Сулустар кэпсииллэр: Олунньу 12 күнэ, чэппиэр

Бараан

Элбэх үлэлээх уонна уустук күҥҥэ бэлэмнэн. Үгүс боппуруоһу быһаарыаҥ, улахан суолталаах дьыалаларынан дьарыктаныаҥ, чугас дьоҥҥор көмөлөһүөҥ. Төһө кыалларынан айдаантан халты сырыт, холку буол, мөккүһүмэ, кыыһырыма. Күн иккис аҥаара ордук табыллыа.

Оҕусчаан

Табыгастаах уонна таһаарыылаах күн. Ханнык баҕарар мөккүөрдээх боппуруостары түргэнник быһаарыаҥ уонна утарсааччылары бэйэҥ кырдьыккар итэҕэтиэҥ. Бу күн эйиэхэ сыалгын ситиһэргэ табыгастаах. Инники дьыалаҕын былаанныаххын сөп, сотору олору олоххо киллэрэр кыахтаныаҥ.

Игирэлэр

Балаһыанньа эн элбэхтэ мөккүөргэ кыттыһаргар уонна идиэйэлэргин көмүскүүргэ туһуланыа. Эн утары турааччылар былааннаргын алдьатыахтарын баҕараллар, онон сэрэхтээх уонна кытаанах буол. Үлэҕэр тохтобуллары ыл, күүскүн мунньун. Кыһалҕалартан куттаныма, ситиһии эн диэки.

Араак

Тыҥааһыннаах күн күүтэр. Түргэнник дьаһаныаххын, быһаарыы ылыныаххын уонна хамсаныыларгын ааҕан таһаарыаххын наада. Сулустар ыарахан да балаһыанньаҕа атаххар бигэтик тураргар сүбэлииллэр. Тус олоххор уларыйыылар тахсыахтарын сөп, саҥаны боруобалыыртан куттаныма уонна түгэни туһанан хаал.

Хахай

Остуолгар төһө да элбэх үлэ мунньуллан турдар, сулустар эйиэхэ саамай суолталаах боппуруоһу бүгүн быһаарарга уонна атынын кэлин хааллараргар сүбэлииллэр. Тулалыыр дьонуҥ аралдьыппаттарын уонна бириэмэҕин таах бараабат туһугар, дьону кытта алтыһаргын кыччата сатаа уонна соҕотоҕун үлэлээ.

Кыыс Куо

Өйгүн-санааҕын иһит, сөбүлээбэт бырайыактаргын саҕалаама. Сыыһа-халты туттуоххун, соччото суох түмүктэри көрсүөххүн сөп. Бүгүн ханна да хойутаама, бу убаастабыла суох быһыы курдук ылыныллыаҕа. Бэйэҕэр эрэлгин сүтэримэ, чугас дьоҥҥун кытта бириэмэ атааран настарыанньаҕын көтөх.

Ыйааһыннар

Сулустар күнү сымнаҕастык уонна сынньалаҥнык саҕалыырга сүбэлииллэр. Кыра-кыралаан үлэ тэтимигэр киирэн, үчүгэй уонна чэпчэки сорудахтартан саҕалаа. Күн иккис аҥаара өссө күүстээх уонна дьарыктаах буолуоҕа. Наада буоллаҕына, атын дьонтон көмө көрдөһөргө кыбыстыма.

Ооҕуй

Сарсыарда эрдэттэн үгүс дьыала үлэҕиттэн аралдьытыа, болҕомтоҕун түмэргэ ыарырҕатыаҥ. Соруктаргын барытын кэмигэр толоруоххун баҕарар буоллаххына, соҕотоҕун үлэлээ уонна бииргэ үлэлиир дьоҥҥун кытта аҕыйахтык кэпсэт. Бүгүн сүбэни истимэ, атын уопут туһата суох буолуо. Үлэҕэр өйгүн-санааҕын, сатабылгын, ураты ньыманы туттар ордук.

Охчут

Кыһалҕа саамай күүтүллүбэтэх сиргэ баар буолуон сөп, онон түргэнник дьаһанарга уонна өйгүн-санааҕын истэргэ бэлэм сырыт. Үчүгэй настарыанньаҥ ыарахан балаһыанньаҕа көмөлөһүө, онтуҥ былаан быһыытынан барбатаҕына, ньиэрбинэйдээбэт, кыыһырбат буолуу улахан суолталаах.

Чубуку

Хамаанданан үлэ таһаарыылаах буолуоҕа. Сулустар сорох эбээһинэстэргин бииргэ үлэлиир дьоҥҥор сүктэрэргэ уонна бары кыһалҕалары бэйэҥ быһаара сатаабаккар сүбэлииллэр. Киэһэҕин чугас дьоҥҥун уонна дьиэ кэргэҥҥин кытта атаар. Бүгүн ыйдааҕы былааҥҥын оҥоруоххун сөп.

Күрүлгэн

Күҥҥүн ситиһиилээхтик атаарар туһугар ис куоласкын иһит уонна быһаарыылары өйгүнэн-санааҕынан ылын. Интэриэһинэй этии киириэн сөп. Ону ылыныах иннинэ, ыарахан балаһыанньаҕа түбэспэт туһугар, кыаххын дьиҥнээхтик сыаналаа. Эппиэти биэрэргэ ыксаама.

Балыктар

Билигин кэпсэтэр дьоҥҥор сөп түбэһиэххин наада, кинилэр настарыанньаларын уонна санааларын учуоттаа. Кэпсэтиигэ болҕомтолоох буоллаххына, элбэх кыһалҕаны тумнуоҥ уонна сыалларгын түргэнник ситиһиэҥ.