Сорох хомунаалынай өҥөнү төлөөмүөххэ сөп дуо?

Бары билэрбит курдук, тохсунньу ыйтан хомунаалынай өҥө иһин төлөбүр үрдээтэ, өссө от ыйыгар эмиэ үрдэтэр былааннаахтар. Маныаха сорох эбии өҥөлөргө кыбартыыра хаһаайына төлөөмүөн сөп диэн юрист быһаарар. Онон квитанцияны болҕойон үөрэтиэххэ наада эбит. Холобур, харабыл, консьерж өҥөтө, тэлгэһэни эбэтэр подъеһы хомуйуу квитанцияҕа эн сөбүлэҥэ суох киирбит түгэнигэр. Манна сүрүн бириинсип: дьиэни бас билээччи бу өҥөлөргө уопсай мунньахха сөбүлэҥин биэрбит эрэ буоллаҕына төлүөхтээх. Өскөтүн мунньах бары процедуралары тутуһан ыытыллыбыт буоллаҕына – куорум толору уонна сөбүлэспит киһи ахсаана тахсыбыт түбэлтэтигэр – төлүүр наада.

Оттон мунньах ыытыллыытыгар бэрээдэк нуормата кэһиллибит – оччотугар мунньахха сылдьыбатах бас билээччи суукка үҥсүү түһэриэн сөп. 

Маны таһынан, сорох категория гражданнар ОДьКХ өҥөтүгэр чэпчэтиинэн туһаныахтарын сөп диэн юрист санатар. Кинилэр истэригэр:

- биэнсийэлээхтэр;

- байыаннай сулууспалаахтар;

- элбэх оҕолоох дьиэ кэргэн чилиэннэрэ.

Холобур курдук эттэххэ, Москваҕа үлэ бэтэрээннэригэр ОДьКХ иһин төлөбүргэ 50% чэпчэтии көрүллэр эбит.

Оттон биһиэхэ? Бу өйөбүл миэрэтин Арассыыйа атын регионнара, ол иһигэр тыйыс тымныыга, уһук хотугу сиргэ олорор Саха сирин олохтоохторо хаһан эмит туһаныахпыт дуо диэн ымсыырыы уонна ыйытыы үөскүүр.