Сулустар кэпсииллэр: Олунньу 10 күнэ, оптуорунньук

Бараан

Күн бастакы аҥаарын сынньалаҥнык уонна аа-дьуо атаар, үлэҕиттэн кыратык аралдьыйа таарыйа. Эбиэт кэннэ дьиэ ис-тас үлэтин толор. Ыраас салгыҥҥа хаамыталаа, дьаарбай, бу эйиэхэ үчүгэй настарыанньаны биэриэ уонна күүскүн-уоххун үрдэтиэ.

Оҕусчаан

Күҥҥүн сөбүлүүр дьарыктаргар анаа, бу сынньанаргар уонна үлэлииргэр көмөлөһүөҕэ. Сарсыарда эрдэ туран үлэҕэр бар, бүгүн барытын ситиһиэххин наада. Сөптөөх аһааһын туруккун тупсарыа, иммунитеккын бөҕөргөтүө.

Игирэлэр

Бүгүн табыгастаах уонна таһаарыылаах күн, ону көхтөөхтүк атаардаххына, ханнык да уустук дьыалаҕа улахан суолталаах түмүктэри ситиһиэҥ. Өр кэмҥэ уталыта, ууруна сылдьыбыт дьыалаҕын ситиһиэххин сөп. Чугас дьоҥҥун кытары тылга тииһимэ, бэйэҕин туттуна сатаа.

Араак

Бу күн эйиэхэ биэрэр кыахтарынан туһан. Бүгүн ​​туохха барытыгар ситиһии күүтэр. Ыарахан эбэтэр сөбө суох боппуруостары сарсыарда эрдэттэн саҕалаа, оччоҕо элбэх кыһалҕаны быһаарыаҥ. Дьиэ кэргэҥҥиттэн эбэтэр доҕотторгуттан көмө көрдөө, үлэҥ түргэнник түмүктэниэҕэ.

Хахай

Күнү таптыыр киһигэр анаа, ханна эрэ бииргэ сылдьыҥ, көрсүһүүтэ тэрий эбэтэр соһуччу түгэннэ бэлэхтээ. Атыылаһарга, атыы-эргиэн кииннэригэр эбэтэр дьаарбаҥкаларга сылдьарга табыгастаах кэм. Бэйэҕин уонна чугас киһигин кыра бэлэҕинэн күндүлээ, бу эн настарыанньаҕын көтөҕүө.

Кыыс Куо

Бүгүн үчүгэйдик үлэлиир инниттэн өйгүн-санааҕын сааһылаа. Ааспыт нэдиэлэ эйигиттэн элбэҕи ирдээбит, онон күүскүн чөлүгэр түһэриэххин наада. Тас көрүҥҥэр эбэтэр таҥаскар тугу уларытыаххын баҕараргын толкуйдаа уонна маҕаһыыннарынан сырыт.

Ыйааһыннар

Бүгүн үөрүүнү аҕалар уонна дууһаҕын өрө көтөҕөр дьыалалары оҥор. Үлэҕэр барыта табыллар, ситиһии эҥэрдэнэр. Онон ханнык баҕарар дьыаланы ылсыаххын сөп. Доҕотторгун кытта көрсүһүү эмиэ үчүгэйдик ааһыаҕа, онтон дуоһуйууну эрэ ылыаҥ.

Ооҕуй

Бүгүн үлэҕэ сыһыаннаах дьыалалартан тэйэриҥ ордук, барыта бытааннык барыа, улахан алҕастары туоратар кыах суох буолуо. Тугу эрэ ыарырҕатар түгэҥҥэр кэллиэгэлэргиттэн көмөтө көрдөө, кинилэр аккаастаныахтара суоҕа. Киэһэҕин сынньалаҥнык атаар, төлөпүөнтэн, кэпсэтиилэртэн аккаастан.

Охчут

Бүгүн үлэҕэр түмүктэри таһаарарга, саҥа сыаллары туруорарга уонна эргэ идиэйэлэртэн босхолонорго табыгастаах күн. Сыыһаны онордоххуна бэйэҕин мөҕүттүмэ. Сулустар үлэҕин өссө хайдах көдьүүстээх оҥорор туһунан толкуйдуургар сүбэлииллэр.

Чубуку

Бэйэҥ туруккун көрөргө элбэх бириэмэни атаар. Бүгүн элбэхтик хаам, дьарыктанар саалаҕа сырыт, аскын көрүн. Бу эн үлэҕин сөптөөхтүк салайаргар көмөлөһүө. Инникитин элбэх үлэ, дьыала күүтэр, онон бүгүн эн күүскүн уонна ис туруккун күүһүрдүөххүн наада.

Күрүлгэн

Бүгүҥҥү күҥҥэ элбэҕи былааннаа. Эниэргийэҥ үрдүк, онон эрдэ туран бары үлэҕин саҕалаа. Тас көрүҥҥүн, баттаххын уонна таҥаскын тупсарарга бириэмэтэ анаа. Тас көрүҥүҥ уларыйыыта туһалаах буолуоҕа уонна бэйэҕэр эрэлгин үрдэтиэҕэ.

Балыктар

Бүгүҥҥү күҥҥэ сорудахтаргын былаанныыр туһалаах. Сулустар ыарахаттары туоратарга уонна мунньуллубут кыһалҕалары быһаарарга көмөлөһүөхтэрэ. Саҥа ситиһиилэргэ угуйар, интэриэһинэй сүбэни биэрэр, эбэтэр санааларын сайа этэр дьону кытта элбэх бириэмэни атаарарга кыһалын.