СУГУН ТУҺАТА

Сугуҥҥа баар антоциан диэн эттиктэр диабеты, араак ыарыыны, араас бактериялаах инфекциялары утары охсуһаллар. Ону таһынан, сугун кырдьыыны бытаардар, мэйии үлэтигэр өйөбүл буолар. Үөһү, ууну таһаарар, сүһүрүүнү утары дьайыылаах. Күннэтэ сии сырыттахха, организм аһы буһарыытын тупсарар.

Иммунитет намтааһыныгар, авитаминозка олус туһалаах. Циститы эмтииргэ, хаан баттааһынын түһэрэргэ, саахары намыратарга, быар ыарыылаахтарга табыгастаах.

Сугун аһыгар железо элбэх буолан, анемиялаах дьон хайаан да сии сылдьыахтаахтар. Бүөр, хабах ыарыытыгар кытта туһалыыр.

Сугун сэбирдэҕин оргутан тымныйыыга, тумууга иһэллэр, кыраадыһы түһэрэр кыахтаах. Ырыан баҕарар дьон сугун сэбирдэҕин оргутан уутун убаҕас гынан иһиэхтээхтэр. Маны таһынан, сугун сэбирдэҕин уута сүрэххэ уонна тымырга үчүгэй дьайыылаах.

“Сугуну харахтарынан мөлтөхтүк көрөр, катаракта, глаукома ыарыыларынан эрэйдэнэр дьон элбэхтик сиэхтээхтэр. Отоно мэйии кырдьыытын бытаардар, саахар ыарыылаах дьоҥҥо үтүөкэн эмп быһыытынан биллэр. Сибиэһэй отон микробтары утары күүстээх дьайыыны оҥорор, оннооҕор дизентерияны кыайар, айах бааһын аһардар күүстээх олус туһалаах эмп. Өскөтүн сугун сибиэһэй отонун уутун ыган ылан эмп быһыытынан туһанар буоллахха, диабет, лейкоплакия, лейкоз курдук уодаһыннаах ыарыылары эмтииргэ улахан көдьүүстээх.

Фолиевай  кислота баар буолан ыарыыны түргэнник үтүөрдэр”, - диэн “Саха ыалын бастыҥ кинигэтигэр” суруйбуттар (Бырайыак ааптара А. С. Тимофеева. 2022 с.).

Сугуну бэйэтинэн тоҥорон, барыанньалаан, саахары кытта булкуйан хаһааныахха сөп.