Судаарыстыбаннай төлөбүрдэр туһунан маассабай иһитиннэриилэр кэлэллэр

Бу туһунан Ис дьыала министиэристибэтэ сэрэтэр. Мессенджердэринэн уонна электроннай почтаҕа кэлэр иһитиннэриилэргэ дьоҥҥо бырааһынньыктааҕы төлөбүрү эрэннэрэллэр уонна сигэни баттаан киирэргэ көрдөһөллөр. Сигэлэрэ сымыйа саайтарга аҕалар.

Угаайылаахтар сүрүн сыаллара — уоруллубут саайтынан «Госуслуги» порталы үтүгүннэрэн эбэтэр «Биир кэлим төлөбүр киинэ» диэн суох тэрилтэ аатыттан дьону албыннаан, кинилэр тус дааннайдарын эбэтэр харчыларын уорарга соруналлар.

ИДьМ сэрэтэринэн, бырааһынньык иннинэ дьон сынньалаҥтан үөрэн, сэрэхтэрэ сүтэр. Оҕуруктаах өйдөөхтөр маны туһанан, бэйэлэрин араас биэдэмистибэлэр, бааннар уонна социальнай сулууспа үлэһиттэрин курдук кубулунан кэпсэтэллэр. Полиция сэрэхтээх буоларга, уорбаланар сигэлэри баттаабаттарыгар ыҥырар.