Сулустар кэпсииллэр: Олунньу 15 күнэ, баскыһыанньа

Бараан

Бүгүн былааннаргын дьоҥҥо үллэстиэ суохтааххын. Ким эрэ кириитикэлиэн эбэтэр эн үлэҥ иһин махтал ылыан сөп. Эниэргийэҥ үрдүк, онон уустук сорудаҕы толорор кыахтааххын. Былааннаммыт соруктаргын барытын толорорго күүскүн-уоххун сөптөөхтүк туһан.

Оҕусчаан

Атын дьон дьайыыларыгар эбэтэр тугу эрэ оҥорбуттарыгар эппиэтинэһи ылынар буоллаххына, ону бүгүн тохтот. Эн да кыттыыта суох салҕанан барарын ситис, түмүктэр туох да куһаҕана суох буолуохтара. Кэлэр үлэ нэдиэлэтигэр бэлэмнэн, уугун хана утуй, толору сынньан.

Игирэлэр

Үчүгэй сыһыан уонна бэйэҕэ эрэллээх буолуу элбэх улахан боппуруоһу быһаарарга уонна күнү быһа үрдүк оҥорон таһаарыыны тутуһарга көмөлөһүө. Бириэмэҕин сөпкө аттар, сынньан, дьиэ кэргэҥҥин, доҕотторгун кытта бириэмэ атаараргын умнума. Маҕаһыыннарынан сылдьыаххын сөп.

Араак

Урукку, интэриэһинэйэ суох сорудаҕы быраҕан баран, туох эрэ үөрдэр дьыаланан дьарыктан. Бүгүҥҥү күҥҥүн сэргэхтик атаар, киинэҕэ, тыйаатырга сырыт. Бу олоххор үчүгэй уларыйыылары саҕалыырга көмөлөһүө уонна ситиһиигэ тиэрдиэ.

Хахай

Ситиһиилээх күн, элбэх дьыала эн тускар салаллыа. Сибээстэргин туһан, улахан сыыһалары оҥорбот туһугар сэрэхтээх буол. Сулустар киэһэни үчүгэйдик атаараргар, үөрэ-көтө сылдьаргар сүбэлииллэр. Маҕаһыыннары кэрий, бэйэҕэр баҕалаах тэрилгин атыылас, эбэтэр спа-салонҥа сырыт.

Кыыс Куо

Быһаарыылары ылынар кэмҥэр ис куоласкын иһит уонна дьиҥнээхтик сөбүлүүр дьарыктаргын тал, кинилэр үчүгэйдик табыллыахтара. Тас көстүүгүн эбэтэр бүрүчүөскэҕин уларытыы күүһү-уоҕу биэриэҕэ, бэйэҕэр эрэллээх буоларгар уонна настарыанньаҕын көтөҕөргө көмөлөһүө. Чугас дьоҥҥун кытта бириэмэҕин атаар.

Ыйааһыннар

Соҕотох үлэлээһин оҥорон таһаарыыны үрдэтиэн сөп. Атын дьон сүбэтин истимэ, кэпсэтиигэ аралдьыйыма. Кыаллар буоллаҕына, элбэхтик сынньана сатаа, бэйэҕэр табыгастаахтык, тэтимнээхтик. Бассейҥҥа сылдьыы эбэтэр итии ванна эйиэхэ уоскуйаргар уонна өйгүн-санааҕын сааһылыыргар көмөлөһүө.

Ооҕуй

Бүгүн былааннаргын ситиһиилээхтик толорор туһугар кыра да боппуруостарга болҕомтоҕун уур. Оннук гымматаххына өссө күүскүн-уоххун ууруоххун наада, үлэҥ бүтүмүөн да сөп. Билбэт дьоҥҥун кытта элбэхтэ кэпсэт. Кинилэр интэриэһинэй санааны үөскэтиэхтэрин эбэтэр инники бырайыактаргар көмөлөһүөхтэрин сөп.

Охчут

Өрөбүл күнү тутуһан бүгүн дьиэҥ-уотуҥ боппуруостарынан дьарыктан. Кыаллар буоллаҕына, соҕотох сырыт, сибээһи уонна кэпсэтиини кыччат. Тохтобуллары ыл, болҕомтоҕун үчүгэй дьарыктарга уур, бу настарыанньаҕын көтөҕөргө көмөлөһүө.

Чубуку

Урукку алҕастары көннөрөргө, оҥорбут үлэҕин бэрэбиэркэлииргэ табыгастаах күн. Эйигин долгутар балаһыанньа бэйэтэ быһаарыллыа, онон онно тохтоон хаалыма. Сынньалаҥҥар болҕомтоҕун уур, бүгүҥҥү күҥҥүн оҕолоргун кытта атаар, ханна эрэ дьаарбайыҥ, күүлэйдээҥ.

Күрүлгэн

Төһөнөн тэрээһиннэр кииннэригэр сылдьаҕын, көрсөн, ырытан, санаа үллэстэҕин да, соччонон бу күн эйиэхэ табыгастаах буолуоҕа. Көхтөөх буолууҥ былааннаргын олоххо киллэрэргэ уонна дьыалаларгын ситиһэргэ көмөлөһүө. Ыҥырыылары ылын, саҥа билсиһиилэр туһалаах буолуохтара.

Балыктар

Кэпсэтиигэ кыттартан кыбыстыма, санааҕын аһаҕастык эт. Идэтийбит дьон эйиэхэ сыаналаах сүбэни биэриэхтэрэ эбэтэр сыыһалары оҥорортон быыһыахтара. Тус сыһыаҥҥа ыксаама, сабыытыйалары тиэтэтимэ. Киэһэҕин чугас дьоҥҥун кытары атаар, дуоһуйа сынньан.