Сулустар кэпсииллэр: Олунньу 2 күнэ

Бараан

Сулустар бу түүн түһүүр түүллэргин өйдүүргэр сүбэлииллэр: кинилэргэ ыйыы-кэрдии, кистэлэҥ бэлиэлэр баар буолуохтарын сөп. Үөскээбит балаһыанньаттан ыксаллаах түмүктэри оҥорума, сотору санааҥ уларыйыаҕа. Үлэҕэрбарыта этэҥҥэ баран иһэр.

Оҕусчаан

Барыстаах этиилэргэ тута сөбүлэһимэ. Толкуйдуурга, толору иһитиннэриинибилэргэ бириэмэтэ ыл. Баҕар, туох эрэ кистэлэҥи эбэтэр эбии усулуобуйаны билиэххин сөп. Бүгүн бытархай дьыалаларынан дьарыктанарыҥ ордук.

Игирэлэр

Күн холку, улахан кыһалҕата суох буолара күүтүллэр. Урут саҕалаабыт дьыалалары бүтэрэр, үлэҥ остуолун бэрээдэктииртуһалаах. Уустук бырайыактары бу күнсаҕалаабат ордук. Туохтан эрэ дьиксинэр курдуккун, иэйииҥ үрдүк, биричиинэтэ суох долгуйуоххун сөп.

Араак

Үпкэ-харчыга эбэтэр үлэҕэр барыстаах дьыалаларга болҕомтоҕун уур, бу дуоһунаһыҥ үрдүүрүгэр көмөлөһүө. Бүгүн сүрэҕэлдьиэххин сөп, онон чэпчэки дьыалаттан саҕалаа, сыыйа-баайа инниҥдиэки сыҕарыйан, хардыылаан ис. Дьиэ кэргэн сыһыаныгар тыҥааһыннаах быһыыга-майгыга бэлэмнэн.

Хахай

Аһара үлэлээһин, сүүрүү-көтүү доруобуйаҕар куһаҕан дьайыылаах буолуон сөп. Чэпчэки үлэнэн дьарыктана сатаа, сынньанарга ордук бириэмэтэ бул. Мунньуллубут сылайыы бэйэтин биллэриэҕэ, бэйэҕин туттуммакка сыһыаны сытыырхатыаххын, кимниин эрэ тапсымыаххын сөп. 

Кыыс Куо

Сулустар үлэҕэ тыҥааһыннаах күҥҥэ бэлэмнэнэргэр сүбэлииллэр. Биир идэлээхтэриҥ ханнык да түгэҥҥэ көмөҕө кэлэргэ бэлэмнэр, сүбэ-ама да буолартан аккаастаныахтара суоҕа. Дьыаланы соҕотоҕун оҥороруҥ ордук, тулалыыр дьону кытта сибээһи хааччахтаа. Киэһэ сөбүлүүр дьарыккар бириэмэтэ анаа.

Игирэлэр

Интуицияҕытын истиҥ — олунньу ыйга эһигини бу абырыаҕа, өскөтүн хайа диэки хамсанаргытын быһаарына илик буоллаххытына. Үлэҕэ-хамнаска уларыйыы тахсыаҕа. Тус олоххо күүтүллүбэтэх дьайыы суох. Таптыыр киһигитигэр сыһыаҥҥыт сойо илик буоллаҕына, бүгүн ону көннөрөргө тоҕоостоох күн.

Ооҕуй

Эбии эбээһинэстэри бэйэҕэр ылан атын дьон дьыалаларынан дьарыктаныаҥ. Кинилэри кытта түргэнник быһаарсар сыалтан, ураты сыһыаны тутун, кыһалҕаны атын өттүттэн көр. Бу киэһэ настарыанньаҥ үрдүө, онтон дуоһуйууну ылыаҥ.

Охчут

Абылыыр күүһүҥ, үчүгэй настарыанньаҥбүгүн болҕомто киининэн буолуоҕа. Үлэҕэр бэриниилээх буолан салалтаҕыттан хайҕабыл ылыаҥ, дуоһунаһыҥ үрдүүрүгэр көмөлөһүө.  Күүскүн чөлүгэр түһэрэргэ, киэһэни соҕотоҕун атаар, таптыыр дьыалаҕынан дьарыктан, аах, үчүгэйдик утуй.

Чубуку

Күн уустук, тыҥааһыннаах буолара күүтүллэр. Элбэх боппуруоһу быһаарыаҥ,  дьоһуннаах дьыалалары быһаарыаҥ, кэпсэтиилэри ыытыаҥ. Куһаҕан санаалаах дьонтон тэйэ сатаа, настарыанньаҕын алдьаппат инниттэн кинилэри кытта бодоруһума.

Күрүлгэн

Дьыалабыай хаачыстыбаларыҥ бүгүн үрдүк таһымҥа тахсыахтара. Саамай уустук, бутуурдаах дьыалалары оҥорор кыахтааххын, улахан суолталаах кэпсэтиилэри ситиһиилээхтик ыытыаххын сөп. Ол эрээри, бырайыактары кичэйэн үөрэтиэххин наада. 

Балыктар

Күүрэ сылдьаҕын, туохтан эрэ саарбахтыыгын, онтуҥ таһаарыылаахтык үлэлииргэ мэһэйдиир. Улахан суолталаах дьыалалары атын бириэмэҕэ хаалларар ордук. Элбэхтэ кэпсэт, ыҥырыылары ылын,билэр киһиҥ интэриэһинэй уонна үп-харчы өттүнэн барыстаах бииргэ үлэлээһин туһунан этии оҥоруон сөп.