Социальнай пуонда 92 мөлүйүөнтэн тахса солкуобайы төрүүр сэртипикээккэ ыытта

Ааспыт 2025 сылга Саха Өрөспүүбүлүкэтигэр 10 000 кэриҥэ дьахтар ийэ буолуу сэртипикээтин туһанна. Арассыыйа социальнай пуондатын эрэгийиэннээҕи салаата ийэ буолаары сылдьар уонна саҥа төрөөбүт оҕолорго үрдүк хаачыстыбалаах медицинскэй көмөнөн хааччыйыыга 92 мөлүйүөнтэн тахса солкуобайы ыыппыта.

Бырагыраама дьахталларга оҕо күүтэр уонна оҕолонор кэмнэригэр көрөр-истэр медицинскэй тэрилтэни бэйэлэрэ талар кыаҕы биэрэр. 2026 сылтан сэртипикээт сыаната 12 000 солк. буолла. Үп-харчы үс хайысхаҕа үллэриллэр: амбулаторнай көмө уонна психо-социальнай өйөбүл (4000 солк), төрүүр дьиэ өҥөтө (6000 солк.), уонна оҕо бастакы сылыгар профилактическай чинчийиилэр (2000 солк.).

Агентство докумуон электроннай эрэ ньыманан оҥоһулларын санатар, пааспар, ирдэнэр медицинскэй страховка полиһа уонна СНИЛС баар буоллахтарына. Төлөбүр ирдэнэр медицинскэй страховка (ОМС) чэрчитинэн оҥоһуллар өҥөлөргө эрэ туттуллар. Сэртипикээти харчыга кубулутуу сокуонунан көҥүллэммэт.