Сулустар кэпсииллэр: Олунньу 23 – кулун тутар 1 күннэрэ

Бараан

Мунньуллубут кыһалҕалар бэйэлэрэ хайдах эрэ симэлийиэхтэрэ дии санаабакка, быһаарыахха наада. Саамай сүрүн дьыалаларга эрэ болҕомтоҕун уур. Дьыалабыай да, тус эйгэҕэ да бэйэҥ көрүүлэргин туруулаһарга кыһалын, атыттары батыһыма. Күрэстэһээччилэриҥ туһунан куһаҕаны санаама, маннык толкуйдар ордук суолталаах дьыалалартан аралдьытыахтарын сөп.

Оҕусчаан

Бу нэдиэлэҕэ онтон-мантан саарбахтыыры тохтотор ордук. Мээнэ, тугу да гыммакка сылдьыахтааҕар, сыыһаны оҥорор ордук. Син биир хас хардыыны эрдэттэн ааҕар сатаммат. Сэрэдэҕэ суолталаах көрсүһүүлэри уонна дьыалалары былааннаама, тула өттүгүн барытын хонтуруоллуу сырыт. Өрөбүллэргэ настарыанньаҥ өрө көтөҕүллүө, санаабыт сиргэр сынньаныаҥ, чугас дьоҥҥун кытары күҥҥүн атаарыаҥ.

Игирэлэр

Бу нэдиэлэҕэ туһалаах этии уонна балачча барыс ылыаххын сөп. Айар үлэҥ, идэҥ, уһулуччулаах тэрийэр дьоҕуруҥ сыаналаныахтара. Итини тэҥэ таптыыр киһиҥ үөрдүөҕэ, өссө чугастыы, аһаҕас буолуоххут. Булугас өйгүнэн чаҕылыҥныаҥ, тас эйгэҥ кэҥиэҕэ. Күүһүҥ-уоҕуҥ, интэриэһинэй идиэйэлэриҥ толору.

Араак

Айар үлэҕэ, карьераҕа бэртээхэй нэдиэлэ. Сөбүлээбэтэргин да, ыарахаттары даҕаны чэпчэкитик ылыныаҥ, аһарыаҥ. Айылҕаттан бэриллибит баһылыыр-көһүлүүр хаачыстыбаларгын көрдөр. Ити ситиһиигэ сирдиир суол буолуо. Бу нэдиэлэҕэ ордук табыгастаах күннэр – чэппиэр уонна бээтинсэ, оптуорунньук – ситиһиини мэктиэлээбэт.

Хахай

Наһаа элбэҕи саҥарыма, кэпсээмэ, ордук солуута суохха, тоҕо диэтэххэ бэйэҥ куолаһыҥ эйигин аралдьытан, улахан суолталаах иһитиннэриини көтүтүөххүн сөп. Үлэҥ-хамнаһыҥ барыларын, оннооҕор бэйэҕин сөхтөрүө. Дьыалаҕар болҕомтолоох, бэриниилээх буолууҥ бэлиэтэниэ, манньа да биэриэхтэрэ. Өрөбүллэргэ угаайыга киирэн биэримэ, дьиэҕэр олор, кинигэтэ аах, киинэтэ көр.

Кыыс Куо

Бу нэдиэлэҕэ үлэттэн-хамнастан ордон сынньанарга ханнык баҕарар кыаҕы туһан, наһаа сылайбыккын. Кыһалҕа сотору бүтэн, иллэҥ бириэмэ элбиэҕэ. Дьиэҕин бэрээдэктээ, бэйэҥ истиилгин толкуйдаа. Ханна да хойутаабат буоларга кыһалын. Өрөбүлгэ сүрэҕэлдьээһин бааламмат, онон уугун хана утуйан, дуоһуйа сынньан, дьиэҕиттэн ыраатыма.

Ыйааһыннар

Бу нэдиэлэ араас тэрээһиннэринэн толору буолуо. Сынньанарга да, үлэҕэ да бэркэ сөп түбэһэр. Ол эрээри, тугу да гыннаргын, доҕотторгун умнума. Бириэмэҕитин бэркэ атаарыаххыт. Күүһүҥ кыайбат, баҕаҥ сыппат буоллаҕына, тугу да оҥоро сатаама, син биир табыллыа суоҕа.

Ооҕуй

Нэдиэлэ эйиэхэ ситиһиини, табыллыыны түстүүр. Ис дууһаҕыттан айар дьулууруҥ, үлэҕэр бэриниилээҕиҥ карьераҕа үчүгэйдик сабыдыаллыа. Ол эрээри аһара барбат буоларга кыһалын, санааҥ уларыйыыта дьыалаларыҥ ситиһиилэригэр дьайыан сөп.

Охчут

Үлэҕэр наһаа ноҕуруускаланыма, кыра кээмэйдээҕи оҥор, ол гынан баран хаачыстыбалаахтык. Доҕотторуҥ, бииргэ үлэлиир дьонуҥ өйөбүлүнэн сыалы-соругу ситиһиэххин сөп, онон кинилэр көмөлөрүттэн аккаастаныма. Чэппиэргэ барыстаах дьыалабыай этии киирэн үөрдүөн сөп. Өрөбүллэргэ дьиэҕинэн-уоккунан дьарыктан.

Чубуку

Бу нэдиэлэҕэ быһаарыныылары толкуйдаабакка ылыныма, ханнык да иирсээнтэн куотуна сырыт. Быһыы-майгы эмискэ уларыйыан сөп. Үчүгэйдик бэрэбиэркэлэммит, эрэллээх дьоҥҥо эрэ тирэҕир. Чугас дьоҥҥор бириэмэни харыһыйыма. Соторутааҕыта оҥоруллубут сыыһаны-халтыны көннөрүүнэн дьарыктаныаххын сөп.

Күрүлгэн

Бу нэдиэлэҕэ эйиэхэ туһалаах буолуон сөптөөх дьоҥҥо барыларыгар бииргэ үлэлээһин стратегиятын тутуһан, балачча түргэнник ситиһии ылыаххын сөп. Тулалыыр дьон кыһалҕаларын күүскэ кыайа-хото тутан, бэйэҥ интэриэскин эмиэ умнума. Олоххор мэһэйдиир сорох майгыгын көннөрүүнэн дьарыктанарыҥ ордук.

Балыктар

Бу нэдиэлэ сүрүн түгэннэринэн романтикаҕа уонна тапталга сыһыаннаах дьыалалар буолуохтарын сөп. Ханнык баҕарар уларыйыылар үчүгэйгэ, туһаҕа буолалларын умнума. Чугас киһиҥ тугу саныырын интэриэһиргээ. Үлэҕэр ханнык баҕарар иирсээни чэпчэкитик тохтотуоххун сөп, аҥаардас эниэргийэҕин уопсай дьыалаҕа туһаайан.