Сулустар кэпсииллэр: Бэс ыйын 1 –7 күннэрэ

Бараан

Тулуйар уонна бэйэни туттунар күүс ирдэнэр. Ситиһиигэ наадалаах иһитиннэриини кичэллээхтик бэлэмнээһин уонна бэрэбиэркэлээһин наада. Доҕотторуҥ көмөлөрүттэн аккаастаама, ол эрээри олус эрэнимэ, кинилэр сэрэҕэ суохтарыттан харысхал суох. Олоххо киирбэт быһаарыылары уонна авантюра сибикитин биллэххинэ, угаайылаах этиилэртэн аккаастан. Сынньалаҥ күннэргин дьиэ кэргэҥҥэр уонна оҕолоргор анаа.

Оҕусчаан

Нэдиэлэ саҕаланыытыгар баҕарар түмүккүн ылар туһугар күүскэ үлэлииргэр тиийиэҥ. Онуоха дуоһунаскын үрдэтэр кыах үөскүөҕэ. Чэппиэргэ уонна бээтинсэҕэ ыраах айаннартан аккаастан, тоҕо диэтэр кинилэр эн эрэлгин толоруохтара суоҕа. Нэдиэлэ бүтүүтэ иирсээннэртэн уонна хоптон-сиптэн сэрэхтээх буол.

Игирэлэр

Бары суолталаах боппуруостар быһаарыллыахтара, ол түмүгэ үөрдүөҕэ. Улахан суумалаах харчы киириитэ, бэлэхтэр уонна үөрүүлээх соһуччу түгэннэр буолуохтара. Эйигин туох эрэ иэйии кууһуоҕа. Билигин инники ситиһиилэриҥ акылаата ууруллар. Тус олоххор таптал уонна романтика күүтэр. Чугас киһиҥ эн хайдахтаах курдук күндүгүн өйдүөҕэ. Ис куоласкын иһит, оччоҕо баҕа санааҥ барыта туолуоҕа.

Араак

Бу нэдиэлэҕэ үлэҕэр баар кыра мэһэйдэртэн долгуйума. Эн санааҥ кэскиллээх, ол гынан баран билигин кинини ылымматтарыттан мунчаарыма. Оптуорунньукка иирсээннэр тахсыахтара эрээри, хас биирдии балаһыанньаттан бэйэҕэр туһаны ылыаххын сөп; холобур, олоххор уларытыылары киллэрэн. Бээтинсэҕэ куһаҕан санаалары таһаарыма, бэйэни туттунарга кыһалын.

Хахай

Нэдиэлэ эйигиттэн муҥутуур күүрүүнү ирдиир буолуон сөп, онтуҥ ситиһиилэри ыларга элбэх кыаҕы биэриэҕэ. Бэнидиэнньиккэ дьыалабыай көрсүһүүлэр ситиһиилэниэхтэрэ, наадалаах иһитиннэрии кэмигэр кэлиэн сөп. Тус олоххор да уларыйыылар тахсыахтара. Арай, кыра ньиэрбинэйдээһин көстүүтүн суох оҥор. Доҕордуу сыһыан эрэ эн кыһалҕаларгын быһаарыа.

Кыыс Куо

Бу нэдиэлэҕэ ис туруккун булуоҥ уонна инниҥ диэки хамсааһын оҥоруоҥ. Бэйэҥ наадаларгын умнума, барытын болҕомтоҕо ыларыҥ ордук. Сөбүлээбэт дьоҥҥун кытта алтыһарга бириэмэҕин бараама. Билигин ис күүс уонна эрчим эбиллибитин билиэҥ. Өрөбүл күннэртэн биирдэстэрин соҕотох сынньанарга анаа, күүскүн-уоххун чөлүгэр түһэр.

Ыйааһын

Чугастааҕы күннэргэ айар санаалар уонна былааннар эйигин кууһуохтара. Онуоха биир өйдөөх-санаалаах дьон наадалар, кинилэр эн былааннаргын олоххо киллэрэргэр көмөлөһүөхтэрэ. Бу нэдиэлэҕэ урукку иирсээннэр быһаарыллыахтара уонна ыра санаа ситиһиллиэн сөп. Сынньалаҥ күннэргэ бэйэҥ күүскүн сөптөөхтүк сыаналыырга кыһалын, кыаххын аһара ыытыма.

Ооҕуй

Көҥүллүк сананыы уонна ситиһии иэйиитэ кууһуо. Бу нэдиэлэҕэ олоххор уларыйыылар тахсыахтарын сөп. Саҥа баҕа санаалар үөскүөхтэрэ, ону толорорго күүс-уох уонна саҥа толкуйдар нааадалар. Тулалыыр дьоҥҥор чаҕылхайдык көстүөҥ, ону атыттар биһириэхтэрэ. Ол гынан баран ситиһиллибитинэн тохтоомо – иннигэр саҥа саҕахтар арыллаллар.

Охчут

Үлэнэн интэриэстэр уонна тус олоҕуҥ ыкса сибээстэһиэхтэрэ, дьыалабыай бырайыактарга доҕотторуҥ эбэтэр аймахтарыҥ кыттыыны ылыахтарын сөп. Оптуорунньукка дьону кытта алтыһаргар сэрэхтээх буолуу наада, бу күн тылгын-өскүн уонна санааҕын хонтуруоллууруҥ ордук. Куһаҕантан тэйиччи туттунарга кыһалын. Сэрэдэттэн балаһыанньа тупсан барыаҕа, ол гынан баран партнердарыҥ эппиэтинэһи сүкпэттэриттэн ыарахаттары көрсүөххүн сөп. Нэдиэлэ бүтүүтэ суолталаах бырайыагы олоххо киллэрэҥҥин барыс ылыаҥ.

Чубуку

Балаһыанньа эрэллээхтик үтүө өттүгэр уларыйыа. Дьыалабыай сыһыаныҥ уонна хомуллуулаах буолууҥ мунньуллубут кыһалҕалары быһаарарга көмөлөһүөхтэрэ. Айар дьоҕургун умнума, соруктары толорорго соһуччу өттүттэн сыһыаннас. Күүскүн-уоххун, бириэмэҕин чугас дьоҥҥун кытта алтыһарга анаа.

Күрүлгэн

Бу нэдиэлэҕэ дьыалаҕар табыллыы күүтүө, онуоха бэйэҥ саарбахтааһыныҥ уонна итэҕэйбэт буолууҥ мэhэйдиэн сөп. Уопсастыба быраабылаларын тутуһума, сытыы муннуктары туората сатаама – оччоҕо барыта табыллыа. Нэдиэлэ иккис аҥаарыгар ыраах айанныаххын сөп, ол эйигин кыратык сылатыа.

Балыктар

Олоххор эниэргийэҥ толору буолуо, таптыыр уонна айар-тутар кыахтаныаҥ. Былааннары оҥоһун, романтическай айаннарга турун, чугас киһиҥ таптал иэйиитинэн толоруо. Тус олоххор туох эрэ кистэлэҥ биллиэн сөп, ол барыта үчүгэйгэ эрэ тиэрдиэ.