Сулустар кэпсииллэр: Кулун тутар 2 – 8 күннэрэ

Бараан

Булугас өй-санаа, сөптөөхтүк толкуйдааһын курдук хаачыстыбалар туһалыахтара. Тугу саҥараргын кэтээн көрөрүҥ ордук, наһаа элбэҕи тыллаһыма, барыларыттан чорбойо сатаама, бу кимиэхэ да туһаны аҕалыа суоҕа.Бэйэҥ эргимтэҕин үчүгэй, туһалаахдьонунан хаҥат. Улахан быһаарыыныылыныаҥ иннинэ барытын үчүгэйдик өрө-таҥнары сыымайдаа, соһуччу эппиэти биэримэ. Өрөбүлгэ сөбүлүүр сиргэр, миэстэҕэр сынньанарыҥ ордук.

Оҕусчаан

Үлэҕэр барытыгар холкутук сылдьарыҥнаада, тоҕо диэтэххэ үөйбэтэх өттүттэн соһуччу түгэннэр тахсыахтарын сөп. Нэдиэлэ ортотугар чугас аймахтаргын кытта сыһыан уустугуруон син, ол оннугар доҕотторгун кытта толору өйдөһүү баар буолуо. Чэппиэргэ сытыы иирсээннэртэн сэрэн. Кэллиэгэлэриҥ эйигиттэн билиҥҥи, саамай табыллыбат быһыыны-майгыны көннөрүүгэ туһуламмыт көҕүлээһини, дьайыыны күүтүөхтэрэ.

Игирэлэр

Эйигин ситиһии Хотун сылаас хараҕынан көрөр, сөбүлүүр, онон ханнык баҕарар кыһалҕаны быһаарар кыахтааххын. Кыайыы-хотуу айар үлэни, тапталы кытта доҕуһуолланыаҕа. Кыһалҕаны быһаарыыга ураты сыһыан үтүө түмүгү биэриэҕэ. Нэдиэлэ ортотугар тапталлаах киһиҥ күндү бэлэҕи оҥоруо. Өрөбүл күннэр сүрүн соруктара – бэйэ тус олоҕун атын дьонхараҕыттан харыстааһын буолар.

Араак

Бу нэдиэлэҕэ саҥа дьыалабыай сибээскит бөҕөргүөҕэ, дьулуурдаах, идэҕэр билиилээх буолууҥ ситиһиигэ тиэрдиэҕэ. Дьыалабыай партнердары кытта кэпсэтии түмүктээх буоларга эрэннэрэр. Сэрэдэҕэ үлэҕэ, күннээҕи дьыалаҕа болҕомтоҕун уур. Тахсыбыт кыһалҕалар, соруктар бээтинсэҕэ бүтэһиктээхтик быһаарыллыахтара суоҕа. Ол эрээри кириисистэн тахсар суоллар көстөллөр.

Хахай

Бу нэдиэлэҕэ партнердуу сыһыаҥҥа үчүгэй өттүгэр уларыйыылар тахсыахтара, интэриэһинэй тиэмэлэргэ элбэхтик кэпсэтиэҥ, дьыалабыай сырыылар күүтэллэр. Өрдөөҕүттэн чугастык алтыһар киһигиттэн улахан сонуну истиэххин сөп. Чэппиэргэ иирсээн, өйдөспөт буолуу куттала баар, санаарҕаама, кыһалҕалар нөҥүө күнүгэр түмүктэниэхтэрэ. Нэдиэлэ бүтүүтүгэр ханнык да саарбах тэрээһиннэргэ кыттыма, билбэт дьоҥҥор итэҕэйимэ.

Кыыс Куо

Үлэҕэр күүрээннээх кэм кэлбит, хамаанданан үлэ үтүө түмүгү ситиһэргэ көмөлөһүө. Сыалы үгэс буолбут, олоххо тургутуллубут ньыманан ситиһэр ордук. Олохсуйбут быһыыны-майгыны тохтоон, билэ сатаа. Иэйииҥ, туругуҥ үлэҕэр мэһэйдээбэтэ улахан суолталаах. Нэдиэлэ бүтүүтэ кэллиэгэлэргин, партнердары кытта дуогабардаһыы лаппа чэпчиэҕэ. Көрсүһүүлэр да ситиһиилээхтик ыытыллыахтара.

Ыйааһыннар

Бу нэдиэлэҕэ эйигин сыаналыахтара, кэллиэгэлэргин, салайааччыгын кытта олус үчүгэй сыһыан олохтонуо. Элбэҕи кэпсэтиэҥ, саҥа дьону кытта билсиэҥ, романтическай сыһыан да баар буолуон сөп. Сэрэдэҕэ дьыалабыай партнердартан кэлиэн сөптөөх этиилэр эйигин кырата суох барыһынан үөрдүөхтэрэ.

Ооҕуй

Тулхадыйбат эниэргийэҥ биир сиргэ олордуо суоҕа. Тэрийэр үлэ-хамнас ордук табыллыаҕа. Бу нэдиэлэҕэ үчүгэйдик үлэлииргэ уонна бэйэ аптарытыатын үрдэтэргэ кыах үөскүөҕэ. Тулалыыр дьон эндьоҕургун элбэхтик бэлиэтээн, сыаналаан көрүөхтэрэ.

Охчут

Сүрэҕэлдьээбэтэххинэ, дьыалаҕа улахан ситиһиини оҥоруоҥ. Нэдиэлэ саҕаланыыта өй,  толкуй үлэлээх дьоҥҥо өрө көтөҕүллүүнү аҕалыа. Билсиһии эргимтэтин кэҥэтэр эбэтэр айаҥҥа барар кыах үөскүөҕэ. Нэдиэлэ бүтүүтүгэр буолар быһыыга-майгыга эн баай уопутуҥ туһалыа. Соһуччу сонуннар күүтэллэр, баҕар, доҕордуу сибээстэр сөргүтүллүөхтэрэ.

Чубуку

Бу нэдиэлэ араас тэрээһиннэринэн, үчүгэй көрсүһүүлэринэн толору буолуоҕа. Элбэх салааҕа ситиһии күүтэр, барыта туохха дьулуһаргыттан тутулуктаах. Ис-искиттэн бырачыастыыр санаа үөскээтэҕинэ, ону-маны оҥорорго бэйэҕин күһэйимэ. Бытархай аайы кыыһырыма, дьаныардаах сыалга дьулус.

Күрүлгэн

Бу нэдиэлэҕэ дьылҕаҥ соһуччу түгэннэри бэлэмниэн сөп, онон сэрэнэ сылдьыы, барытыгар бэлэм буолуу мэһэйдиэ суоҕа. Нэдиэлэ ортотугар дьыалабыай кэпсэтиилэр, дуогабардаһыылар судургутуйуохтара, онон сыалгын ситиһэргэ көмөлөһүө. Өрөбүлгэ ыалдьыттаһыы эбэтэр туора сиргэ доҕотторгун кытта көрсүһүү табыллыаҕа.

Балыктар

Аатыҥ-суолуҥ биһирэбилэ улаханнык үрдүүр, эйиэхэ барытыгар: үлэҕэр да, дьиэҕэр да наадыйаллар. Оннооҕор умна быһыытыйбыт, ол гынан баран билэр дьонуҥ эмискэ көстүөхтэрэ, эрийиэхтэрэ, кэлиэхтэрэ, аҕалыахтара уонна эйигиттэн өҥө кэтэһиэхтэрэ. Бу үчүгэй бэлиэ, барытын болҕомтоҕо ылан ис. Ол гынан баран, син биир таптыыр киһигин кытта сыһыан тутаах буоларын умнума.