүлгэн

Бэйэҥ тускар наһаа туруулаһыма, тулалыыр дьону итэҕэтэргэ кыһаллыма. Манан эн бириэмэҕин, ньиэрбэҕин эрэ барыаҥ. Ордук үчүгэйдик билэр дьыалаларгынан дьарыктан, бу эйигин уоскутуоҕа, инники улахан суолталаах бырайыактары былаанныаҕыҥ. Дьиэҕэр тугу эрэ уларытыы, туох эрэ саҥаны атыылаһыы санааҕын көтөҕүө.

Балыктар

Наһаа актыыбынайдаама уонна оҥоһуллубут үлэни барыллаан түмүктээ. Үлэҥ остуолун ырытан, бытархай судургу дьыалалары бүтэр. Манан эн сынньаныаҥ, саҥа бырайыактарга бэлэмнэнэр кыахтаныаҥ. Кэпсэтиилэри сэргээ, интэриэһинэй идиэйэлэри истиэххин сөп.