Сомоҕолоһуу күнүнэн кэнсиэркэ ыҥыраллар

Бу күн көрөөччүлэри струннай квартет толоруутугар Моцарт «Маленькая ночная серенада» айымньыта, опера ырыаһыттарын уонна симфоническай оркестр артыыстарын толорууларыгар С. Рахманинов «В молчании ночи тайной» уонна Н. Зубов «Не уходи, побудь со мной» айымньылара, Ж.Бизе «Кармен», П. Чайковскай «Иоланта», М. Глинка «Жизнь за царя», В. Беллини «Капулетти и Монтекки» операларыттан быһа тардыылар күүтэллэр.

Маны сэргэ Афанасий Герасимов скрипкаҕа Кирилл Герасимов «Тойугун» оонньуоҕа. «Над полями да над чистыми», «Черноглазая казачка», «Сарданалаах аартыгынан», «Геван икэнин» («Саһарҕа ырыата»), «Шамхандаа» («Эйиэхэ»), «Инаг шамдаа» («Тапталлаахпар») нууччалыы, сахалыы, эбээннии, бүрээттии ырыалар толоруллуохтара.

Фойеҕа тыйаатыр музейын пуондатыттан испэктээктэр көстүүмнэринэн, эскизтэринэн быыстапка көрөөччү болҕомтотун тардыаҕа.

Бырааһынньыктааҕы кэнсиэр оһуокайынан түмүктэниэҕэ, диэн Ил Дархан уонна Бырабыыталыстыба пресс-сулууспата иһитиннэрэр.