Сулустар кэпсииллэр: Муус устар 13 – 19 күннэрэ

Бараан

Нэдиэлэ саҕаланыытыгар үктэл оҥосто сылдьыбыт буоллаххына, иккис аҥаарыгар хайыы үйэ онтон ыстаныахтааххын. Тыыҥҥын ыла түс – инниҥ хоту соһуччу ойорго бэлэмнэн. Ол гынан баран дьыалаҕа төһө да улахан табыллыы баарын иһин, сүрүн кыһалҕалар быһаарыллыбакка хаалыахтарын сөп уонна, кыралаан да буоллар, кэлин бэйэлэрин санатыахтара. Бэйэҥ дьайыыгын кистэлэҥҥэ тутан олор, бу ордук тус олоххор сыһыаннаах.

Оҕусчаан

Сыалгын-соруккун тутуһаҕын, быһаарыылааххын. Бэйэҕэр эрэнии эйиэхэ күүһү-уоҕу эбэр. Өй-санаа тэҥнэһиитэ быһыыны-майгыны сөпкө сыаналыыргар кыах биэрэр. Кэллиэгэлэриҥ, доҕотторуҥ идиэйэлэрин иһит, кинилэр интэриэһинэй санаалара толкуйга тиэрдиэҕэ. Үөрэххэ, бэйэҕэр эбэтэр оҕолоргор харчы угар туһунан толкуйдаа. Дуоһуйа сынньанар, өрө көтөҕүллэр туһугар бэйэҕэр сөптөөх бириэмэтэ уур.

Игирэлэр

Бу нэдиэлэҕэ билигин толорор оруолгунан астынаргын чуолкайдык быһаарарга холон. Суох буоллаҕына, бэрт чэпчэкитик аккаастаныаххын сөп. Тулаҕын эргиччи көрүн уонна олоххун баарынан, туох да киэргэтиитэ суох өҥөс гын; тоҕо диэтэххэ улахан уларыйыылар түгэннэрэ кэлбит. Дьиҥнээх дьолу булар кыахтааххын.

Араак

Ситиһиигиттэн толору дуоһуйа да иликкинэ, өссө саҥа чыпчааллары баһылыырга ыҥырыахтара. Бу нэдиэлэҕэ үлэттэн сынньанарыҥ саарбах; төттөрүтүн, кини бары өттүнэн улахан көҕүлээһини эрэннэрэр. Ол оннугар балачча барыһы ылыаххын сөп. Өрөбүллэргэ доҕотторгун кытта пикниктэ тэрий, астына сынньан.

Хахай

Нэдиэлэ араас сабыытыйаларынан толору курдук, оттон түмүктэр эн булугас өйгүттэн уонна эмискэ уларыйыыларга тута эппиэттиир дьоҕургуттан тутулуктаах буолуохтара. Быһаарыылары оҥорорго тиэтэйбэтиҥ ордук, сүрүн хаачыстыбаҕынан барытыгар бэрээдэк, сөптөөх толкуй наада. Оптуорунньук үлэҕин уларытарга табыгастаах. Бээтинсэҕэ айаннаабат ордук. Өрөбүллэргэ иллэҥ кэмҥин дьиэҕэ-уокка, доруобуйаҕар туһалаахтык атаарар ордук.

Кыыс Куо

Өскөтүн карьераҕын ис сүрэххиттэн интэриэһиргиир буоллаххына, чопчу бу нэдиэлэҕэ салайааччыгар киирэ сырыт. Оптуорунньукка эн холку, эйэлээх майгыҥ үлэҕэ үөскүүр сытыы түгэннэри барытын сымнатыаҕа. Чэппиэргэ атын дьон кыһалҕатын быһаара сатаама, оннооҕор сүбэттэн туттунар ордук. Өрөбүлү чугас дьоҥҥор анаа, кинилэр эн өйөбүлгэр наадыйаллар.

Ыйааһыннар

Тыҥааһын сыыйа-баайа симэлийэр, чэпчиир, ол эрээри бу сынньанар кэм кэллэ диэн буолбатах. Айаҥҥа, көрсүһүүгэ, романтикаҕа бэртээхэй кэм. Дьаныардаах, ирдэбиллээх буоларга кыһалын, бэйэҥ санааҕын туруулас, ол эрээри иирсээннээх быһыыны-майгыны саҕалаама. Тыалы буурҕаҕа кубулутума, онтуҥ бэйэҕин эмиэ ыйыстан кэбиһиэн сөп.

Ооҕуй

Бу нэдиэлэҕэ үлэҕэр ситиһии, улахан барыс күүтэр. Салалта өттүттэн бары саҕалааһыннаргар соһуччу биһирэбили ылыаххын сөп. Түмсүүлээх, бэрээдэктээх буоларга кыһалын, кыраттан да үөрэ-көтө сырыт. Оччотугар тулалыыр дьон эн айар талааҥҥын, ураты идиэйэлэргин сөптөөхтүк сыаналыахтара.

Охчут

Бу нэдиэлэҕэ, дьэ, конструктивнай, хомуллуулаах буолуоххун наада. Кылаабынайа – сөптөөх стратегияны тал, буолар түгэннэргэ холкутук хардар. Эрэннэрбиккин барытын болдьоҕор толорор буоллаххына, ситиһии хайаан да кэлиэҕэ. Эниэргийэҥ, күүс-уох эбиллиэ.

Чубуку

Нэдиэлэ саҕаланыыта айаҥҥа, командировкаҕа олус табыгастаах. Үлэҕэр болҕомтолоох, дьулуурдаах буолуу наада. Итэҕэй, ол гынан баран бэрэбиэркэлээ – бу нэдиэлэ биир девиһэ, атыннык эттэххэ, түөкүттэр сиэртибэлэрин испииһэгин хаҥатыаххын сөп. Элбэх харчыны өлөрүөм диэн быстахха киирэн биэримэ. Сэрэдэҕэ ураты дьону кытта билсиэххин сөп. Дьиэ кэргэҥҥэ барыта куһаҕана суох, ол эрээри дьиэҕэ-уокка сылдьа, сынньана сатаа.

Күрүлгэн

Олоххун үөһэттэн, үрдүктэн көр уонна таптал, аһыныгас буолуу бириинсибинэн үлэлээ. Доҕотторуҥ, кэллиэгэлэриҥ эбии түбүктэри, кыһалҕаны аҕалыахтарын сөп. Саҥа иһитиннэриини муҥутуурдук туһан, быһыыны-майгыны сибиэһэй хараххынан көр. Дьиэҕин тупсар, бэрээдэктэ тэрий, интерьергин уларыт.

Балыктар

Тапталга бэртээхэй кэм. Эн аттыгар наадыйар киһиҥ баар. Кини уопсастыбатыгар бэйэҕин табыгастаахтык сананыаҥ. Дэлэгэйгин көрдөр, төһөнөн биэрэҕин да, соччонон элбэҕи ылыаҥ. Эн ис санааҥ сөптөөх быһаарыылары этиэҕэ, оннооҕор үөрүйэҕэ суох быһыыга-майгыга тугу гыныахтааххын барытын эндэппэккэ таайыаҥ.