Сулустар кэпсииллэр: Муус устар 6 – 12 күннэрэ

Бараан

Айдаантан-куйдаантан туора сылдьа сатаа, бу эйиэхэ баар кыахтары туһанарга көмөлөһүө. Үлэҕэр биир санаалаахтары булуоххун сөп. Сэрэдэҕэ кимниин эрэ тыл-тылга киирсибэккэ, барыттан бары кыйытта сылдьыаҥ. Ол эрээри куһаҕан санаалары тэйитэ сатаа. Тус бэйэҕэр олох араас, кэрэ өрүттэрин киллэрэр үчүгэйтэн атыны аҕалыа суоҕа.

Оҕусчаан

Нэдиэлэ холкутук ааһарга эрэннэрэр, ол гынан баран чугас эргимтэҕэр быһыы-майгы бүтүннүү эйигиттэн тутулуктаах буолуоҕа. Атын дьон кыһалҕатын, таһаҕастарын бэйэҕэр ылыныма. Саҥа билсиһиилэртэн уонна тапталтан тэйэ сатаа, тоҕо диэтэххэ барыта халбархай буолуоҕа. Тус уонна дьиэ кэргэн олоҕор бэйэҕин туттуна сырыт, тылга тииһимэ, мантан сылтаан баар балаһыанньаны өссө мөлтөтүөххүн сөп.

Игирэлэр

Баҕа санааҥ туолан эрэр. Кинилэр олоххо киирэллэригэр бэлэмҥин дуо? Бу нэдиэлэҕэ өтө көрөөччү эн санааҕын ааҕар уонна, оонньуу-күлэ, бэйэтэ талан ылан, бэрээдэктээн олоххо киллэрэр. Хаһан эрэ оҥорсубут сөбүлэһиилэртэн өр күүтүллүбүт барыс кэлиэн сөп. Эбиитин барыстаах дуогабарга этии киириэ. Нэдиэлэ бүтүүтэ буолуохтаах туох эрэ түгэннэр, ханнык баҕарар ыарахаттар туоратыллар кыахтаахтарын көрдөрүөхтэрэ.

Араак

Атыттар тугу этэллэрин болҕойон иһит, оччоҕо сотору кэминэн кыаххын кэҥэтэр улахан суолталаах санааны ылыныаҥ. Дьыалаларгын хойутатыма, барыһыҥ атын киһи илиитигэр халбарыйыан сөп. Чэппиэргэ олох суолтата суох мөккүөргэ киллэриэхтэрин сөп, бу быһыыттан сөпкө тахсаргын толкуйдаа. Өрөбүллэргэ дьиэ кэргэн дьыалаларыгар болҕомтоҕун уурар ордук.

Хахай

Бу нэдиэлэҕэ, бэйэҥ дьарыккын була сатаа уонна салгыы тугу гынарыҥ биллиэр диэри онно сырыт. Билигин дьонтон ураты буола сатаама, кэлэктиипкэр чорбойума. Үлэҕэр улахан ситиһии күүтүллүбэт, барыта хааһахха хаайыллыбыт курдук, онон кэтэбилгэ сылдьыаҥ. Эйигиттэн үтүө санаа уонна эйэҕэс буолууну күүтэллэр. Өрөбүллэргэ дьиэ кэргэҥҥин минньигэстик астаан аһат, дуоһуйа сынньан.

Кыыс Куо

Сэрэхтээх буол, тоҕо диэтэххэ конкуреннар уонна утары турааччылар атахтыы сатыахтарын сөп. Быһаарыыны ылыныах иннинэ, кэлин кэмсиммэт туһугар, үчүгэйдик толкуйдаа. Эбии ноҕуруускаттан эбэтэр эппиэтинэһи кыайан туораппат буоллаххына, баар балаһыанньаны ылын. Туохха да бэринимэ, чугас дьонуҥ эйиэхэ үтүө сыһыаннара, сүбэлэрэ кэмигэр кэлиэ, ол кэннэ барыта ситиһиилээхтик түмүктэниэ.

Ыйааһыннар

Нэдиэлэ бастакы аҥаарыгар сылайбыккын, туохтан эрэ хомойбуккун билиниэҥ,  ол да буоллар үлэҕэр болҕомтоҕун ууруоххун наада. Оччоҕо бытааннык, ол эрээри эрэллээхтик сыалгар-соруккар тиийиэҥ. Өрөбүл күннэр айаҥҥа, доҕотторгун уонна тапталлааххын кытта көрсөргө табыгастаахтар.

Ооҕуй

Бу нэдиэлэҕэ улахан ситиһиигэ тиэрдиэн сөптөөх бырайыактары саҕалыыр кыахтаныаҥ. Бу айар дьоҕур, саҥа үлэ эбэтэр ситиһиилээх дьону кытта сибээстэһии нөҥүө тахсыан сөп. Үлэҕэр, идэҕэр улахан ирдэбиллээх буолуоҥ, тус олоххор эмиэ барыта сатаныа, табыллыа.

Охчут

Нэдиэлэ саҕаланыыта сөптөөх дьону кытта сыһыаны олохтуурга көдьүүстээх. Үлэни уларытарга, саҥа дьону кытта билсиһэргэ табыгастаах кэм. Оптуорунньукка ыраах айаҥҥа турунуоххун сөп, ол ситиһии кыннаттаныа. Нэдиэлэ иккис аҥаарыгар өй-санаа дьыалалара ураты ситиһиини аҕалыахтара.

Чубуку

Дьулуурдаах уонна быһаарыылаах дьайыыга дьикти нэдиэлэ. Тугу гыныаххын, хайдах туттунуохха сөбүн туһунан улаханнык толкуйдуур наадата суох. Бэйэҕэр эрэллээххин, саарбахтааһын эйигин мэһэйдээбэт. Чэпиэргэ бастыҥ хаачыстыбаларгын көрдөрөр үчүгэй түгэн буолуоҕа. Субуотаҕа интэриэһинэй көрсүһүүлэр тахсыахтарын сөп, ол гынан баран бу бириэмэни соҕотох атаарбат ордук.

Күрүлгэн

Ханна да ыксаама уонна сүрэҕэлдьээмэ, ситиһииҥ аттыгар сылдьар. Бастыҥ хаачыстыбаларгын таһаарыаххын уонна саарбахтааһыннаргын быстах кэмҥэ туоратыаххын эрэ наада. Үлэҕэ уларыйыылар күүтэллэр, солоҥ үрдүөн сөп. Ол гынан баран билигин үлэҕин уларытыма, саҥа бырайыактары саҕалаама, ол оннугар билиҥҥи дьыалаҕын бэрээдэктииргэ күүскүн-уоххун уурар ордук.

Балыктар

Үчүгэйи сыаналыы сатаа уонна киириигэ-тахсыыга болҕомтоҕун уурума, аралдьыйыма. Бары быһаарыыны ыраас өйдөөх-санаалаах, атыҥҥа мэһэйдэппэккэ ылыныахха наада. Чугас киһиҥ билигин эйиэхэ сүрүн оруолу оонньуур, кини солбуллубат доҕор, сүбэһитиҥ уонна эрэнэр киһиҥ буолуоҕа. Оттон сөбүлээбэт, эйигин атахтыыр дьонтон туохтан да кэмсиммэккэ арахсыаххын наада.