Сулустар кэпсииллэр: Муус устар 20 – 26 күннэрэ

Бараан

Наһаа киэбирэ сылдьыма, дьону сэнээмэ, аптарытыатыҥ намтыан сөп. Киирэр иһитиннэриилэри бэрэбиэркэлиэххин уонна түмүктэри ыксаабакка оҥоруоххун наада. Билигин дьиҥнээх олохтон тэйэн, иллюзия эйгэтигэр төннөр кэм буолбатах. Уйаҥҥын дьоҥҥо көрдөрүмэ. Өрөбүл күннэргэ оҕолоруҥ көрүүгэ-истиигэ уонна ураты болҕомтоҕо наадыйыахтара.

Оҕусчаан

Киирэр көмө этиилэртэн аккаастаныма, тоҕо диэтэххэ сорудаҕы соҕотоҕун толорор кыаҕыҥ кыра. Нэдиэлэ саҕаланыытыгар улахан сонуннар дьиэҕэр күүтүөхтэрин сөп. Бэйэҕэр элбэх бириэмэни булан, бииргэ үлэлиир дьоҥҥун, доҕотторгун, ордук дьиэ кэргэҥҥин кытта сибээһи кыччатарга кыһалын. Ис эйгэни булуу эйиэхэ билигин улахан суолталаах.

Игирэлэр

Инникигин толкуйдаа, былааннарыҥ олоххо киирэн эрэллэр, ыраламмыт баҕа санааҥ туоларга бэлэм. Үлэлииргэ эрэ буолбакка, айар эйгэҕэр уонна тус олоххор эмиэ бириэмэ баар буолуоҕа. Элбэхтик алтыс, күүлэйдээ, доҕотторгун кытта көрүс. Ноҕуруускаттан босхолонуоххун наада.

Араак

Бу нэдиэлэ үгүс өттүнэн уустук, ол да буоллар барытын сөпкө оҥороҕун, күүскүн уураҕын — онтуҥ мээнэҕэ буолуо суоҕа. Сабыдыаллаах дьонтон көмө уонна барыстаах этиилэр киириэхтэрэ. Туох эрэ эбэтэр ким эрэ тулалыыр эйгэҕин атыннык көрөргө угуйар курдук. Бу эн тус үүнүүгэр уонна өйгүн-санааҕын тупсараргар улаханнык көмөлөһүөн сөп.

Хахай

Чугас дьонуҥ мөлтөх өрүттэрин хайаан да бырастыы гыныахтааххын, киһи барыта сыалын ситиһэр дьаныара уонна дьулуура суох. Сэрэдэҕэ диэри дьиэ иһинээҕи эбээһинэстэртэн ураты барытынан дьарыктаныаҥ, улахан суолталаах дьыалалартан даҕаны тэйэн хаалыаҥ. Билигин улахан былааннары оҥорор кэм буолбатах, тоҕо диэтэххэ дьиҥнээх балаһыанньа мэһэй буолуон сөп. Бээтинсэҕэ үлэ туох да туһата суох сыһыантан, быһаарыылартан аралдьытыаҕа. Өрөбүллэр – тыйаатырга эбэтэр быыстапкаларга сылдьарга табыгастаах кэм.

Кыыс Куо

Дьыалабыай партнердары кытта сибээс уонна холбоһуктаах бырайыактар ​​бириэмэҥ үгүс өттүн ылыахтарын сөп. Төлөпүөннэр, олус элбэх иһитиннэриилэр, кэпсэтиилэр — бу барыта чуолкай уонна биир кэлим дьаһал былаанын ирдиэҕэ, атын түгэҥҥэ күүскүн суоттанымыаххын сөп, ноҕурууска туох да үчүгэйгэ тиэрдиэ суоҕа. Тус олоххор барыта этэҥҥэ барар, ол эйигин кынаттыыр эрэ.

Ыйааһыннар

Уопсайынан, нэдиэлэ дьыалаҕын сөптөөхтүк ыытарга, үлэҕэр инники күөҥҥэ бараргар уонна туруккун бөҕөргөтөргө көмөлөһүө. Элбэх айаны уонна көрсүһүүнү былаанныыртан туттун, сынньалаҥ, тохтобул ылар ордук. Билигин иэһи төлүүр, партнердары кытта сыһыаны көннөрөр уонна бэйэҕин ырытар кэм кэллэ. Барытыгар тулуурдаах уонна сымнаҕас буол. Атын дьоҥҥо сыһыаҥҥа кыыһырбыккын туттуна сатаа.

Ооҕуй

Бу нэдиэлэҕэ соһуччу түгэннэр уонна ситиһиилээх бырайыактары түмүктээһин күүтэллэр, ону тэҥэ дьыалаҕар үчүгэй уларыйыылар кэлиэхтэрэ. Нэдиэлэ ортотугар толкуйдуурга уонна бөлүһүөктүүргэ бириэмэ булуоҥ. Дьиэ иһинээҕи дьыалаҕа көҕүлээччи оруолун ыл. Сынньанар дьиэни булуу эбэтэр өрөмүөҥҥэ исписэлиистэри наймылаһар курдук уустук соруктары толоруу табыллыа.

Охчут

Нэдиэлэ эйиэхэ идэҕэр суолталаах дьону кытта көрсүһүүлэринэн баай буолуон сөп. Бары үчүгэй буолуохтара суоҕа, ол гынан баран ханнык баҕарар балаһыанньаҕа сөптөөхтүк тутта сатаа. Бэйэҥ тускунан элбэҕи кэпсээбэт ордук буолуо этэ. Хас биирдии тылы, дьайыыны болҕомтолоохтук ырытан көр. Бу өрөбүллэргэ дьиэ кэргэҥҥин кытта элбэх бириэмэни атаар, барыларыгар болҕомтоҕун уур.

Чубуку

Бу нэдиэлэ буола турар быһыыны-майгыны быһаарарга аһара уустук уонна утарыта турар буолуон сөп. Ол эрэн сотору барыта чуолкайданыа, онон тохтобул ыларыҥ ордук. Баҕалаах түмүккүн ситиһэргэ мэһэйдэри туоруоххун наада. Оптуорунньукка ис санааҕар эрэн, ол эйигин түһэн биэриэ суоҕа. Нэдиэлэ иккис аҥаарыгар доҕотторуҥ уонна бииргэ үлэлиир дьонуҥ дьыаланы тупсарарга көмөлөһүөхтэрэ, бииргэ үлэлээһин көмөтүнэн баҕалаах сөбүлэһиигэ тиийиэххит.

Күрүлгэн

Бу нэдиэлэ олоххор саҥа сыаллары аҕалыаҕа. Күндү бириэмэҕин суолтата суохха бараабат буола сатаа. Үлэҕин холкутук уонна сатабыллаахтык толордоххуна, былааннаабытыҥ барыта туолуон сөп. Дьиэҕэ табыгастаах эйгэни тэрийэ сатаа, ханнык да өрөмүөнү саҕалаама, чугас дьоҥҥун кытта мөккүһэртэн туттун. Өрөбүллэри дьиэ кэргэҥҥин кытта атаар.

Балыктар

Араас санаалар үрүйэ уутунуу кутуллан кэлиэхтэрин сөп. Уларыйыыттан куттаныма, тус олоххор туох эрэ суолталаах быһаарыныы ылынар кэм кэлбит. Нэдиэлэ иккис аҥаарыгар карьераҥ үрдээһинигэр суол арыллыан сөп. Субуотаҕа пааркаҕа эбэтэр тыаҕа тахсан, сааскы салгынынан тыын, айылҕаны кытта сибээстэһиэххин наада.