Сулустар кэпсииллэр: Балаҕан ыйын 7-13 күннэрэ

Бараан

Бу нэдиэлэҕэ улахан толкуйга түһүөҥ. Үөскээбит быһыы-майгы, омос көрдөххө, уустук курдук саныаҥ. Дьиҥэр, маннык түбэлтэ бу иннинэ буолан ааспыта, онон урукку уопуккун туһанан, бэрт судургутук быһаарыаххын сөп. Өрөбүллэргэ доҕотторгун уонна биир санаалаах дьону кытта көрсүһүүлэр үөрүүнү бэлэхтиэхтэрэ.

Оҕусчаан

Сулустар бу нэдиэлэҕэ сүрүн сүбэлэрэ: урукку алҕастаргын хатылаама уонна түктэри быһыыламмыт дьоҥҥо төннө сатаама. Мүччүргэннээх сырыыга тардыһыыҥ күүстээх буолан, биир сиргэ таба олороруҥ уустук. Айан интэриэһинэй билсиһиинэн түмүктэниэн сөп. Дьон хараҕар быраҕыллар гына үлэлээ, күлүккэ сылдьыма, сыаналыахтара суоҕа.

Игирэлэр

Күүһүҥ-уоҕуҥ толору, бииртэн биир сонун санаа кэлэ турар. Көҕүҥ, айар дьоҕуруҥ уонна сатабыллаах буолууҥ үлэҥ далааһынын кэҥэтиэхтэрэ. Ситиһиигэ уонна ботуччу барыһы аҕалар бырайыактар олоххо киирэллэр. Маны сэргэ, таптал уонна романтика абылыы кууһуон, тус олоххор олус суолталаах уларыйыылар буолуохтарын сөп. Иннигэр сонун сүүрээн күүтэр, ол эйиэхэ дьиҥнээх ситиһиини уонна үп-харчы балаһыанньата тупсуутун мэктиэлиир.

Араак

Бу нэдиэлэҕэ дьыалабыай партнердары кытары көрсүһүүлэр, кыттыгас бырайыактар үгүс бириэмэҕин ылыахтара. Бэйэҥ тускунан ыһа-тоҕо кэпсээмэ, ону эн утары туһанар дьон баар буолуохтарын сөп.  Бэнидиэнньиккэ уонна сэрэдэҕэ араас кэпсэтиилэр, кэмэ суох кутулла турар элбэх иһитиннэрии чуолкай дьайыылары уонна утумнаах толкуйу ирдиэхтэрэ. Ону барытын күүскүн-уоххун уонна бириэмэҕин сөпкө аттардаххына эрэ ситиһиэҥ. Нэдиэлэ бүтүүтэ бииргэ үлэлиир дьоҥҥун эбэтэр салалтаҕын кириитикэлээмэ диэн сулустар сүбэлииллэр.

Хахай

Бу нэдиэлэҕэ ситиһии төрдө хойутааһына суох барытын кэмигэр оҥоруу буолуоҕа. Тулалыыр эйгэҕин кытта иллээх-эйэлээх сыһыаны түстээбитиҥ ордук. Бэйэҕин кыатана тутун, кыыһырыы үлэҕэ да, тус олоххо даҕаны үтүөнү аҕалбат. Өрөбүллэргэ оҕолоргун кытта аһаҕас кэпсэтии күүтэр.

Кыыс Куо

Нэдиэлэ саҥатыгар саҥа иһитиннэриигэ ордук болҕомтолоох буол, тылгын-өскүн кэтэнэн көр. Оптуорунньук – саҥаны киллэрэр идиэйэлэри толкуйдуурга табыгастаах күн, онно чуумпу сиргэ бүгүөххүн баҕарыаҥ.  Ону баара ыҥырыыта суох ыалдьыттар кэлэн, ууга-уокка түһэриэхтэрин сөп. Өрөбүлгэ түргэн быһаарыыны ыларга тиэтэйимэ, олоххор тугу эрэ тосту уларытар билигин наадата суох.

Ыйааһыннар

Бу нэдиэлэҕэ хас биирдии тылгын ыйааһыннаан көрө-көрө саҥар, аһаҕас айахтаах буолуу туох да үчүгэйи аҕалбатын өйдөө. Ордук-хоһу саҥарбакка сырыттаххына, үлэҥ үрдүктүк сыаналаныа, дьоҥҥо-сэргэҕэ үтүө өйдөбүлү хаалларыаҥ. Бу күннэргэ тус олоххор чаҕылхай түгэннэр күүтэллэр.

Ооҕуй

Дьоһун кэпсэтиилэри ыытарга, барыстаах кэпсэтиилэри түһэрсэргэ тоҕоостоох күннэр. Олох суолтатын туһунан ырааҕы-киэҥи толкуйдуоҥ, онуоха бэйэҥ искэр аһара бүгүмэ. Нэдиэлэ ортотугар үп-харчы балаһыанньатын биллэ тупсарар кыахтаах этии киириэн сөп. Туохтан да булгуруйбат санааҥ чугас дьоҥҥор уоскулаҥ мэктиэтэ буолуоҕа.

Охчут

Ыарахаттары этэҥҥэ туораабытыҥ, онон билигин холкутук сылдьар кыахтааххын. Оптуорунньукка тулалыыр дьоҥҥо аһара ирдэбиллээх буолума. Бээтинсэҕэ үлэҕин үмүрүтэ охсон, эрдэ дьиэлии, сынньана сатаа. Өрөбүлгэ интэриэһинэй дьону кытта билсэр уонна көрсөр туһалаах буолуо. Биир ыйытыыга араас санаалары истэн, бэйэҕэр үтүө түмүгү оҥостуоҥ.

Чубуку

Олус киэмсийимэ, бэйэҕэ наһаа эрэллээх буолуу туох да туһаны аҕалыа суоҕа. Сэрэдэҕэ кыаҕыҥ таһынан өрө бара-бара үлэлээмэ – үлэ ханна да куотуо суоҕа. Чэппиэргэ кимиэхэ да, тугу да эрэннэримэ, аны сатаан толоруоҥ суоҕа. Өрөбүллэргэ элбэх дьоннуун алтыһартан аккаастан, сынньаммакка, олус сылайыаҥ, илистиэҥ.

Күрүлгэн

Билигин олоххор буола турары кичэйэн ырыт, уопуккар уонна толкуйдуур дьоҕургар эрэн. Атын дьон санаатыгар бэринимэ, бииргэ үлэлиир дьоҥҥун, доҕотторгун аһаҕастык кириитикэлииртэн туттуна сатаа. Үлэҕэ үрдээһин эбэтэр саҥа дуоһунаска көһүү баар буолуон сөп. Онуоха «сулус ыарыытыгар» ылларыма, бу күннэри күүстээх үлэҕэ анаа диэн сулустар сүбэлииллэр.

Балыктар

Алҕастары ырытан көрөргө уонна көннөрөргө үтүө кэм, бу ордук тус олоххо сыһыаннаах. Сөптөөх быһаарыыны оҥорорго уолдьаспыт. Тапталлааххын кытта иккиэйэҕин эрэ айаҥҥа турунуу туһаны аҕалыаҕа. Туох баар быһыыга-майгыга холку уонна тулуурдаах буоларга кыһалын. Өрөбүллэри айылҕаҕа атаарарга тоҕоостоох.