Сулустар кэпсииллэр

Бараан

Бу нэдиэлэҕэ үлэлиир күүһүҥ-уоҕуҥ эбиллиэ, илиигэр туппутуҥ барыта табыллан иһиэ. Көрсүһүүлэргэ, айаҥҥа, алтыһыыга уонна ситиһиилээх кэпсэтиигэ тоҕоостоох кэм. Бэйэҥ киэмсийбэккэ, билиигинэн-көрүүгүнэн дьону саба баттаабакка сылдьарга кыһалын. Саҥарар эрэ буолбакка, истэр эмиэ наада. Чэппиэргэ буолбут үлэҕэ сыһыаннаах дьыалабыай көрсүһүү үтүөҕэ сирдиэ.

Оҕусчаан

Аптарытыатыҥ сыыйа үрдүүр, дьоҥҥо сүбэҥ-амаҥ туһалаах буолуо. Уустук түгэннэр хайдах быһаарыллаллара үөскээбит быһыыга-майгыга хайдах хардараргыттан тутулуктаах. Дьон кыһалҕатын барытын бэйэҕэр ылыныма. Туругуҥ мөлтүөн сөп. Туруулаһар күүстээх күрэстэһии күүтэр. Өрөбүллэргэ ыраах айаны былааннаама, дьиэҕэр эбэтэр даачаҕар сынньан.

Игирэлэр

Олоҕуҥ үчүгэй өттүгэр уларыйыан сөптөөх быһыы-майгы үөскүөн сөп. Иннигэр саҥа саҕахтар арыллыахтара. Суолталаах көрсүһүүлэри уонна алтыһыылары мүччү тутума, салгыы сайыннарарга дьулус. Өрөбүллэргэ истиҥ көрсүһүүлэр уонна үчүгэй соһуччу бэлэхтэр күүтэллэр.

Араак

Барыстаах уонна тулуурдаах буолуу ситиһиигэ сирдиэхтэрэ. Бу нэдиэлэҕэ карьераҕар улахан оруоллаах киһини кытта билсиэххин сөп. Саҥа табыгастаах кыахтары туһанарга уларыйыы сибикитин билэ-көрө сырыт. Кыра мэһэйдэртэн чаҕыйыма, олор олус түргэнник ааһыахтара. Барытын түргэнник оҥоро сатыыр үтүө хаачыстыбаҥ хайҕаллаах, ол гынан баран бу нэдиэлэҕэ саамай судургу уонна түргэн быһаарыы өрүү үчүгэй буолбатаҕын өйдүөҥ.

Хахай

Мөҕүттэр уонна айманар дьон сабыдыалларыгар киирэн биэримэ, түбүк-садьык аҕыйаҕа үчүгэй. Кыаҕы уонна сатабылы ситэ сыаналаабат эбэтэр аһара үрдэтэр наадата суох. Сонун санаалар эбэтэр кылгас айан туһалыахтара. Түбүктээх үлэттэн сынньана түс,  бырааһынньыкка сырыт, кэнсиэрдэ көр. Буола турар быһыыны-майгыны болҕойон көрө сырыт, дьылҕа бэлиэтин мүччү тутума.

Кыыс Куо

Олох өрүһүн устун холкутук устарыҥ ордук эбэтэр чуумпу хомотугар тиийиэххин наада. Ол-бу хопко-сипкэ орооһортон туттун, билсиһиилэргэ, ордук сайт нөҥүө, итэҕэйимэ. Үлэҕэр соһуччу кыһалҕалар күөрэйиэхтэрин сөп. Оптуорунньукка салалтаҕын кытта дьыалабыай кэпсэтиини былааннаа, санааҕын этин. Сэрэдэҕэ куоракка айанныыргар сэрэхтээх буол. Өрөбүллэргэ соһуччу ыалдьыттар тиийэн кэлиэхтэрэ, ол эрээри үгүс үөрүүнү бэлэхтиэхтэрэ.

Ыйааһыннар

Бу нэдиэлэ саҥа дьыалалар, бырайыактар уонна этиилэр кэскиллээх буолуохтара, үтүө уларыйыылары күүтэргэ табыгастаах кэм. Тус олоххун уларытар кыах көстүө. Оптуорунньукка улахан быһаарыныыны соҕотоҕун ылыныма. Чэппиэргэ тулалыыр дьоҥҥун кытта сыһыаҥҥытын ырытан көрүөххүн наада. Барыта эн баҕарарыҥ курдук буолбатаҕына, урукку өстөһүүнү умун, саҥа бииргэ үлэлэһии туһунан толкуйдаа.

Ооҕуй

Бу нэдиэлэ былааннарыттан туораама, дьулуурдаах уонна болҕомтолоох буолуу курдук хаачыстыбалар туһалыахтара. Ханнык да бытархайга болҕомто ууруллуохтаах, олор дьайыыларыттан туох түмүк кэлэрэ тутулуктаах. Үлэлээн-хамсаан ситиһиини уонна дохуотуҥ таһымын үрдэтиини күүтүөххүн сөп.

Охчут

Билигин өйгүн үлэлэттэххинэ эрэ элбэҕи ситиһиэҥ. Үчүгэй өттүгэр уларыйарга табыгастаах кэм. Соһуччу көрсүһүүлэр уонна билсиһиилэр туһалаах буолуохтара. Дьон хараҕын далыгар сырыт, эйэҕэс-элэккэй майгыҥ үрдүктүк сыаналаныа. Сурахха-садьыкка итэҕэйимэ, аймахтары кытта сыhыаны алдьатыан сөп.

Чубуку

Санаабыккын оҥорорго элбэх угуйуу баар буолуо, олор эйигин туора соһуохтарын сөп. Соторутааҕыта ылбыт иһитиннэриигэр олоҕуран, ону-маны оҥорортон сэрэн,  албыннатар куттал баар. Төбөҕөр элбэх идиэйэ киирдэҕинэ, дьоһуннаах, суолталаах быhаарыныылары ыла охсорго тиэтэйимэ, ол оннугар ону хайдах олоххо киллэрэр туhунан сыта-тура толкуйдаа.

Күрүлгэн

Бу нэдиэлә элбэх түбүктээх, ону тэҥэ туохтан эрэ кэлэйиилээх буолуо. Эйигин тулалыыр дьон тугу эрэ кистииллэрин уонна ону бэйэлэрин сыалларыгар дьулуhалларын өйдүөҥ. Үлэҕэр соло булуоҥ суоҕа. Араас идиэйэлэр көтөн түһүөхтэрин сөп. Болҕомтолоох буолан, бэйэҥ иннигэр туруоруммут сүрүн соруктаргын ситиhэриҥ ордук.

Балыктар

Бу нэдиэлэҕэ сүрүн мэhэйинэн олоххор тугу эрэ уларытыаххын баҕарарыҥ буолуоҕа. Талан ылбыт суолгар тургутуу ирдэнэр, оччоҕо эрэ ситиhиини билиэҥ. Күндү кэмҥин туhата суох кэпсэтиилэргэ бараама, санааларгын сааһылаа, былааннаа – оччоҕо барыта табыллан иһэриттэн астыныаҥ.