Сулустар кэпсииллэр: Олунньу 16-22 күннэрэ

Бараан

Бу нэдиэлэҕэ биир кэм, туох да уларыйыы тахсыбатыттан сылайа быһыытыйыаҥ, саҥа дьону, саҥа сүүрээннэри баҕарыаҥ. Онтон санааҥ түһэн хаалан, ситиһии эн диэки мичик гынарын көрбөккө, аахайбакка хаалыаҥ. Онон хас биирдии сонуҥҥа, иһитиннэриигэ болҕомтолоох буол. Нэдиэлэ бүтүүтэ олоххун уларытар туох эрэ ураты түгэн тосхойуо.

Оҕусчаан

Бу нэдиэлэҕэ аттыгар баар дьонуҥ дьыалаларыгар аһара умсугуйар куттал баар, оттон бэйэҕэр анаан мүнүүтэни да буларгар ыарахан буолуо, мантан сылтаан тыл-тылга киирсибэт балаһыанньалар үөскүөхтэрин сөп. Саҥа билиини ылыаххын, бэйэҕин сайыннарыаххын, инники күөҥҥэ барыаххын баҕарыаҥ, онуоха бириэмэҥ олох тиийиэ суоҕа. Ханнык баҕарар балаһыанньаҕа бэйэҕин хонтуруоллана сатаа, кыра аайы кыыһырыма.

Игирэлэр

Карьераҕа балачча өрө тахсыы күүтэр. Быһаарыыларгар кытаанах буол, санаатаҕыҥ аайы уларытыма, тоҕо диэтэххэ бэйэҕэ эрэлэ суох буолуу аптарытыаккын мөлтөтүөн сөп. Дохуотуҥ биллэ үрдүөҕэ, барыстаах дуогабарга этии киириэ. Тус олоххор эмиэ үчүгэй уларыйыылар буола тураллар. Үтүө сонуннары атыттары кытта үллэһин, оччоҕо саҥа доҕоттор эбиллиэхтэрэ.

Араак

Дьылҕаҥ эйиэхэ хас да тургутугу тэҥинэн биэриэ, онтон тиэрэ хайыһарыҥ уонна уһуннук толкуйдууруҥ наадата суох. Нэдиэлэ ортотугар бэйэҕин кыана тутта сырыт, атын дьон туһунан куһаҕаны санаама, бэйэҥ дьайыыларгын аһара улаханнык саҥарыма, кэпсээмэ. Бу субуотаҕа эйигин үөрүүлээх бырааһынньыкка ыҥырыахтара.

Хахай

Эйигин араас тэрээһиннэрдээх, эрчимнээх нэдиэлэ күүтэр. Иһитиннэрии хантан да кэллин, саҥа дьыалаларга бэлэмҥин. Бэнидиэнньиктэн саҕалаан, урут өр былааннаабыт бырайыактаргын олоххо киллэрэн ис. Балаһыанньа тосту уларыйыан сөп, онон билигин саҥа былааннары оҥорума. Чэппиэргэ улахан эппиэтинэһи ирдиир дьыаланан дьарыктаныма.

Кыыс Куо

Тулалыыр дьонуҥ быһыыларыгар сорох ыарырҕатар кыра түгэннэри умнан кэбистэххинэ, нэдиэлэ үчүгэйдик ааһыаҕа. Түмүктэри оҥорорго ыксаама. Сорох ардыгар сөбө суох ирдэбиллэри туруоруохтарын сөп, ону аптарытыаккын түһэрбэт туһугар толорорго күһэллиэҥ. Өрөбүллэри сылаас, дьиэ кэргэн эргимтэтигэр атаар.

Ыйааһыннар

Докумуоннары, отчуоттары оҥорууга болҕомтоҕун уурар ордук. Партнергын кытта кэпсэтэр кэмҥэр туохтан эрэ дьиксинэр түгэн тахсыан сөп. Атын дьон эйиэхэ бэйэлэрин көрүүлэрин күһэйэ сатыыр буоллахтарына, кинилэр дьайыыларыгар киирбэт буола сатаа. Бэйэҕэр үгүс бириэмэ анаан, ону үөрэ-көтө атаар. Өрөбүллэргэ чугас дьоҥҥун, доҕотторгун ыалдьыттата ыҥыр.

Ооҕуй

Бу нэдиэлэҕэ интэриэһинэй көрсүһүүлэр уонна сибээстэр күүтэллэр. Эн хайаны да көһөрөргө бэлэмҥин, оннук күүстээх курдук сананыаххын сөп, ол гынан баран сорох сорудахтар уонна тэрээһиннэр хойутаан хааланнар, барыта баҕарбытыҥ курдук түргэнник хамсаан иһиэ суоҕа. Дохуотуҥ улаатыа, саҥа бырайыактар ​​саҕаланыахтара. Доҕотторгун, дьиэ кэргэҥҥин уонна бииргэ үлэлиир дьоҥҥун кытта алтыһаргар, түмүк ыла охсорго тиэтэйимэ, хас биирдии хардыыны эрдэттэн толкуйдаан, сөптөөх түмүккэ дьулус.

Охчут

Үлэҥ үчүгэй сыанабылы көрдөрүө, идиэйэлэриҥ барыһы аҕалыахтара, түмүктэри таһаарар кэм кэлбит. Аптарытыатыҥ үрдүк, тулалыыр дьон эйигин истиэхтэрэ уонна сүбэ-ама көрдүөхтэрэ. Тохтоон хаалбакка салҕыы баран иһэриҥ үчүгэй этэ. Сорох дьон маны сыаналаабат буолуохтарын сөп,  ол гынан баран бу дьиксинэргэ төрүөт буолбатах. Чугас дьоҥҥун бэлэхтэринэн, соһуччу түгэннэринэн үөрдэ сырыт.

Чубуку

Сорох дьыаланы бүтэрэн баран, атыттары саҥаттан саҕалыаххын баҕарар кэмиҥ кэлбит — дьулуурдаахтык уонна ис сүрэххиттэн баҕаран туран. Быһаарыылаахтык уонна хорсуннук дьаһан, саамай кутталлаах дьыалаларга даҕаны күүтүллүбэтэх ситиһиини булуоххун сөп. Атын дьону бэйэҕэр тардар кыах сыалгын ситиһэргэр көмөлөһүө. Өрөбүллэргэ ыалдьыттары күүт.

Күрүлгэн

Бу нэдиэлэҕэ наадата суох хамсаныылары оҥорума, кураанах кэпсэтиигэ бириэмэни бараама. Онтон сылайыаҥ эрэ, оттон холку буолуу дьыаланы быһаарарга көмөлөһүө. Доруобуйаҕын көрүн, ол эрэн ыһыктынан кэбиһимэ. Оптуорунньукка бөлүһүөктүү санаалартан соһуйума, бу күн толкуйга уонна духуобунай үүнүүгэ көмөлөһүө. Бээтинсэҕэ биисинэскэ бииргэ үлэлиир дьоҥҥун кытта тыл-тылга киирсибэт түгэн үөскүөн сөп, ол гынан баран эн буруйгуттан буолбатах.

Балыктар

Бу нэдиэлэҕэ үлэҥ олоххор биир саамай сүрүн өрүт буолуоҕа, ол эрээри манан бүтүө суоҕа. Карьераҕа үрдээһини эрэ буолбакка, тус олоххор үчүгэй уларыйыылары эмиэ күүтүөххүн сөп. Кыайыыларгын үчүгэй түмүктэри ситиһэргэ туһанарыҥ ордук. Романтическай көрсүһүүлэр ордук бээтинсэҕэ уонна субуотаҕа табыллыахтара.