Солкуобайбыт сыаната үрдүүр

Оттон Информер.com суруйарынан, букатын да “солкуобай валюта ырыынагар рекортары олохтуура салҕанар”. РФ Киин баана ыам ыйын 20 күнүгэр аан дойду тутаах валюталарыгар сыһыаннаан солкуобай официальнай кууруһун олохтоото. Бу туһунан Киин баан пресс-сулууспата иһитиннэрэр.

Ол курдук,  бүгүн АХШ дуоллара 1,0571 солк. түһэн, 71, 2926 солк. тэҥнэспит. Тэҥнээн көр: бэҕэһээ ыам ыйын 19 күнүгэр 72,3497 солк. этэ.

Оттон евро 1,2871  солк. намтаан, 82,7871 солк. буола түспүт. Бэҕэһээ биир евро 84,0742 солк. этэ.  

Кытай юана 0,1734 солк. түһэн, 10,4545 солк. тэҥнэспит. Иннинээҕи күн 10,6279 солк. эбит.

Санатан эттэххэ, РФ Киин баана 2024 сыл ахсынньы 27 күнүттэн саҕалаан,  тас дойду валюларын куурсун солкуобайга сыһыаннаан олохтууругар биржа эрэ киэнигэр буолбакка, биржаны таһынан эпэрээссийэ сегменнэрин дааннайдарыгар эмиэ тирэҕирэр буолбута.  “Маннык дьаһаныы – биржа тас өттүнэн эпэрээссийэ күннэтэ улаата турар кэмигэр ордук табыгастаах” дииллэр.