Субуотаны уонна өрөбүлү туһалаахтык атаарыҥ

Бараан

Субуота чуумпу дьарыктарга табыгастаах: уруһуй, муусука, аргыый-наллаан ас астааһын. “Тугу да гыммаппын” диэн бэйэҕин мөҕүттүмэ — бу чөлгөр түһүү буолар. Өрөбүлгэ нэдиэлэ ахсын хойутатан иһэр кыра эбэһээтэлистибэлэргин толор. Онтугун толордоххуна, түмүктээтэххинэ, ол эйиэхэ күүс-уох биэриэҕэ.

Туохтан туттунуохха сөбүй: арыгы уонна политика туһунан кэпсэтиилэр.

Оҕусчаан

Субуотаҕа үгэскиттэн туораан тугунан эрэ дьарыктан: мусуойга сырыт, лиэксийэтэ иһит, билбэт эйгэҕиттэн ыстатыйата аах. Өрөбүл күн гаджеттаргын ыраастаа: туһаммат сыһыарыыларгын уонна эргэ хаартыскалары соттор.

Туохтан туттунуохха сөбүй: социальнай ситимнэргэ араас иһитиннэриилэри үлүбээй арыйталаама, комментарийга билбэт дьоҥҥун кытта мөккүһүмэ.

Игирэлэр

Субуота – тугу эрэ бүтэрии, тиһэҕэр тиэрдии күнэ. Суруккун ситэр, счеттаргын төлөө, алдьаммыт уруучуканы быраҕан кэбис. Өрөбүлгэ уугун хана утуй уонна будильниккын арааран кэбис. Эрдэ уһуктубут буоллаххына, тута турума,  чуумпуга сыта түс.

Туохтан туттунуохха сөбүй: үлэ электроннай почтатын бэрэбиэркэлээмэ уонна “тугу да гымматым” диэн буруйдаах курдук сананыма.

Араак

Субуотаҕа инники былааннары оҥорума — бэнидиэнньиккэ уларыйыахтара. Ол оннугар эт-хаан дьарыгын ирдиир тугу эмэ оҥор: сүүрүү, ыккын кытары дьаарбайыы, ханнык баҕарар хамсаныы. Өрөбүлгэ үлэҕэр сыһыана суох тугу эрэ ааҕыахха сөп.

Туохтан туттунуохха сөбүй: сүүйүүлээх оонньуулартан уонна толорорго ыарахан эрэннэриилэри биэрэртэн.

Хахай

Субуотаҕа мунньуллан хаалбыт дьыалалары ырытарга табыгастаах күн: урукку квитанциялары, скриншоттары, аны наадата суох контактары. Миэстэтэ босхолоо. Өрөбүлгэ кэлэр нэдиэлэни былаанныаххын сөп, ол эрээри кыралаан, бычыах-бычыах буолбакка, киэҥник.

Туохтан туттунуохха сөбүй: партнеруҥ төлөпүөнүн бэрэбиэркэлээһинтэн уонна атын дьон айдааныгар кыттыһартан.

Кыыс Куо

Субуотаҕа атын дьону кытта оҥорор дьыалаларыҥ ордук табыллыахтара, ол эрээри “көмөлөс уонна баран хаалыы” ньыманан. Эйигин кэтэспэт сирдэригэр өр буолума. Өрөбүлгэ бириэмэҕин соҕотох атаар — ол биир тэҥ буолууну үөскэтиэҕэ.

Туохтан туттунуохха сөбүй: атын дьон санаатынан быһаарыыны ылынартан уонна гаджеттарга, төлөпүөҥҥэ элбэх бириэмэни атаарартан.

Ыйааһыннар

Субуота күҥҥүн ыраастаныыга, туһата суоҕу быраҕыыга анаа. Саамай кыра дьааһыктан саҕалаа — барыта бэйэтэ саҕаланан барыа. Өрөбүлгэ тугу да былааннаама. Сыт, аах, сыала-соруга суох хаамыталаа, күүлэйдээ.

Туохтан туттунуохха сөбүй: бэйэҕин кириитикэлээһинтэн (“мин ситэ оҥорботум”) уонна социальнай ситимнэргэ атын дьон сынньалаҥнарыгар бэйэҕин тэҥнииртэн.

Ооҕуй

Субуотаҕа түргэнник көстөр түмүктээх тугу эмэ оҥор: кинигэлэри уларытан туруор, түннүккүн, сиэркилэҕин сууй-сот, хартыыната ыйаа. Өрөбүлгэ бэйэҥ быраапкын дакаастыы сатаама — ким да сыаналыа суоҕа. Ол оннугар урукку киинэлэри көрөр эбэтэр өр кэмҥэ баҕарбыт аскын астыыр ​​ордук буолуо.

Туохтан туттунуохха сөбүй: аралдьыйыыга харчыны солуута суох ороскуоттааһынтан.

Охчут

Субуота – чуумпуруу кэмэ. Ыалдьыттартан аккаастан, “наадалаахтар” да дии санаатаргын. Элбэҕи саҥарар ирдэммэт дьыалатын оҥор. Өрөбүлгэ хаартыскалары ырытан көрүөххүн эбэтэр ыраах аймахтаргар суруйуоххун сөп.

Туохтан туттунуохха сөбүй: утуйуох иннинэ эмоциональнай кэпсэтиилэртэн уонна ыарахан, тыҥааһыннах киинэлэри көрөртөн.

Чубуку

Субуота түргэнник оҥоһуллар соруктарга саамай табыгастаах кэм: төлөпүөнүнэн кылгас кэпсэтиилэр, чаттаргын бэрийии, бэрээдэктээһин, наадата суох файллары сотторуу. Өрөбүл эйгэҕин уларытар туһалаах — дьиэттэн таҕыс, маҕаһыыннарга сырыт.

Туохтан туттунуохха сөбүй: туох да сыала-соруга суох социальнай ситимнэри көрөртөн уонна утуйуох иннинэ сонуннары ааҕартан.

Күрүлгэн

Субуота докумуоннаргын эбэтэр үпкүн-харчыгын бэрээдэктииргэ табыгастаах. Счеттары сөп түбэһиннэр уонна хойутаппыт иэскин төлөө. Өрөбүлгэ дьиэ үлэтинэн дьарыктан: сибэккилэри хаттаан олордорго эбэтэр куухунаҥ малын-салын, дьааһыктарын ыраастыырга. Бу эйиэхэ уоскутар уонна хонтуруоллуур санааны биэриэн сөп.

Туохтан туттунуохха сөбүй: суолтата суох атыылаһыылартан уонна бэйэҕэр наадата суох көмөлөһөргө эрэннэриилэртэн.

Балыктар

Субуотаҕа өр үлэлээбит, салгыбыт дьыалаҕын бүтэр. Ситиһии эн саныыргыттан ордук сыаналаах буолуоҕа. Өрөбүлгэ көрсүһүүлэртэн уонна кэпсэтиилэртэн туттун. Ол оннугар эргэ таҥастаргын ырыт, дьаарыстаа: биир сыл устата кэппэтэххин хорсуннук бэлэхтиэххин сөп.

Туохтан туттунуохха сөбүй: социальнай ситимнэргэ мөккүөрдэртэн уонна иһитиннэриилэргэ толкуйа суох эппиэттэртэн.