Өссө биир саҥа бырааһынньык баар буолла – Артыыс күнэ
Бу туһунан дьаһалы РФ Бырабыыталыстыбатын бэрэссэдээтэлэ Михаил Мишустин баттаабыт уонна бырааһынньыктар халандаардарыгар киллэрэргэ сорудахтаабыт.
Саҥа бырааһынньык ССРС бастакы норуодунай артыыһа, уһулуччулаах педагог Константин Станиславскай (1863 сыл тохсунньу 17 күнэ – 1938 сыл атырдьах ыйын 7 күнэ) төрөөбүт күнүгэр бэлиэтэниэҕэ. Оттон бу көҕүлээһини Тыйаатыр диэйэтэллэрин Арассыыйатааҕы сойууһун бэрэссэдээтэлэ, Олег Табаков тыйаатырын уус-уран салайааччыта Владимир Машков 2025 сыл ахсынньы 4 күнүгэр киллэрбит.
Бэлиэтээн эттэххэ, Артыыс күнэ тыйаатыр, киинэ, цииркэ, эстрада артыыстарыгар барыларыгар сыһыаннаах.
Маны сэргэ Саха сиригэр быйылгыттан Ил Дархан Айсен Николаев ыйааҕынан тохсунньу 16 күнүгэр Национальнай тыйаатыр күнүн бэлиэтээри олоробут.
Бүгүн киэһэ 17.00 чаастан Былатыан Ойуунускай аатынан Саха тыйаатырыгар бастакы үөрүүлээх тэрээһин күүтүллэр.
Хаартыска: Бикипиэдьийэ
Сонуннар
Ордук ааҕаллар
