Сулустар кэпсииллэр: Бэс ыйын 29 – от ыйын 5 күннэрэ

Бараан 

Бэнидиэнньиккэ тас көрүҥҥүн, таҥаскын-сапкын саҥардыаххын сөп. Эйиэхэ доҕор буолааччы элбиэ, эйэҕэс буол, ол гынан баран кинилэри бэйэҕэр наһаа чугаһатыма. Дьулуурдаах уонна эрчимнээх буолууҥ ситиһиини аҕалыа. Нэдиэлэ бүтүүтэ сэрэхтээх сылдьарыҥ наада, барытыгар итэҕэйимэ, тоҕо диэтэххэ кистэлэҥөстөөхтөрүҥ угаайыларыгар киириэххин сөп.

Оҕусчаан 

Бу нэдиэлэҕэ барыстаах дьыалабыай этиилэр киирэн үөрдүөхтэрэ. Ол эрээри куһаҕан өрүт баар — үөрүүгүттэн бэйэҕэр наһаа элбэх ноҕуруусканы ылыаххын сөп. Түмүгэр эстэн-быстан, сылайан туох да туһата суох буолуо. Былааннаргын кистээ, тугу гынаргын кэпсии сылдьыма. Санааларгын эрэ буолбакка, хамсаныыларгын эмиэ хонтуруоллуур туһалаах. Бэйэҕэр эрэ эрэниэххин наада.

Игирэлэр

Суруйар-айар дьоҕургар болҕомто уурарга саамай тоҕоостоох кэм. Ону кытта улахан гонорар ылыаҥ. Дьылҕа эйиэхэ элбэх кыһалҕаны, ол иһигэр үпкэ-харчыга уонна тус олоххо сыһыаннаахтары, быһаарарга кыах биэриэ. Улахан оруолу бэйэн көҕүлээһиниҥ уонна айар дьоҕуруҥылыахтара. Айанныырга саамай табыгастаах кэм, барыта бэрт ситиһиилээхтик ааһыа, элбэх үтүө түгэннэри ылыаҥ.

Араак 

Өр сыппыт, салҕан хаалбыт дьыалаларгын түмүктүүргэ дьулус. Билигин ханнык баҕарар ыарахан соругу кыайар кыахтааххын, кыра мэhэйдэргэ аралдьыйбат буоллаххына. Айдааннаах, кэлиилээх-барыылаах хампаанньалартан тэйиччи тутун, доҕоттор ыҥырыыларыттан аккаастаа. Ол гынан баран, ким да хомойботун курдук, дипломат буолар үрдүк таһымнаах дьоҕургун көрдөрүөххүн наада.

Хахай

Бу нэдиэлэҕэ үгүс дьыалаҕар урукку доҕотторгуттан көмө кэлиэн сөп. Үлэҕэр эрэсиимҥин сыыйа киллэр, чэппиэртэн эрэ толору ноҕуруусканы ылын. Ханна да ыксаама, тиэтэйимэ, чуумпутук сылдьарыҥ ордук. Бээтинсэҕэ үлэни таһынан араассөбүлэһиилэри түһэрсэргэ табыгастаах күн. Өрөбүллэргин куорат таһыгар атаарарыҥ ордук.

Кыыс Куо

Майгыгын саҥаттан көрүнэргэ, саҥа сыаллары туруорарга табыгастаах кэм. Эн кыаххынан тулалыыр дьоҥҥун кытта сыһыаҥҥын тупсарыаххын сөп. Үлэҕэр мөккүөрдэргэ кииримэ, онтон туһа син биир тахсыбат. Сэрэдэ айанныырга, командировкаҕа сылдьарга олус ситиһиилээх күн. Чэппиэргэ интэриэһинэй иһитиннэриини тутуоҥ, ол көмөтүнэн бэйэҥ сибээстэргинэн уонна кыаххынан карьераҕар үрдүүргэ тоҕоостоох түгэн үөскүө.

Ыйааһын

Соҕотохсуйуу кэмэ түмүктэннэ. Бэйэҕин сырдатар, көрдөрөр кэм кэллэ. Мүччү туппуккун, сүтэрбиккин хаттаан эргит, саҥа үрдэлгэ дабай. Эйиэхэ саба түспүт үлэттэн куттаныма, барытын ситиһиэҥ. Дьиэҕэр уларытыылары киллэрэр туһунан толкуйдаа, наһаа улаханы да буолбатар, ол гынан баран суолталааҕы. Тус олоҕуҥ үөрдүө.

Ооҕуй 

Бу нэдиэлэҕэ үлэҥ хайысхата биллэ уларыйыан сөп. Ол үлэни уларытыы диэн буолбатах, саҥа тиэмэ эбэтэр атын хайысха көстүөн сөп. Салайааччы дуоһунаһын ыларга этии киириэ. Нэдиэлэ бүтүүтэ тэтимҥиттэн соһуччу туораан хаалыаҥ, дьыалаҕар “иккис тыын”аһыллыа. Сынньалаҥ күннэргэр урукку кистэлэҥнэр арыллыахтарын сөп.

Охчут

Нэдиэлэ саҕаланыаҕыттан араас дьыалалар ортолоругар түбэһиэҥ. Интэриэһинэй билсиһиилэр күүтэллэр, сыаналаах иһитиннэрии ылыаҥ уонна барыстаах дуогабары түһэрсиэҥ. Оптуорунньук саамай ноҕуруускалаах күн буолуон сөп, дьыала ахсаанынан да, суолтатынан да. Ол гынан баран, бэйэҥ кыаххын сөптөөхтүк сыаналаа уонна наһаа илистибэт курдук сырыт.

Чубуку 

Эйиэхэ үлэни толору ситэрэр-хоторор ураты дьоҕур үөскүөҕэ. Оптуорунньук интэриэһинэй уонна айымньылаах күн буолуоҕа. Нэдиэлэ иккис аҥаарыгар бэйэҕин туттуна соҕус сырыт, чугас дьоҥҥун кытта өйдөспөт буолуу тахсыан сөп. Өрөбүллэргэ сынньанар туһунан умнума, баар кыһалҕалартан кыратык да буоллар аралдьый.

Күрүлгэн

Нэдиэлэ чэпчэкитэ суох, ол гынан баран улахан моһоллору аҕалыа суоҕа. Кэтээн көрөр дьоҕуруҥ улаханнык үрдүөҕэ, бу кэмҥэ бэртээхэй психолог буолуоҥ. Оптуорунньукка уонна сэрэдэҕэ элбэх кэпсэтии, билсиһии, суолталаах көрсүһүүлэр күүтэллэр. Чэппиэргэ сэрэхтээх буол, албыннатыаххын сөп, үлэҕэр ноҕуруускаҕын аччат. Өрөбүллэргэ күүс-уох эстиитэ уонна санньыар санаа ааһыа.

Балыктар

Бу нэдиэлэ эйиэхэ ис көҥүлү уонна чэпчэкитик сананыы иэйиитин аҕалыа. Туруоруммут сыалыҥ диэки эрэллээхтик хамсаа. Таптыыр киһиҥ эйигин өйүөҕэ. Барытын быһааран, толкуйдаан баран, тус олоххор улахан уларыйыылары оҥорорго табыгастаах кэм. Сулустар этэллэринэн, эн билигин дьол диэки айаннаан иһэҕин.