Сулустар кэпсииллэр: Бэс ыйын 15 – 21 күннэрэ

Бараан

Бу нэдиэлэҕэ чиҥ уонна дьулуурдаах буол, бэйэҥ күүскэр эрэ эрэнэриҥ ордук. Атын дьон бары бэйэлэрин кыһалҕаларынан сылдьаллар уонна көмөлөһөр баҕалаах көстүбэт. Бэйэҥ даҕаны кэтээн көрөөччү эрэ оруолун сүгэриҥ ордук буолуо. Дьоҥҥо сыһыаҥҥын толкуйдууруҥ тоҕоостоох, баҕар, аһара элбэҕи ирдиириҥ буолуо. Чугастык санаабыт киһиҥ үчүгэйэ суох өрүттэрин арыйан көрдөрүөн сөп. Нэдиэлэ бүтүүтэ күүс-кыах эбиллиэ. Сынньалаҥ күннэргэ туһата суох алтыһыыттан уонна кураанах кэпсэтиилэртэн харыстан.

Оҕус

Бу нэдиэлэҕэ карьера өттүнэн үүнүү-сайдыы кыаҕа арыллыа, онон кэллиэгэлэргин кытта бииргэ үлэлэһэртэн аккаастаныма, ол улахан туһаны аҕалыан сөп. Оптуорунньукка кыраттан да настарыанньаҥ түһүө, онон дьону кытта аҕыйахтык алтыһар ордук, кимниин эрэ этиһиэххин сөп. Бээтинсэҕэ аҕыйахтык саҥар, элбэҕи оҥор. Өрөбүллэргэ ханна эрэ ыраах сынньана бар, оннук гымматаххына тугуҥ эрэ тиийбэт,  күннээҕи олох салгытыан сөп. 

Игирэлэр

Эйигин айар үлэҕэ ситиһии уонна дьыалаҕа табыллыы күүтэр. Эбии дохуот киириэ. Тапталлааҕыҥ аттыгар баар буоларга дьулуһуо, соһуччу түгэннэри оҥоруо, бэлэхтэри биэриэ. Билигин эн саамай ыра санааҥ соһуччу туолан хаалыан сөп. Онон ыра санаалаах буола, үчүгэйгэ итэҕэйэ сырыт.

Араак

Нэдиэлэ саҕаланыыта кылгас айан эбэтэр командировка баар буолуон сөп. Сэрэдэҕэ балаһыанньаттан астыммат, дьону кытта өйдөспөт буолуоххун сөп. Ол гынан баран бээтинсэҕэ барыта оннун булан, олоххо үөрүү уонна үчүгэй инники былаан баара биллиэ, ол эрээри түргэнник уларыйар быһыыга-майгыга тутатына эппиэттиэххин, сөптөөх быһаарыныы ылына охсуоххун наада.

Хахай

Бу нэдиэлэҕэ дьоһуннаах уонна быһаарыылаах дьайыыларга бэлэмнэн, ол гынан баран мээнэ быһыыга-майгыга киирэн биэрэртэн туттун. Сөптөөх хайысханан бардаххына, эйигин тулалыыр дьон бары өйүөхтэрэ, дьыалаҥ этэҥҥэ барыа. Сэрэдэҕэ туһалаах билсиһии күүтэр. Нэдиэлэ бүтүүтэ уруккуттан ыар баттык буола сылдьыбыт кыһалҕаларыҥ сүтэн-иҥэн хаалыахтара.

Кыыс Куо

Тиэтэйимэ, ханна да ыксаама. Бу нэдиэлэни бытааннык, налыччы атаарар ордук, аһара тиэтэйдэххинэ, эмиэ алҕаһы оҥоруоххун сөп. Сорох кэмҥэ кыыһыран-тымтан барыаххын сөп. Чэппиэргэ халбаҥнаабат модун санааҥ тулалыыр эйгэҥ уларыйыытын сэрэйэргэ уонна билэргэ көмөлөһүө. Сынньалаҥ күннэргэ сэрэхтээх буол, кыраттан да кыыһырсыы, иирсээн тахсыан сөп.

Ыйааһыннар

Айар үлэ настарыанньаҕын тупсарыа. Оптуорунньукка саҥа идиэйэлэргин дьон ортотугар көмүскүүргэ тиийиэҥ. Мындыр уонна муударай буола сатаа. Тус олоххор доҕотторгун кытта сибээстээх үчүгэй уларыйыылар күүтэллэр.

Ооҕуй 

Бу нэдиэлэҕэ булугас өйүҥ күүһүрүө, кыһалҕалары ураты ньыманан быһаарарга дьулуһуоҥ. Чугас дьонуҥ эн санааҕын өйүөхтэрэ, салалтаҥ хайгыа. Сэрэдэҕэ эбэтэр чэппиэргэ барыстаах дуогабарга илии баттаһыаххын сөп. Өрөбүллэргэ күннэргэ дьиэҕэр үчүгэй сонуннар күүтэллэр.

Охчут

Урут табыллыбатах, быһаарыллыбатах соруктары ситиһиилээхтик кыайар кыахтаныаҥ. Саҥа билсиһиилэргэ сэрэхтээх буол, дьоҥҥо мээнэ итэҕэйимэ. Бэйэҥ тускунан элбэҕи кэпсээмэ, ол иһитиннэриини эйигин утары туһаныахтарын сөп. Улахан дьыалалары субуота иннинэ бүтэрэргэ кыһалын. Дьиэ кэргэҥҥэр туттуна соҕус сырыт, аймахтары кытта иирсииттэн куотунар инниттэн.

Чубуку

Нэдиэлэ олус сэргэхтик ааһыа, ол барыта бэйэҕиттэн тутулуктаах. Сүрүн соругуҥ – быһыыны-майгыны сөптөөхтүк салайыы, оччотугар хайаны да суулларар кыахтаныаҥ. Оччоҕуна бу аҕыйах күн иһигэр элбэҕи ситиһиэххин сөп. Балаһыанньаны ырытан, анаалыстааан көрөргө бириэмэтэ бул. Субуота — урукку доҕотторгор ыалдьыттыырга саамай табыгастаах күн.

Күрүлгэн 

Билигин муҥутуур былааннары оҥостума. Иирсээнтэн куотунарга сөптөөх суолу буларга дьулус. Сорох тэрийэр боппуруостар уустуктардаах быһаарыллыахтара. Сэрэдэ — саҥа үлэни көрдүүргэ табыгастаах күн. Сынньалаҥ күннэри тыа сиригэр, табыгастаах усулуобуйалаах сиргэ атаар. Оҕолоруҥ барытын эйиэхэ найылыылларын көҥүллээмэ.

Балык

Тус олоххор буолуохтаах уларыйыыга бэлэмҥин. Баҕар, сымыйа сыһыаны илдьэ сылдьартан аккаастанар кэмиҥ кэлбитэ буолуо, чугас дьоҥҥун кытта буоларыҥ ордук. Билигин романтика уонна истиҥ билинии кэмэ. Ону таһынан, дуоһунаһыҥ соһуччу үрдүөн эбэтэр дьылҕаҥ атын үтүө бэлэҕин оҥоруон сөп.