Сулустар кэпсииллэр: Кулун тутар 23 – 29 күннэрэ

Бараан

Бэнидиэнньик уонна оптуорунньук – саҥа бырайыагы эбэтэр таптал сыһыанын саҕалыырга кэрэ күннэр. Сэрэдэҕэ үлэҕэр иирсээннээх быһыыны-майгыны күүркэтэн биэримэ. Сэрэхтээх буол, тоҕо диэтэххэ сымыйа иһитиннэрии киириэн сөп. Субуотаҕа туох баар боччумнаах дьыалалары тохтот, бэйэҥ эрэ астынар дьыалаҕынан дьарыктан.

Оҕусчаан

Нэдиэлэ букатын чуумпута суох, ол быыһыгар олох судургу буолбатын эрэннэрэр. Барытын толкуйдаан көрөн сөптөөх компромисска бардаххына, партнердары кытта сыһыаҥҥа үчүгэй өттүгэр уларыйыылар кэлиэхтэрин сөп. Эн этиилэргин, идиэйэлэргин барытын тулалыыр дьон сөбүлүөхтэрэ диэн эрэнимэ, кириитикэ олоххор хайдыһыыны киллэрэн, өйдөспөт буолууга төрүөт буолуон сөп.

Игирэлэр

Эйиэхэ бу нэдиэлэ ханнык баҕарар эйгэҕэ баһылыыр балаһыанньаны эрэннэрэр. Тапталга, таптыылларыгар итэҕэйиэҥ. Нэдиэлэ ортотугар барыстаах этии уонна улахан гонорар ылыаҥ. Бодоруһуу эргимтэтин кэҥэтэн, интэриэһинэй дьону кытта билсэр кыах баар. Быһыыны-майгыны бөлүһүөктүү ылыныы соһуччу үөскээбит балаһыанньаттан чаҕылхайдык тахсарга кыах биэриэҕэ.

Араак

Бу нэдиэлэҕэ күүрээннээх, киириилээх-тахсыылаах олох күүтэр, үгүс былааннаргын төрдүттэн хаттаан көрүөххүн сөп. Күүскүн түмэн, баараҕай бырайыактары олоххо киллэриэҥ, маныаха тулалыыр дьон сэҥээриитин, болҕомтотун тардыаҥ. Өрөбүллэр – уруккуттан уонна наадата суохтан босхолонуу, саҥаны, интэриэһинэйи айарга үчүгэй кэмнэр.

Хахай

Бары дьыалаҕа, отчуокка бэрээдэги тутуһар ордук, бэрэбиэркэлиир уорганнары кытта иирсээҥҥэ кииримэ. Үлэҕэр кыра бытархайдарга аралдьыйбатаххына, уларытыы киллэрбэтэххинэ, улахан ситиһиилэр күүтэллэр. Нэдиэлэ маны таһынан атын дуоһунаска көһөргө табыгастаах, билиҥҥи үлэҕиттэн ордук хамнастаах сиргэ ыҥырыахтарын сөп.

Кыыс Куо

Бу нэдиэлэҕэ аҕыйаҕы саҥар, элбэҕи оҥорорго кыһан. Сэрэдэ – иһитиннэриини хомуйарга уонна анаалыстыырга үчүгэй кэм. Биир күөлгэ икки төгүл киирэ сатаама, сыыһаларга үөрэнэр ордук, ону хатылыыртан муударас эбиллибэт. Тулалыыр дьоҥҥор үлэҥ түмүктэрин сөпкө көрдөрүөххүн наада, ол эн суолтаҕын бэлиэтииргэ уонна аптарытыаккын бөҕөргөтөргө көмөлөһүөҕэ.

Ыйааһыннар

Бу нэдиэлэҕэ кэтэһэр позицияны ылан тулалыыр дьон санаатын быһаарар ордук. Билигин бэйэҕин, дьулуургун биллэрэр кэм буолбатах. Сэрэдэҕэ дьыалабыай партнердары кытта көрсүһэ сылдьан, барыстаах хантараак түһэрсэр кыаҕы мүлчү тутума. Өрөбүлгэ иэйиигин хонтуруоллан, олус дохсуҥҥун көрдөрүмэ. Аттыгар баар киһи дьиҥнээх иэйиитин өйдүөҥ.

Ооҕуй

Нэдиэлэни көхтөөх үлэҕэ анаа, оччотугар ороскуоттаабыт сыралаһыыҥ түмүгүн быһаччы ылыаҥ. Оптуорунньукка туруоруммут сыалгын соһуччу, чэпчэкитик ситиһиэххин сөп, кылаабынайа, онтон туораамыаххын наада. Бэйэҕин үрдүктүк көрдөрүү, боччумнаах буолуу уонна ханнык да кутталга барарга бэлэм буолуу салайааччыҥ болҕомтотун тардыаҕа, ону тэҥэ ытыктабылы үөскэтиэн сөп.

Охчут

Үлэҥ түмүктэрэ бу күҥҥэ үөрдүөхтэрин, ис туруккар чэпчээһини, оннооҕор барыстан астыныыны аҕалыахтарын сөп. Дьыалабыай партнердаргын кытта сыһыаны быһаарсыма, туох эһигини түмүөҕүн толкуйдаа. Кистэлэҥ ыра санааларыҥ, былааннарыҥ олоххо киирэн эрэллэр эрээри, идиэйэлэргин билиҥҥитэ бэйэҕэр илдьэ сырыт. Уопсайынан, аҕыйахтак саҥар диэн сулустар сүбэлииллэр.

Чубуку

Бу нэдиэлэҕэ бэйэҕэр улахан суолталаах боппуруостарынан ыкса дьарыктанан, эйигин өйүүр дьону булуоххун сөп. Быстах түгэҥҥэ үлэҕэр солбуллубат буоларгын сөптөөхтүк бэлиэтииртэн кыбыстыма. Өрөбүллэргэ чугас дьонуҥ кэлэннэр тус былааннаргыттан аккаастанарга төрүөт буолуохтара.

Күрүлгэн

Нэдиэлэ устата сырдыгы, кэрэни тарҕатыаҥ, итинэн тулалыыр дьону бэйэҥ ыксаҕар тардыаҥ. Кутталлаах эбэтэр авантюралаах этиилэртэн аккаастанарыҥ ордук. Угаайыга, минньигэс тылга киирэн биэримэ. Саҥаны оҥорор идиэйэлэри билиҥҥитэ тохтотор ордук. Нэдиэлэ иккис аҥаарын дьиэҕэр, чугас дьоҥҥор  уонна сынньалаҥҥа анаа.

Балыктар

Бу нэдиэлэҕэ настарыанньаҥ, туругуҥ үчүгэй буолуо. Ол көмөтүнэн туох барыта бастакы сырыыттан табыллыа. Ситиһии үлэҕэр да, тус олоххор да кэлиэ. Бэйэҕин кытта биир санаалаах, чэпчэки дууһалаах киһини булбуккун өйдүөҥ. Тапталга билинэртэн куттаныма.