14.10.2026 | 13:30 | Просмотров: 80

Сонун быыстапкаҕа ыҥыраллар

Алтынньы 13 күнүгэр «Арассыыйа – мин историям» түмэл комплексыгар «Дьокуускай суолларынан» быыстапка аһылынна.
Сонун быыстапкаҕа ыҥыраллар
Ааптар: Киин Куорат
Хаартыска: "Арассыыйа – мин историям" түмэл
Бөлөххө киир

Экспозиция үс бэлиэ даатаҕа ананар: киин куоракка бастакы массыына кэлбитэ 100 сылыгар, оптуобус сырыыта саҕаламмыта 90 сылыгар уонна бастакы идэтийбит суоппар Петр Машицкай төрөөбүтэ 120 сылыгар.

Быыстапка коллекционер Ярослав Арбугин хомуйбут матырыйаалларыгар олоҕуран турда. Итиэннэ ирбэт тоҥ үрдүгэр төрүттэммит куоракка тырааныспар сайдыытын көрдөрөр.

Дьокуускайга бастакы тимир көлөнү 1926 сыллаахха баржанан тиэйэн аҕалбыттар. Pipe («Пипъ») мааркалаах Бельгия массыыната эбит. Бас билээччитэ – Иркутскайтан Дьокуускайдааҕы фармацевтическай салааҕа сэбиэдиссэйинэн ананан кэлбит Николай Иванович Петров.

Быыстапка биир баһа Дьокуускай бастакы идэтийбит суоппарыгар анаммыт. Быйыл Петр Машицкай төрөөбүтэ 120 сыла. Кини 1925 сыллаахха суоппардар бастакы куурустарын тэрийбит.   

Экспозицияны киин куоракка оптуобус сырыыта саҕаламмыта 90 сылыгар аналлаах хаартыскалар, докумуоннар ситэрэллэр.

Киириитэ босхо.

Сонуннар

06.11.2026 | 19:00
Бэлэх

Ордук ааҕаллар

Убаһа этэ туох кутталлааҕый?
Сытыы муннук | 05.11.2026 | 13:00
Убаһа этэ туох кутталлааҕый?
Идэһэ сезона саҕаланна. Убаһа этэ атыыга таҕыста. Ылан тоҥнуу сиэри салбанан олорооччу элбэх буолуохтаах...
Ытык Күөлгэ Байанай ыйа муҥхаттан саҕаланна
Дьон | 01.11.2026 | 21:07
Ытык Күөлгэ Байанай ыйа муҥхаттан саҕаланна
Өбүгэ үгэһэ салҕанар.
Блиныны арааһыттан боруобалыахха
Сонуннар | 03.11.2026 | 16:00
Блиныны арааһыттан боруобалыахха
Оччотугар хайата ордугун быһаарыахпыт.