Сулустар кэпсииллэр: Муус устар 27 – ыам ыйын 3 күннэрэ

Бараан

Нэдиэлэ устата үлэҕэр эбэтэр доҕотторуҥ хампаанньатыгар дипломат эбээһинэһин толоруоххун сөп. Хайыаххыный, сөптөөх быһаарыыны буларга эйиэхэ тэҥнээх суох. Нэдиэлэ иккис аҥаарыгар албынныы сатыахтара. Сэрэхтээх буол, күрүчүөкккэ түбэспэт буоларга кыһалын. Бэйэҕин туттуна сырыт, дьону сэнээмэ, аптарытыатыҥ улаханнык эмсэҕэлиэн сөп.

Оҕусчаан

Бу нэдиэлэҕэ интэриэһинэй дьон олус элбэх туһалаах иһитиннэриини аҕалыахтара. Олох кыһалҕаларын быһаарыыга ураты сыһыаныҥ ситиһии көтөллөнүө. Үлэҕэр бэйэҥ дьайыыларыҥ төһө сөптөөхтөрүн иккистээн бэрэбиэркэлии сатаа. Дьон ымсыырар гына тулуурдаах буол, атыннык эттэххэ, дьыалабыай партнердарыҥ эн иэйиигин туһанан, иирсээннээх быһыыны-майгыны үөскэтиэхтэрин сөп. Өрөбүллэргэ быстах көрсүһүүлэр саҥа саҕахтары арыйыахтара.

Игирэлэр

Холку буоллаххына, сыалгын-соруккун сөпкө туруордаххына, баҕарбыт ситиһиигин ылыаҥ. Сулустар эн диэкилэр. Тапталга, айар үлэҕэ хайаан да табыллыаҥ, наадалаах хантараакка илии баттатыахтара. Эн иннигэр саҥа кыахтар арыллыахтара, барыстаах этии киириэҕэ.

Араак

Бу нэдиэлэҕэ улахан суолталаах кэпсэтиилэри былаанныырыҥ ордук, күннээҕини, буола турары умнан кэбис. Кыах баар буоллаҕына, сынньанарга элбэх бириэмэни анаа. Үлэҕэр түмсүүлээх, бэрээдэктээх буол, ону тэҥэ дуогабардарга, кэпсэтиилэргэ туох баар дьоҕургун көрдөр.

Хахай

Чугастааҕы, кэскиллээх былааннары толкуйдуоххун наада, биир кэмнээх, олоххо киирбэт, суолтата суох толкуйдары тэйитэриҥ ордук. Тус олоххор аһара көхтөөхтүк сылдьыаххын баҕарыаҥ эрээри, сулустар бытаарарга сүбэлииллэр. Бүгүн оҥоһуллары сарсыҥҥыга хаалларыма, бу нэдиэлэҕэ ситэрбэтэх дьыалаларыҥ эйигин кытта уһуннук сылдьыахтарын сөп.

Кыыс Куо

Бу нэдиэлэҕэ күүскүн харыстаа, тулалыыр дьон кыһалҕаларын бэйэлэрэ быһааралларыгар кыахта биэр. Дьыалабыай партнердар былааннарын эйиэхэ табыгастаах өттүгэр уларытыахтара, ол эрээри бу эйиэхэ эбии түбүктэри аҕалыа. Тохтоон турбут бырайыактар эмискэ үлэлээн барыахтара. Өрөбүллэргэ кимниин да иирсимэ, иэйиилэргин хонтуруолга тута сырыт.

Ыйааһыннар

Бу нэдиэлэҕэ тус олоххор мунньуллубут кыһалҕалары көхтөөхтүк быһаарыынан дьарыктаныаҥ. Ол да буоллар тула өттүгүн көрөргүн умнума, дьыалаҕа барытыгар айымньылаахтык ылыс. Тулаҕар буолар улахан суолталаах сабыытыйалары көтүппэккэ кыһалын. Эйигин интэриэһинэй билсиһии күүтэр. Балаһыанньа хаһаайынынан сананыаҥ эрээри, эниэргийэҕин харыстаа, күүскүн сөптөөхтүк ороскуоттаа диэн сулустар сүбэлииллэр.

Ооҕуй

Нэдиэлэ араас сабыытыйаларынан, көрсүһүүлэринэн уонна барыстаах этиилэринэн толору буолуоҕа. Муҥутуур түмсүүлээх, болҕомтолоох буоларга кыһалын. Карьера үүнүүтүгэр, суолталаах кэпсэтиилэргэ уонна саҥа хантараактарга табыгастаах кэм. Дьылҕа эйиэхэ табыллыыны ыытыаҕа, дьоллоох кыаҕы мүччү тутума.

Охчут

Ис санааҕын иһит, оччоҕо кыһалҕаларгар эрэ буолбакка, тулалыыр дьоҥҥо эмиэ көмөлөһүөҥ. Инникигэр сыһыаннаах суолталаах быһаарыылары бэйэҥ ылын. Көннөрү хамнаскыттан эбии, атын дохуот киириитэ эмиэ баар буолуохтарын сөп. Тус олоххуттан астынаҕын, дуоһуйаҕын.

Чубуку

Нэдиэлэ идэлээх таһымы үрдэтиигэ уонна айар кыаҕы арыйыыга туһуланыаҕа. Эйигиттэн дьаныардаах, үлэһит буолуу наада, оччотугар иннигэр саҥа саҕахтар арыллыахтара. Бээтинсэҕэ былааннаргын уларытар быһыылар үөскүөхтэрин сөп. Өрөбүлгэ аймахтарыҥ баалларын санатыахтара, соһуччу ыалдьыт буолан кэлиэхтэрин сөп.

Күрүлгэн

Бу нэдиэлэҕэ карьера кирилиэһигэр кыайыылаах ыттан тахсыыҥ үс төгүл күүстэнэн салҕанан барыаҕа, өссө соторутааҕыта эрэ маннык сүҥкэн үлэни, маннык боломуочуйалары толкуйдуур да кыаҕыҥ суох этэ. Ол гынан баран маннык балаһыанньаҕа сылайан ыһыктынан кэбиспэт туһугар сынньанар, чугас дьоҥҥун кытта алтыһар бириэмэни буларга кыһалын.

Балыктар

Бу нэдиэлэҕэ бодоруһар, билсэр эргимтэҥ сорҕото уларыйыан сөп. Инники былааҥҥа көрсүһүүлэр, иэйиилэр, тус олох баар буолуохтара. Холку майгыҥ, бэйэҕин сөптөөхтүк туттуна сылдьыыҥ ситиһиигэ кыах биэриэхтэрэ. Нэдиэлэ иккис аҥаарыгар эйигин улахан барыс күүтэр.