«Спортивнайга» спорт саалата уонна оҕо саада быйыл үлэҕэ киириэхтэрэ

Бырабыыталыстыба Бэрэссэдээтэлэ Кирилл Бычков бэҕэһээ, атырдьах ыйын 7 күнүгэр, Дьокуускайга тутуллар «Спортивнай» түөлбэ эбийиэктэрин бэрэбиэркэлээтэ.

Премьер-министр элбэх функциялаах спорт саалатын, 240 миэстэлээх оҕо саадын, элбэх кыбартыыралаах дьиэ уонна Кырдьаҕастар интэринээт-дьиэлэригэр 200 миэстэлээх салҕааһыны тутуу хаамыытын бэрэбиэркэлээтэ. 
2-с уонна 17-с кыбаарталлар территорияларыгар «Спортивный» түөлбэни тутан таһаарарга уопсайа 160 хаарбах дьиэни көтүрэр сорук турар. Ааспыт сылга 11 дьиэ көһөрүллүбүтэ. Кирилл Бычков быйыл былааннаах 17 дьиэ олохтоохторун көһөрүүнү кытаатарга сорудахтаата.
Маны сэргэ бастакы 11 мэндиэмэннээх дьиэни тутууну бэрэбиэркэлээтэ. Дьиэ 2027 сылга үлэҕэ киириэхтээх. 240 миэстэлээх оҕо саада уонна элбэх функциялаах спорт саалата быйыл үлэҕэ киирэллэр.

«Спортивнай» түөлбэҕэ уопсайа 300 тыһыынчаттан тахса квадратнай миэтэрэ иэннээх олорор дьиэ тутуллуохтаах. Маныаха саҥа канализационнай коллектор, уунан хааччыйыы, Хатыҥ Үрэхтээҕи уотунан уонна уунан хааччыйар подстанцияны уларытан тутуу уо.д.а. ирдэнэллэр. Бырайыагы олоххо киллэрии 7 млрд солк. тахса иэннээх федеральнай үбүлээһини ирдиир, диэн Ил Дархан уонна Бырабыыталыстыба пресс-сулууспата иһитиннэрэр.

Хаартыскалар: Саргын Скрябин, СИА