Сулустар кэпсииллэр: Кулун тутар 30 – муус устар 5 күннэрэ

Бараан

Идиэйэлэргин, былааннаргын кистэлэҥҥэ тут, түргэнник олоххо киирэллэрин туһугар. Үлэни кытта сынньалаҥы тэҥнээн биэрэр ордук. Аһара күүрээннээхтик үлэлиир, олорор наадата суох дии? Бэйэҕин иһит, саарбахтыыр быһыыгыттан куотуна сатаа. Тулалыыр дьоҥҥо үрдүк хаачыстыбаҕын, дьоһуҥҥун уонна биир тэҥ настарыанньаҕын көрдөрөр тоҕоостоох.

Оҕусчаан

Нэдиэлэ бастакы аҥаарыгар улахан боппуруостары быһаарыыны былаанныы сатаама, хомулла охсоруҥ ыарахан буолуо. Аһара өсөһүү, баһылыырга дьулуһуу үлэҕэ да, дьиэ кэргэҥҥэ да иирсээннэргэ эрэ тириэрдэрин умнумуохха наада. Бэйэҥ кыаххар эрэллээх буоларгар тиэтэйэр, ыксыыр наадата суох, болҕомтоҕун эрэ уур, оччоҕо барыта табыллыа.

Игирэлэр

Күүс-уох эбиллибитин билиэҥ, чугас киһигэр наадалаах, суолталаах курдук сананыаҥ. Сыһыаныҥ дьүөрэлэһэр, таптал, имэҥ толору. Бииргэ элбэх бириэмэни атаараҕыт. Үчүгэй түгэннэртэн дуоһуйуҥ. Быһаарыылаах дьайыыларга киириэҥ иннинэ биир санаалаах дьонуҥ өйөбүлүн ылыаҥ. Этииҥ итэҕэтиилээх, дакаастабыллаах буоллаҕына, балаһыанньаны чаҕылхайдык кыайыаххын сөп.

Араак

Бу нэдиэлэҕэ мунньуллубут кыһалҕалары ис дьиҥнэрин быһаарсар кэм, хойутатар наадата суох. Бэнидиэнньиккэ инники кэскилгин толкуйдаан, быһаарынан баран, дьэ холкутук үлэҕэр түһүнэриҥ сөп. Балаһыанньа дьиҥнээх хаһаайына буолар кыахтааххын. Чэппиэргэ айар санааҥ көҕүлээн, доҕотторгун, кэллиэгэлэргин сибиэһэй идиэйэлэринэн сөхтөрөр кыахтааххын. Өрөбүллэргэ төбөҥ үрдүнэн көтө сылдьыбыт былыттар бары ыһыллыахтара, бириэмэҕин дьиэ кэргэҥҥин кытта бэркэ атаарыаҥ.

Хахай

Күүскүн туруоруммут сыалгын ситиһиигэ түмүөххүн наада. Ыарахаттартан, мэһэйдэртэн куттаныма, быһаарыылаахтык хамсан, оччоҕуна барытын чэпчэкитик туоруоҥ. Партнердары кытта чопчута суох сыһыан эйигин тиһэҕэр диэри долгутуон сөп, тугу саҥараргын кэтээн көрөр наада. Өрөбүллэргэ сынньана сатаа уонна ороскуоттаммыт күүскүн чөлүгэр түһэрин. Ыраах айанныыр кэскил баар. Чугас дьоҥҥор тулуурдаах буоларга кыһалын, дохсун иэйиигин тохтот.

Кыыс Куо

Нэдиэлэ саҕаланыытыгар сөптөөх суоттааһын, түргэн быһаарыы уонна кэлэктииби түмэр сатабыл наада. Ол эрээри суорҕаны бэйэҕэр тардар, лиидэр оруолун ойуулуур наадата суох. Бэйэҕин туттуна сырыт, сэрэхтээх буол, истиэнэни сүүскүнэн тоҕо анньарга холонума. Күүскүн саамай улахан сыалга туттар ордук, кыра-кыралаан ороскуоттаабакка. Саҥа роман саҕаланар кыаҕа баар.

Ыйааһыннар

Үөрэх эйгэтигэр уонна үлэҕэр инники күөҥҥэ тахсыыга улахан ситиһиилэр баар буолуохтарын сөп. Ол да буоллар барыта улахан сыраны эрэйиэҕэ. Чэппиэргэ суолталаах иһитиннэриилэр былааннаргын уларытыахтара. Тус олоххор үөрүүлээх сабыытыйалар буолуохтарын сөп.

Ооҕуй

Чугастааҕы күннэргэ ыраламмыт сыалыҥ дьэ олоххо киириэх курдук, онно бары кыаххын ууран дьулустаххына, ситиһиэххин сөп. Эн иннигэр саҥа саҕахтар аһыллыахтара, улахан барыһы ылыаҥ. Чугас дьонуҥ кыһамньыларын, болҕомтолорун көрдөрүөхтэрэ, көмөлөрүн барытыгар ылыныаҥ, ол эйигин өйүөҕэ, үөрдүөҕэ.

Охчут

Эн иннигэр урут тоҥсуйартан куттаммыт ааннарыҥ аһыллыахтарын сөп. Холку, дьулуурдаах буолар тоҕоостоох. Оптуорунньук балачча тыҥааһыннаах буолуо. Мөкү санаалаах дьон кэтэһиилэрин толорбот туһугар, муҥутуур күүскүн, тулуургун, болҕомтоҕун ууруохтааххын. Араас дьон санаатын холкутук истэн, иирсээҥҥэ киирбэт ордук.

Чубуку

Нэдиэлэ аймахтаргын кытта алтыһарга табыгастаах буоларын эрэннэрэр, оннооҕор саамай уустук майгылаах дьон уйаҕас буолуохтара, бэйэлэрин үчүгэй өттүнэн көрдөрүөхтэрэ. Өрөбүлү урукку доҕоттор хампааньаларыгар атаарарыҥ ордук. Субуота күн ылыммыт эрэннэриилэргин олоххо киллэрэ сатаа. Өрөбүл – араас эксперимени, уопуту, саҥаны ыытарга кэрэ күн.

Күрүлгэн

Муударай, тулуурдаах, холку буоларыҥ наада. Дьиэ кэргэҥҥэр, кэллиэгэлэргэр уордайарыҥ бэйэҕэр төннөн кэлиэн сөп. Онон быһыыны-майгыны сытыырхаппат ордук. Үлэҕэр бырайыактар толору ситиһиилээхтик баран иһэллэр.

Балыктар

Ситиһиилээх нэдиэлэ. Тулалыыр дьон эн санааҕын истиэхтэрэ, балаһыанньаҕа сабыдыаллыыр кыаҕы мүччү тутума. Таптыыр киһигин кытта аһаҕастык кэпсэтиэххин сөп. Истэргэ үөрэн, ол эн тулалыыр балаһыанньаны ылынан тугу эрэ атыны билэргэр, уларытаргар туһалыа.