Өссө икки выпускник БКЭ-ни 100 баалга туттарда
Мииринэй оройуонун Айхал бөһүөлэгин 5 №-дээх оскуолатын выпускнига Алена Трофимова географияҕа муҥутуур үрдүк көрдөрүүлэннэ. Учуутала – Лилия Руденко.
Өрөспүүбүлүкэтээҕи лицей-интэринээт выпускнига Арылхан Иевлев информатикаҕа 100 баалы ылары ситистэ. Учуутала – Мария Уваровская.
СӨ Ил Дархана Айсен Николаев MАХ ханаалыгар эҕэрдэлээтэ:
«Аленаны, Арылханы, кинилэр төрөппүттэрин уонна педагогтары ис сүрэхпиттэн эҕэрдэлиибин! Саҥа ситиһиилэри, хорсун соруктары уонна улахан кыайыылары баҕарабын!»
Санатан эттэххэ, быйылгы БКЭ түмүгүнэн физикаҕа – үс, профильнай математикаҕа – түөрт, төрөөбүт тылга – икки, нуучча тылыгар – тоҕус, өссө алта выпускник – литератураҕа, химияҕа уонна историяҕа 100 баалы ылбыттара. Барыларын 100 тыһыынча солкуобай кээмэйдээх биир кэмнээх төлөбүр күүтэр.
Сонуннар
Ордук ааҕаллар
