Сулустар кэпсииллэр: Атырдьах ыйын 3-9 күннэрэ

Бараан

Бараан бэлиэлээхтэр үүммүт нэдиэлэҕэ сэрэхтээх буолуохтарын, элбэҕи эрэннэрэр дьонтон халты туттуохтарын наада. Билигин бэйэ интэриэһин көмүскүүр кэм. Саамай таһаарыылаах күҥҥүт оптуорунньук буолуоҕа, бу күн былааннаммыт сорук барыта олоххо киириэҕэ. Ол эрээри дьону аһары хамаандалаамаҥ, сорунумаҥ. Чэппиэргэ ыспыраапкалары ылыы, ыстараабы төлөөһүн табыллыахтара, оттон бээтинсэҕэ албыҥҥа киирэн биэрэр куттал баар. Өрөбүллэри сынньалаҥҥа анааҥ.

Оҕусчаан

Туора дьон санаатыгар хаһааҥҥытааҕар даҕаны болҕомтолоох буолуҥ. Үлэҕэ ноҕоруускаҕыт үрдүүр, оптуорунньукка салалтаҕыт эбии эбээһинэстэри сүктэриэҕэ. Ол эрээри көлөһүҥҥүт таах хаалыа суоҕа, хамнаскыт дуу, бириэмийэҕит дуу үрдүөҕэ. Чэрпиэргэ бэйэҕитинэн дьарыктаныҥ: парикмахерскайга, массааска сылдьыҥ, ситиһиигэ кынаттыыр кинигэтэ ааҕыҥ. Нэдиэҕэ иккис аҥаара тиэхиньикэттэн сэрэхтээх буолары эрэйэр. Сынньалаҥ күннэри дьиэ кэргэҥҥитин кытта атаарыҥ.

Игирэлэр

Өр кыаллыбакка сылдьыбыт былааннаргыт кэмниэ-кэнэҕэс туолар биэтэккэ таҕыстылар. Салгыҥҥа ыйана сылдьыбыт ыйытыыларгытыгар сөптөөх хоруйу булаҥҥыт, оннуттан хамсаабатах кыһалҕалар сыыйа быһаарыллар суолга киириэхтэрэ. Харчы боппуруоһа номнуо бэнидиэнньиктэн быһаарыллан барыаҕа, Сэрэдэҕэ соһуччу көрсүһүү эбэтэр айан күүтүллэр. Айаҥҥа туруннаххытына, суолга сэрэҕи сүтэримэҥ, суол быраабылатын болҕойуҥ. Өрөбүллэри оҕолоругутун эбэтэр бэйэҕититтэн балыс аймахтаргытын кытта атаарыҥ.

Араак

Араактар бу нэдиэлэҕэ тосту уларыйыылары баҕараллар. Үлэҕитин да уларытыаххытын, тус олоххутун да атын хараххытынын көрүөххүтүн, хал буолбут дьайыылары саҥардыаххытын да баҕараҕыт. Сулустар оруу маһы ортотунан быһаарыныылары ылыммаккытыгар сүбэлииллэр. Сылайбыт буоллаххытына, көннөрү сынньаныҥ, атын сиргэ баран кэлиҥ. Харчыны ааҕан-суоттаан туттуҥ, бөдөҥ малы-салы атыылаһар эрдэ.

Хахай

Дьайыыларгыт да, иэйиилэргит да күүһүрэр кэмнэрэ үүннэ. Күнтэн ылар күүскүт олоххут бары эйгэтигэр көмөлөһүөҕэ. Оптуорунньукка кэлэр сурах былааннаргытыгар кыра уларытыылары киллэриэҕэ. Санаарҕаамаҥ, бэйэҕитин туттунуҥ. Бээтинсэни бүүс-бүтүннүү сынньалаҥҥа, уоскулаҥҥа анааҥ. Өрөбүллэргэ киинэҕэ, кэнсиэркэ сылдьыҥ, саҥа билсиһиилэртэн куотумаҥ. Нэдиэлэ тус олоҕу саҥа хараҕынан көрөргө көмөлөһүөҕэ.

Кыыс Куо

Сэниэҕит, ис кыаххыт мөлтүүр кутталлаах. Оттон үлэ-хамнас номнуо бэнидиэнньиктэн түргэн-тарҕан быһаарыныылары ылынары ирдиир. Бары дьыалаҕа эт мэйиигитинэн сыһыаннаһыҥ, иэйиинэн салайтаран улахан алҕаһы оҥоруоххутун сөп. Сэрэдэҕэ сүмэлээх сүбэни биэрэр, илиитин утары уунан көмө оҥорор киһи кэлиэн сөп. Ис туруккутугар болҕомтолоох буолуҥ, үөрүүнү, үтүөнү көрдөөҥ. Нэдиэлэ бүтүүтүн холкутук, чуумпуга атаарарга кыһаллыҥ.

