«Союз Авто» куорат оптуобустара тоҕо кирдээхтэрин быһаарда

Бу туһунан биһиги кэллиэгэлэрбит, «Эхо столицы» суруналыыстара, «Союз Авто» тэрилтэ дириэктэрэ Андрей Косицкайтан ыйыталастылар.

«Сарсыарда линияҕа ыраас оптуобустар тахсаллар эрээри, биир-икки рейс кэнниттэн киртийэн хаалаллар. Маны таһынан, билигин автомойка боппуруоһа уустук: түүн өссө даҕаны тымныы, уу тоҥор, ол иһин автомойка барыта үлэлээбэт. Суоппардар үксүн оптуобустарын бэйэлэрэ илиилэринэн сууйаллар, тирээпкэ уонна биэдэрэ ылан – онтон атыннык кыаллыбат», – диэн быһаарда Косицкай.