Сулустар кэпсииллэр: Кулун тутар 9 – 16 күннэрэ

Бараан

Бу нэдиэлэ туох эрэ эриирдээх-мускуурдаах, угаайылаах буолуон сөп. Онон сэрэхтээх буол, киирэн биэримэ. Чэппиэргэ партнергын кытта ыарахан кэпсэтиилэртэн куотума, бу сыһыаҥҥытыгар чуолкайы уонна барытын оннугар түһэрэр кыаҕы үрдэтиэҕэ. Туох да эбии эбэһээтэлистибэни ылыныма. Нэдиэлэ устата дьулуургун намтатан, балаһыанньаны баарынан ылынарыҥ ордук.

Оҕусчаан

Бу күннэргэ дьикти уонна араас тэрээһиннэр түгэннэригэр куустарыаҥ. Биир эрэ кыһалҕа эйиэхэ мэһэй-таһай буолуоҕа: хайдах барытын оҥорон, ситэрэн, кэмигэр кэлиэххэ сөбүй? Ол гынан баран, ону тулуйарга күүһүҥ-кыаҕыҥ тиийиэ. Дипломатическай дьоҕургун элбэхтик тутта сатаа. Бу үлэҕэр сөбө суох элбэх айдаантан куоттарыан сөп.

Игирэлэр

Бу нэдиэлэ былааннаргын, бэл, ыра санааларгын олоххо киллэрэргэ табыгастаах түгэни биэриэн сөп. Сынньанарга, аралдьыйарга бэрт кэм. Эйигин дьикти уонна умнуллубат түгэннэр күүтэллэр, ол иһигэр чугас киһигин кытта өр күүппүт айан. Холку уонна биир кэм буола сатаа, туох эрэ табыллыбатаҕына, санааҕын түһэримэ, бу кылгас түгэн эрэ буоларын умнума.

Араак

Өскөтүн сорук кыайан быһаарыллыбат курдук буоллаҕына, сыалгын ситиһэр суолу кыра хардыыларга араардаххына, барыта табыллыа. Бэнидиэнньиккэ, соһуччу дьыалалары оҥоруоххун сөп. Сэрэдэҕэ кэрэни кытта көрсүһүү айар дьоҕургун үксэтиэҕэ уонна саҥа кыахтары арыйыаҕа. Бээтинсэҕэ өр билсибэтэх киһигиттэн сонун кэлиэн сөп. Баҕар, сибээскит төннүөҕэ.

Хахай

Көҕүлээччи уонна көхтөөх буолууҥ табыгаһа суох кэмҥэ кэлиэн сөп, ордук нэдиэлэ саҕаланыытыгар. Туох да улахан былааны оҥостубатыҥ ордук. Үлэҕэр эбии ноҕурууска боппуруоһа үөскүүр түгэнигэр, аккаастаммат ордук, ол эрээри сөбүлэһиэх иннинэ кыаххын дьиҥнээхтик сыаналыыр эмиэ үчүгэй. Субуотаҕа доҕотторгун кытта кафеҕа көрүс эбэтэр туох эрэ сынньалаҥна тэрий.

Кыыс Куо

Былааннарыҥ уонна баҕа санааларыҥ дьаныардаахтык уонна саарбахтаабакка күүс булуннаххына, туолуохтара. Бу нэдиэлэҕэ сыыһаҕын билинэн, көннөрөр ордук. Биисинэс-партнердары кытта сыһыаҥҥар болҕомтоҕун уур, баҕар, сорох дуогабардары толорумуохтарын сөп. Субуотаҕа дьиэ кэргэҥҥэр уонна дьиэҕэр элбэх бириэмэҕин уонна болҕомтоҕун уур.

Ыйааһыннар

Бу нэдиэлэҕэ өйгүн-санааҕын сааһылыаххын уонна сырдык санааны тутуһуоххун наада. Доҕотторуҥ өйөбүллэрэ саҥа дуоһунаска киирэргэр көмөлөһүө. Бээтинсэҕэ командировкаҕа барыаххын сөп. Бу күн оҥоһуллубут былааннар бириэмэҕин уонна күүскүн-уоххун ылыахтара. Субуотаҕа чугас дьоҥҥун кытта аһаҕастык кэпсэтии өр кэмҥэ эрэйдээбит тус боппуруоскун быһаарыа.

Ооҕуй

Бу нэдиэлэҕэ бэйэҕин көрдөрүөххүн наада, бэлиэтии көрөллөрүн уонна өйүүллэрин курдук. Хампаанньа “сулуһа” буолуоҥ. Кэпсэтэр дьоҕургун барытын сайыннар, эйиэхэ иһитиннэрии наада буолуо, ону ылар үчүгэй ньыма – бииргэ үлэлиир дьоҥҥун кытта аһаҕастык кэпсэтии. Үлэҕэр аптарытыатыҥ улаатыа, хамнас да үрдүөҕэ.

Охчут

Санааҕын этэртэн куттаныма, тулалыыр дьонуҥ интэриэһиргиэхтэрэ. Бу нэдиэлэҕэ барытыгар кэриэтэ бэйэҥ күүскэр эрэ тирэҕириэххин наада. Сымнаҕас, ол эрээри дьаныардаах буоллаххына, саҥа көрүүлэр, саҕахтар арыллыахтарын сөп. Бу субуотаҕа чугас дьоҥҥор үтүө санаалаах, амарах буола сатаа.

Чубуку

Аан дойду барыта эйигин утары турар курдук сананаҕын. Ону барытын бэйэҕиттэн тэйит. Эн үтүө санааҥ ханнык баҕарар ааннары арыйар кыахтаах. Өр кэмҥэ турбут боппуруостары быһаарыыга улахан ситиһии тахсыан сөп. Ол эрээри эбээһинэстэргин дьиэ кэргэҥҥэр уонна доҕотторгор сүктэримэ. Кытаанах, дьиппиэн буолума, ол үлэлиэ суоҕа, ол оннугар үтүө санааны, сымнаҕас тыллары туттар ордук.

Күрүлгэн

Бу нэдиэлэҕэ интэриэһинэй, бэл, кистэлэҥ түгэннэр күүтэллэр. Үчүгэй кыахтары толору туһанарга тыал хайа диэки хайысхаҕа уларыйарын бил. Кинилэр сотору баалларын биллэриэхтэрэ. Кырдьыктаах буол, оччоҕо ханнык да сурах-садьык эйиэхэ куһаҕаны оҥорор кыаҕа суох. Нэдиэлэ ортотугар дьыалабыай сыһыаннаһыыларга сөптөөх сөбүлэһии күүтүллүбэтэх барыһы аҕалыан сөп.

Балыктар

Ким дьиктилэр буолбаттар диэбитэй? Кинилэри бэйэҥ олоххор киллэр. Тапталга итэҕэй — кини икки өттүттэн уонна күүстээх. Оччотугар олох үөрүүтүн билиэҥ. Эниэргийэҥ толору, бэйэҕэр эрэллээххин, онон ханнык баҕарар сорудаҕы, саамай ыараханын даҕаны, толорор кыахтаныаҥ. Субуотаны чугас киһигин кытта атаар.