Ыйааһыннар

Бу нэдиэлэҕэ бэйэ кырдьыгын дакаастыы сатыыр букатын наадата суох, сэниэҕитин эрэ барыаххыт. Ол оннугар үүнэр-сайдар туһунан толкуйдааҥ, инникигитин былааннааҥ, сыалла туруорунуҥ. Үчүгэй түмүгү сынньалаҥ, ыраас салгыҥҥа дьаарбайыы, доруобуйаны көрүнүү биэриэхтэрэ. Бээтинсэҕэ дьонтон элбэҕи, кыаллыбаты эрэйимэҥ, сымныы түһүҥ. Атын дьон санаатын ылыныы охсуһуутааҕар быдан көдьүүстээх.

Ооҕуй

Ситиһиилээх нэдиэлэ саҕаланна. Номнуо бэнидьиэнньиктэн сорох дьыалаҕыт табыллан барыаҕа. Нэдиэлэ ортото сэбэрэҕитигэр, доруобуйаҕытыгар, ис уруккутугар болҕомтото ууруҥ. Чэппиэргэ дуоһунаска үрдүүр дуу, салалтаттан хайҕанар дуу түгэн тосхойуоҕа. Бээтинсэҕэ соһуччу харчы, бириэмийэ кэлэн үөрдүө. Өрөбүллэри көхтөөх сынньалаҥҥа анааҥ.

 Охчут

Охчуттар үлэттэн, дьыалаттан куотуна сылдьаргытын тохтотуҥ, тугу эрэ гынар уолдьаста. Саҥа бырайыактарда толкуйдааҥ, харчы кэлэр саҥа хайысхаларын тобулуҥ, мунньуллубут кыһалҕалары харса суох быһааран саҕалааҥ. Бээтинсэҕэ эмискэ айылҕаҕа тахса сылдьыаххытын эбэтэр командировкаҕа барарга этии киириэн сөп - аккаастанымаҥ. Айан суола саҥа аартыктары арыйыаҕа. Ууттан сэрэниҥ, доруобуйаҕытыгар болҕомтолоох буолуҥ.

Чубуку

Атырдьах ыйын биир саамай ситиһиилээх нэдиэлэтэ үүннэ. Оттон ситиһиигит төрдө - эмискэ хамсаныы. Бэнидиэнньик докумуоннары сааһылыырга табыгастаах, үбү-харчыны былаанныыр үчүгэй. Сэрэдэ саҥа билсиһиилэри, алтыһыыны, айаны кытта ситимнээх. Чэппиэргэ искитигэр киллэрбэт дьоҥҥутун кытта алтыһымаҥ. Нэдиэлэ бүтүүтэ үлэни дуу, тус олоҕу дуу кытта ситимнээх интэриэһинэй этии киириэҕэ. Ол эрээри сулустар манна сэрэхтээхтик сыһыаннаһарга сүбэлииллэр.

Күрүлгэн

Нэдиэлэ саҥатыгар ханнык да күүстээх дьайыылары оҥорумаҥ, саҥа билсиһиилэртэн туттунуҥ, үлэ туһунан кэпсэтиилэри ыытымаҥ; уопсайынан, сөбүлээбэт уонна долгуйар боппуруостаргытын таарыйымаҥ. Чэппиэргэ сыһыаны быһаарсартан туттунуҥ, бу күн саҕаламмыт ханнык баҕар иирсээн уһуур-кэҥиир чинчилээх. Толкуйдаан баран саҥарыҥ, туора дьон сабыдыалыгар кииримэҥ. Өрөбүллэргэ дьиэ өрөмүөнүнэн, сууйуутунан, саҥа таҥас атыылаһыытынан дьарыктаннаххытына, настарыанньаҕыт лаппа көнүөҕэ.

Балыктар

Олоххо биллэр уларытыылары киллэрэр кэм кэллэ. Бэнидиэнньиктэн быһаарыныы ылынар кэм тириэҕэ, онон сулустар уоскуйа түһэн баран хардарарга сүбэлииллэр. Сэрэдэ уонна чэппиэр айаҥҥа табыгастаахтар. Саҥа сир, атын дьон урут аахайбатах түгэннэргитигэр хараххытын арыйыахтара. Субуотаны таптыыр киһигитин эбэтэр чугас доҕотторгутун кытта атаарыҥ. Кинилэр эһиэхэ бэйэҕэ эрэли күүһүрдүөхтэрэ.