Сулустар кэпсииллэр: Кулун тутар 16 – 22күннэрэ

Бараан

Бу нэдиэлэ саҥа дьыалаларга, партнердары уонна биир санаалаах дьону буларга табыгастаах. Эн настарыанньаҕын намтатар соҕотох түгэннэр – хойутааһыннар, өйдөспөт буолуулар уонна сыыһа кэпсэтиилэр, онон бириэмэҕин саппаастаахтык былаанныы сатаа, үлэҕин кэмигэр оҥор уонна бүтэһик да мүнүүтэҕэ туттара сатаа.

Оҕусчаан

Эн үөрүүҥ-көтүүҥ уонна эрэллээх буолууҥ дьону тардыаҕа уонна биллэр-көстөр буоларгар көмөлөһүөҕэ. Нэдиэлэ бүтүүтэ дьылҕа эйиэхэ үп-харчы эрэ өттүнэн буолбакка, духуобунай балаһыанньаҕын бөҕөргөтөр кыаҕы биэриэҕэ. Олоххор саҥа суолталаах киһи көстүөн сөп.

Игирэлэр

Олоххор сыыйа-баайа уларыйыы саҕаланар. Эн сөптөөх суолга тураҕын, баҕа санааҕын олоххо киллэрэр диэки баран иһэҕин. Бу нэдиэлэҕэ ол барыта чуолкайданыаҕа. Уустук кыһалҕалары быһаарыыга болҕомтоҕун уурдаххына, кинилэри бэркэ кыайыаҥ. Эйигин элбэх романтика, кыһамньы уонна таптал күүтэр.

Араак

Саҥа бырайыактары тута саҕалаа, өйгүн-санааҕын барытын туһан — дьолгор, эниэргийэҕэр, бу барыта туохтан да тутулуга суох буолуо. Бу нэдиэлэ биисинэскэ бэйэҕин олохтуурга уонна үлэҕин сайыннарарга кыаҕы биэрэр. Бэйэҕин билинэргэ, талааҥҥын сайыннарарга табыгастаах кэм.

Хахай

Бу нэдиэлэҕэ олоххо киирэр сыаллары туруорунарга дьулус. Оптуорунньукка өйгүн-санааҕын туһанар суолу булуоҥ, ол эйиэхэ ситиһиини уонна билиниини ситиһэргэ көмөлөһүөҕэ. Сэрэдэҕэ интэриэһиргиир сорох түгэннэртэн эбэтэр сонуннартан үөрүөххүн сөп. Бээтинсэҕэ салайааччыгытын кытта мөккүспэт уонна айдааны үөскэппэт ордук.

Кыыс Куо

Бу нэдиэлэҕэ туох суолталааҕар болҕомтоҕун ууруоххун уонна хойутатыллыан сөптөөх кыһалҕаларга күүскүн-уоххун бараабат буолуоххун наада. Билигин инникини дьоһуннаахтык толкуйдуур, улахан суолталаах быһаарыылары ылынар кэм кэлбит. Сибээстэргин барытын толору туһаныаххын сөп, ол гынан баран ыарахаттары туоруурга тулуур наада.

Ыйааһыннар

Бу нэдиэлэҕэ сөптөөх олоҕу оҥостор кыаҕыҥ үп-харчы кэлиитигэр улаханнык дьайыан сөп. Ситиһии мичээрдиэҕэ, уонна аптарытыаккын улаатыннарыаҕа, бытааннык, ол эрээри эрэллээхтик. Сэрэдэҕэ абылыыр күүскэ бэриниэххин сөп. Бээтинсэҕэ, өссө толору дьоллоох буоларгар, доҕотторгун кытта бөлүһүөктүү кэпсэтиилэргэ кыттыс.

Ооҕуй

Бу нэдиэлэҕэ үчүгэйдик харчыланыаххын уонна барыстаах этиини ылыаххын сөп. Нэдиэлэ иккис аҥаарыгар улахан былааннаргын олоххо киллэрэргэ бытааннык, ол эрээри тэтимнээхтик инники күөҥҥэ барар ордук. Сулустар айар дьоҕур үрдээһинин, ис санааҥ күүһүрэрин этэллэр уонна идиэйэҥ элбиэҕин эрэннэрэллэр.

Охчут

Дьону кытта алтыһар кыаххыттан тутулуктанан балаһыанньа уларыйыаҕа. Оптуорунньукка туох да быһаарыылаах дьаһалы ылбатах ордук. Барытын хайдах баарынан хааллар уонна мунньуллубут сорудаҕы толор. Нэдиэлэ иккис аҥаарын сынньанарга уонна айаҥҥа аныыр ордук, атыы-эргиэн өрөбүллэргэ ситиһиилээх буолуоҕа.

Чубуку

Ситиһиилэргин, кыайыыларгын түмүөххүн уонна көмүскүөххүн наада. Сыыһалары оҥорбот туһугар туохтан да дьиксинимэ, болҕомтолоох буол. Туохха да ыксаама, бэйэҕин туттуна сырыт, ол эрэн өйгүн-санааҕын сааһылан, оччоҕо барыта табыллыа. Дьыалабыай көрсүһүүлэр уонна кэпсэтиилэр чэппиэргэ олус үчүгэйдик барыахтара. Субуотаны доҕотторгун кытта сынньанарга анаа.

Күрүлгэн

Үлэҕэр уонна дьиэҕэр саҥаны киллэрии кыаллыаҕа. Тугу да ылыстаргын, бэйэҥ кыаххар эрэлгин сүтэримэ. Нэдиэлэ иккис аҥаарыгар, урукку доҕордоһуугун сөргүтүөххүн баҕарар буоллаххына, бастакы хардыылары оҥорор кэм кэлбит. Чэппиэр уонна бээтинсэ саҥа бырайыагы саҕалыырга табыгастаахтар. Элбэх улахан суолталаах быһаарыыны ылыныахтааххын, ол гынан баран бу нэдиэлэҕэ саамай суолталаахтара дьиэ кэргэн боппуруостара буолуохтара.

Балыктар

Бу эйиэхэ табыгастаах кэм. Ол эрээри үлэҕэр эрэ буолбакка, тус олоххор эмиэ болҕомтоҕун ууруоххун наада. Санааҕын билинэртэн куттаныма уонна сөптөөҕү тал. Икки киһини кытта тэҥинэн билсиһии табыллыбат. Эн кистэлэҥҥин арыйан, иккиттэн биири тал диэн туруохтара. Кыаххын дьиҥнээхтик өйдүү сатаа уонна кыра аайыттан хомойума.