Сулустар кэпсииллэр: Олунньу 3 күнэ, оптуорунньук

Бараан

Ситиһиилээх уонна таһаарыылаах күн. Сорох баҕа санааларыҥ туолуохтара. Кутталлаах, ханнык эрэ авантюраны саҕалыахха сөп: сулустар бүгүн тугу гынарга быһаарыммыккар, ситиһии күүтэр диэн эрэннэрэллэр. Бүгүҥҥү күнүҥ бүтүн ый устата дьыала туругар сабыдыаллыаҕа, онон сүрэҕэлдьээмэ.

Оҕусчаан

Дьыаланы сарсыҥҥыга көһөрүмэ, бүгүн барытын бүтэрэн үлэҥ түмүгүнэн дуоһуйуоҥ. Төһө да сүрэҕэлдьээтэргин, үлэҕин хаачыстыбалаахтык, эппиэтинэстээхтик оҥорорго кыһан. Спортсаалаҕа сылдьыы эбэтэр киэһээҥҥи дьаарбайыы күүрүүнү намтатыа.

Игирэлэр

Профессиональнай билиини үрдэтии, онно сибээстээх идэлэри баһылааһын үлэҕэр көмөлөһүөхтэрэ, үрдэтиини түргэнник ыларга кыах биэриэхтэрэ. Наһаа элбэҕи толкуйдаама, доруобуйаҕын харыстаа. Киэһэ доҕотторуҥ хампаанньаларыгар болҕомто киинигэр сылдьыаҥ.

Араак

Бүгүн боппуруостары барытын быһаарарга холонума. Үчүгэй түмүктэри ылар туһугар бүгүҥҥү ноҕуруусканы саатар икки төгүл кыччат. Сорох дьыалаларга билигин күүһүҥ-кыаҕыҥ да тиийбэт. Улахан интэриэһинэй көрсүһүү буолуон сөп, бу кэнэҕэскилээх буолуо.

Хахай

Иирсээннэри эбэтэр тыҥааһыннаах балаһыанньалары аһаҕастык кэпсэтэн быһаарыахха наада. Чугас дьоҥҥун кытта санааҕын-онооҕун үллэһин, оччотугар өйдөспөт буолууну туоруоххут. Кими эрэ кытта сыһыаны тохтотуоххун баҕарар буоллаххына, бу быһаарыыны атын күҥҥэ уур, бүгүн эн наһаа туруоругун.

Кыыс Куо

Күнүҥ бүгүҥҥү түмүгү таһаарарга, ааспытый үлэтин сыаналыырга сөптөөх. Өскөтүн көмө наада буоллаҕына чугас дьоҥҥоркыбыстыбакка эт, түмүк эйигин үөрдүөҕэ. Маны таһынан аҕа саастаах дьон сүбэлэрэ эмиэ мэһэйдиэ суоҕа, атын киһи уопутун туһан.

Ыйааһыннар

Бүгүҥҥү күннээҕи дьыалалар түргэн быһаарыыны эрэйиэхтэрэ, атын кэмҥэ көһөрүөҥ суоҕа. Онон бу көдьүүстээх үлэҥ салайааччыҥ хайҕабылын ылан барыс да киллэриэн сөп. Бүгүн иирсээни саҕалаабат туһугар, дьону кытта кыратык алтыһарыҥордук.

Ооҕуй

Кыаллар буоллаҕына бүгүн өрөбүллэ ыл, бэйэҕэр, бэйэҥ наадаларгар бириэмэни анаа. Оттон хайаан да дьыаланан дьарыктанар буоллаххына, чуумпу тэтими тал, дьайыыларгын хонтуруоллаа. Болҕомтото суох буолууҥ ыһыллыыга, сыыһаҕа-халтыга тиэрдиэн сөп.

Охчут

Тулалыыр дьон тус көрдөһүүлээхкэлиэхтэрин, интэриэһинэй боппуруостары үллэстиэхтэрин баҕарыахтара. Ким эрэ кистэлэҥин биллэххинэ, кэпсии, ыһа-тоҕо сылдьыма. Дьиэҕэр бэрээдэктэ олохтоо, наадата суох малы-салы бырах эбэтэр кимиэхэ эмиэ биэртэлээ. Маны таһынан урукку идиэйэлэргиттэн босхолон. 

Чубуку

Настарыанньаҥ мөлтөөбүт, санааҥ түспүт курдук буоллаҕына эрчиллии, дьарыктаныыкөмөтүнэн кыайыаххын сөп. Уугун хана утуй,  таптыыр киинэлэргин көр. Тулалыыр дьон бүгүн эйигин кыйахыахтарын сөп, онон бириэмэҕин соҕотохтуу атаара сатаа.

Күрүлгэн

Бүгүн олоххор сабыдыаллыыр, элбэх тутулуктанар ханнык эрэ улахан быһаарыыны ылыныаҥ. Эппиэттииргэ тиэтэйимэ, толкуйдуурга бириэмэтэ ыл, туох баар кутталы, содулу барытын ыйааһыннаа.Элбэх дьонтон тэйичччи сырыт, бириэмэҕин соҕотох атаарарыҥ ордук. 

Балыктар

Ис санааҥ бүгүн эрэллээх сүбэлэри биэрэр, туһан. Билигин көрсөр кыһалҕаларыҥурукку сыыһаларыҥ түмүктэрэ буолар. Туох сыыһаны-халтыны оҥорбуккун, хайдах көннөрүөххүн туһунан толкуйдаа. Дьиэҕэ олорума, элбэхтэ кэпсэт, саҥа дьону кытта билис.